വസന്തം പോയതറിയാതെ -11 [ദാസൻ] 620

അധികം വൈകാതെ അവർക്കൊരു മകൻ ജനിച്ചു, അപ്പോഴും അവളുടെ മാതാപിതാക്കൾ അവരോട് സഹകരിച്ചില്ല. വർഷങ്ങൾ അതിവേഗം കടന്നു പോയി മകന് ഇപ്പോൾ 10 വയസ്സു കഴിഞ്ഞു. രണ്ടുവർഷം മുമ്പ് ദുബായിൽ വച്ചുള്ള ഒരു ആക്സിഡന്റിൽ പ്രസാദ് കൊല്ലപ്പെട്ടു. അതോടെ ഇവരുടെ ജീവിതം ദുസ്സഹമായി ആ കണ്ടീഷനിൽ താരക്ക് കമ്പനി ഈ ജോലി ഓഫർ ചെയ്തു. അവളുടെ മാതാപിതാക്കളുമായി അകന്നു നിൽക്കുന്നതിനാൽ താരക്ക് ഈ ജോലി സ്വീകരിക്കേണ്ടി വന്നു. മോനേ നാട്ടിലുള്ള ബോർഡിങ് സ്കൂളിൽ ആക്കി അവൾ ദുബായിലേക്ക് ഫ്ലൈറ്റ് കയറി. അവൾ പറയുന്നത് അനുസരിച്ച് ഇവിടെ വളരെ ക്രൂരതയാണ് അനുഭവിക്കുന്നത്. എന്നെപ്പോലുള്ള കമ്പനിയുടെ ഗസ്റ്റുകൾ വരുമ്പോൾ അവരെ മാനേജ് ചെയ്യാൻ താരയെയാണ് അയക്കുന്നത്. അതുകൂടാതെ കമ്പനിയിലെ ചില ഉന്നതരും താരയെ പീഡിപ്പിക്കുന്നുണ്ട് ഇതെല്ലാം സഹിക്കുന്നത് അവളുടെ മകനെ ഓർത്താണ്. അവനെ എങ്ങനെയെങ്കിലും നല്ല നിലയിൽ ആക്കുക എന്നുള്ള ഒറ്റ ലക്ഷ്യമേ അവൾക്കുള്ളൂ, അതുകൊണ്ട് എല്ലാം സഹിക്കുന്നു. ഇതേ മനോഭാവത്തോടെയാണ് അവൾ എന്നെയും സമീപിച്ചത് എന്നെയും, അത്തരത്തിലുള്ളകൂട്ടരുടെ ഗണത്തിലാണ് കണ്ടത്. ആദ്യദിവസം തന്നെ എന്റെ ഒപ്പം ഹോട്ടൽ മുറിയിൽ കൂടാനാണ് വന്നത്. ഞാൻ പറഞ്ഞു

” എനിക്ക് കുറച്ച് പ്രൈവസി ആവശ്യമുണ്ട്. നിർബന്ധമാണെങ്കിൽ അടുത്തമുറി ബുക്ക് ചെയ്യാം “