വസന്തം പോയതറിയാതെ – 1 [ദാസൻ] 309

“എനിക്ക് അച്ഛൻ്റെ പ്രായമുള്ള ആളുകളെ വരെ പഠിപ്പിക്കണം. ഇവനൊക്കെ വല്ല ജോലിക്കും പൊയ്ക്കൂടെ? മനുഷ്യൻമാരായാൽ അല്പം നാണം വേണം. കുടുംബപരമായി ഇല്ലാത്തവർക്ക് അത് പറഞ്ഞാൽ മനസ്സിലാവില്ല”

ക്ഷമ നശിച്ചപ്പോൾ ഒരു ദിവസം ഞാൻ അവളോട് കയർത്തു, അത് പ്രിൻസിപ്പളിൻ്റെ അടുത്ത് പരാതിയായി എത്തി. ലച്ചററോട് അപമര്യാദയായി പെരുമാറിയതിന് രണ്ടാഴ്ച സസ്പെൻഷൻ അനുവദിച്ചു. പോകുന്ന പോക്കിന് ഞാൻ അവളോട്

“നിന്നെ, ഞാനെടുത്തോളാം. നീ കരുതിയിരുന്നൊ”

ഇതും പറഞ്ഞ് പോരുന്ന വഴി ബാച്ചിലെ ചില ജൂനിയർ പിള്ളേർ എന്നെ കളിയാക്കി ചിരിക്കുന്നു. പോകുന്ന പോക്കിൽ അവർക്കിട്ട് ഈ രണ്ടെണ്ണം കൊടുത്ത് കൊണ്ടാണ് കോളേജിന് പുറത്ത് കടന്നത്. രണ്ടഴ്ച വീടും ഷോപ്പും കൂട്ടുകാരുമായും കഴിച്ചുകൂട്ടി. രണ്ടാഴ്ച കടന്നു പോയതറിഞ്ഞില്ല, വീണ്ടും കോളേജിൽ ചെന്നപ്പോൾ അവൾ മറ്റുള്ള കുട്ടികളെ വെറുപ്പിച്ചിട്ടുണ്ടായിരുന്നു. അവളുടെ പ്രവർത്തി കൊണ്ട്, ആ ബാച്ചിലെ ഒരു കുട്ടിക്ക് പോലും അവളെ ഇഷ്ടമല്ലാതാക്കി. അവൾക്ക് എന്നോടുള്ള ദ്വേഷ്യം കൂടിയതെയുള്ളു, നേരിട്ടല്ലെങ്കിലും പലപ്പോഴും കുത്തുവാക്കുകൾ പറയുന്ന സാധാരണമാണ്. അവൾക്ക് എൻ്റെ കോഴ്സ് മുടക്കണം എന്ന വാശി ആയിരുന്നു. ഇത് മനസ്സിലാക്കി ഞാൻ പരമാവധി സംയമനം പാലിച്ചു. ഇതിനിടയിൽ ചേട്ടൻ എത്തി. ചേട്ടനും ചേട്ടത്തിയും കുറച്ചു സ്ഥലങ്ങളിൽ പോകാനുള്ളതുകൊണ്ട് ഒരാഴ്ച എനിക്ക് കോളേജിൽ പോകാൻ സാധിച്ചില്ല. പിന്നീട് കോളേജിൽ ചെന്നപ്പോൾ പ്രിൻസിപൾ നെ കണ്ടിട്ട് കയറിയാൽ മതിയെന്ന് ഓർഡർ. ഞാൻ പ്രിൻസിപ്പളിനെ കണ്ടപ്പോൾ

“വിനോദേ, താനും ഗൗരി ടീച്ചറും തമ്മിലെന്താടൊ ഇഷ്യു ?”

ഞാൻ ഒന്നും പറഞ്ഞില്ല. അപ്പോൾ ഈ സംഭവത്തിനും രംഗസംവിധാനം ആ മഹതിയാണെന്ന് മനസ്സിലായി. അപ്പോൾ അവളുടെ പേര് കിട്ടിയില്ലെ. ഞാൻ ചെന്ന് ക്ലാസിൽ കയറിയിരുന്നു. അങ്ങിനെ ദിവസങ്ങൾ കടന്നു പോയി. എന്നോടുള്ള അവളുടെ ദ്വേഷ്യവും വെറുപ്പും കൂടി കൂടി വന്നു. ഏത് സമയത്താണാവൊ ഇംഗ്ലീഷ് ലിറ്ററേച്ചർ എടുക്കാൻ തോന്നിയത്, വേറെ ഏതെങ്കിലും വിഷയം എടുത്താൽ മതിയായിരുന്നു. ഇനി പോയ ബുദ്ധി ആന പിടിച്ചാൽ കിട്ടില്ലല്ലൊ. ഇതിനിടയിൽ ചേട്ടൻ വന്നു പോയതിന് ശേഷം ചേട്ടത്തി ഗർഭിണിയായി. സാധാരണ കോളേജിൽ പോകുമ്പോൾ സന്തോഷവും ഉൻമേഷവും തോന്നേണ്ടിടത്ത് കലുഷിതമാണ്, എന്നാൽ വീട്ടിൽ വരുമ്പോഴാണ് സന്തോഷം കിട്ടുന്നത്. ചേട്ടത്തിയെ ചെക്കപ്പിനും മറ്റും കൊണ്ടു പോകുന്ന ദിവസം കോളേജിൽ പോകാൻ കഴിയാറില്ല. ഇങ്ങിനെ പോകേ ബാച്ചിലെ സൗമ്യ എന്ന പെൺകുട്ടി എന്നോട് പ്രണയഭ്യർത്ഥന നടത്തി, ഈ കോഴ്സ് എങ്ങിനെ പൂർത്തിയാക്കും എന്നാലോചിച്ച് മനസ്സ് കലുഷിതമായിരുന്ന സമയമായതിനാൽ സുന്ദരിയും പഠിക്കാൻ മിടുക്കിയുമായ അവളുടെ പ്രണയഭ്യർത്ഥന നിഷ്കരുണം തള്ളികളയില്ലായിരുന്നു. ഈ കാരണത്താൽ അവളും എന്നെ ശത്രുവിനെപ്പോലെ കാണാൻ തുടങ്ങി. അന്ന് കോളേജിൽ നിന്നും സസ്പൻഡ് ചെയ്ത എന്നെ കളിയാക്കിയതിന്, ഞാൻ തല്ലിയ ഒരുവനെ അവൾ സെറ്റാക്കി എൻ്റെ മുമ്പിലൂടെ ‘കണ്ടോടാ’ എന്ന ധ്വനിയിൽ നടക്കാൻ തുടങ്ങി. ഇതൊന്നും എന്നെ സംബന്ധിച്ചിടത്തോളം ഒരു പ്രശ്നമേ അല്ലായിരുന്നു.

ചേട്ടത്തിക്ക് 5 മാസമായപ്പോൾ, ചേട്ടത്തിയുടെ വീട്ടുകാർ വന്ന് കൂട്ടിക്കൊണ്ടുപോയി. ചേട്ടത്തി പോയപ്പോൾ അമ്മയെ കെട്ടിപ്പിടിച്ചു കരഞ്ഞാണ് പോയത്, പോകുമ്പോൾ എന്നോട്