രാജവ്യൂഹം 1 [നന്ദൻ] 1034

കഴിച്ചു പകുതി ആയപ്പോൾ ആണ് അടുത്ത ടേബിളിൽ ഇരുന്ന അവരുടെ ഗ്യാങ് ലീഡർ എന്നു തോന്നുന്ന ഒരുത്തൻ എണീറ്റത് അവൻ ഋഷി ഇരുന്നതിന്റെ പുറകിൽ കൂടെ നന്ദനയുടെ സൈഡിൽ എത്തി പോകുന്ന പോക്കിൽ കൈ കൊണ്ട് നന്ദനയുടെ മുൻപിൽ ഇരുന്ന കറി പാത്രത്തിൽ ഒരു തട്ട് തട്ടി.. കറി മുഴുവൻ അവളുടെ മേലേക്ക് മറിഞ്ഞു.. കറി ഉണ്ടായിരുന്ന പ്ളേട് നിലത്തു വീണു രണ്ടായി പൊട്ടി.. തട്ടിയവൻ അവളെ നോക്കി ഒരു പരിഹാസ ചിരി ചിരിച്ചു..

“”ഓഹ് സോറി ഡിയർ ഞാൻ വൃത്തിയാക്കി തരാം “”അവൻ അവളുടെ നെഞ്ചിനു നേർക് കൈ നീട്ടിയതും നന്ദന കസേര പിന്നിലോട്ടു നിരക്കി നീക്കി

“ട്ടെ… ” ആര്യനും ഋഷിയും എണീക്കുമ്പോളേക് അവൻ കവിള് പൊത്തി നിക്കുന്ന കാഴ്ച ആണ് കണ്ടത്.. എരിയുന്ന കണ്ണുകളുമായി നോക്കുന്ന നന്ദനയെയും…

“”ഡീ.. $%&&&$ “” കേട്ടാൽ അറക്കുന്ന ചീത്ത വിളിച്ചു കൊണ്ട് അവൻ നന്ദനയുടെ കഴുത്തിൽ കുത്തി പിടിച്ചു.. ഹോട്ടലിൽ ഉണ്ടായിരുന്ന ആരും അവരുടെ അടുത്തേക് അടുത്ത് പോലും ഇല്ല എല്ലാരും ഭയന്നു നിൽക്കുന്ന കാഴ്ച ആണ് കണ്ടത്

“””നീ തല്ലിയത് ആരെ ആണെന്ന് അറിയാവോടി. #$%&&മോളെ “” വീണ്ടും അവൻ നന്ദനയുടെ കഴുത്തിലെ പിടി മുറുക്കി..

“രാഹുൽ പ്ലീസ് വിടു ” വാസു ഏട്ടൻ അവൻറെ മുന്നിൽ കൈ കൂപ്പി..

“”ഫ “”എന്നെ പേര് വിളിക്കാൻ താൻ ആണോടാ എന്റെ തന്ത..”” രാഹുലിന്റെ അടുത്തേക് വന്ന വാസു ഏട്ടന്റെ നെഞ്ചിൽ അവൻ ഊക്കോടെ തള്ളി… അടി തെറ്റിയ വാസു ഏട്ടൻ വേച്ചു പോയെങ്കിലും രണ്ടു കൈകൾ വാസു ഏട്ടനെ താങ്ങി.. അയാൾ ഭയത്തോടെ മുഖം ഉയർത്തി നോക്കി..വാസു ഏട്ടൻ ആര്യന്റെ നെഞ്ചിൽ തട്ടിയാണ് നിന്നത്..
“മോനെ..” അയാൾ ദയനീയതയോടെ ആര്യനെ നോക്കി.. അവൻറെ മുഖത്തെ ചിരി മാറി ദേഷ്യം കൊണ്ട് മുഖം ചുവന്നിരുന്നു..

ആര്യൻ വാസു ഏട്ടനെ മാറ്റി നിർത്തിയപ്പോളേക്കും ഋഷി മുൻപോട്ടു ചെന്നു നന്ദനയുടെ കഴുത്തിനു കുത്തി പിടിച്ചു നിന്ന രാഹുലിന്റെ കയ്യിൽ ശക്തിയായി പിടിച്ചു വലിച്ചു മാറ്റിയിരുന്നു അവൻ വലിച്ച ആയത്തിൽ രാഹുൽ പിന്നിലേക്ക് വന്നു ഒരു ടേബിളിലേക് നടു അടിച്ചു വീണു… പേടിച്ചു പോയ നന്ദന ഋഷിയുടെ നെഞ്ചിലേക് വീണു..അവൻറെ ഷർട്ടിൽ തെരുപിടിച്ചു നെഞ്ചോടു ചേർന്നു നിന്നു.. ഒരു നിമിഷം അന്താളിച്ചു പോയ ഋഷി അവളെ ചേർത്തു പിടിച്ചു…

“”ഡാ.. “”ടേബിളിലേക് വീണ രാഹുൽ ചാടി എണീക്കുമ്പോൾ അവൻറെ കയ്യിൽ ഒരു ഫോർക്കും ഉണ്ടായിരുന്നു വാസു ഏട്ടനെ മാറ്റി നിർത്തി തിരിഞ്ഞ ആര്യൻ കാണുന്നത് ഋഷിക് നേരേ ഫോർക്കുമായി കുതിക്കുന്ന രാഹുലിനെയാണ്.. ഋഷിയുടെ നെഞ്ചോടു ചേർന്നു നിന്ന നന്ദന രാഹുലിന്റെ അലർച്ച കേട്ടാണ് കണ്ണു തുറന്നു നോക്കിയത് അപ്പോളേക്കും ഋഷിയുടെ തൊട്ട് അടുത്ത് എത്തിയിരുന്നു അവൻ..

രാഹുൽ ഫോർക് ഋഷിയുടെ വയറിനു നേരേ ശക്തിയായി കുത്തിയതും നന്ദന ഋഷിയെ മാറ്റിയതും ഒരുമിച്ച് ആയിരുന്നു ലക്ഷ്യം തെറ്റിയ ഫോർക് നന്ദനയുടെ വയറിലേക് ആണ് തുളച്ചു കയറിയത്..

“””ഹ്ആ “”””” ആർത്ത നാദത്തോടെ വയർ പൊത്തി പിടിച്ചു കൊണ്ട് നന്ദന ഋഷിയുടെ നെഞ്ചിലൂടെ താഴേക്കു ഊർന്നതും ഋഷി അവളെ ചേർത്തു പിടിച്ചു വയറിൽ തറച്ചിരുന്ന ഫോർക് വലിച്ചൂരി.. അവളുടെ മുറിവിൽ നിന്നും ഒഴുകിയ രക്തത്തിൽ അവൾ ധരിച്ചിരുന്ന വൈറ്റ് ടോപ്പിൽ രക്തം പടർന്നു ഋഷി ആ മുറിവിൽ കൈ ചേർത്തതും അവൻറെ കയ്യും രക്തത്തിൽ കുളിച്ചു.. അവൻ പെട്ടെന്ന് തന്നെ അവളുടെ ഷാൾ വലിച്ചെടുത്തു അവളുടെ വയറിനു കുറുകെ കെട്ടി..
അപ്പോഴേക്കും വീണ്ടും രാഹുൽ ഋഷിയെ ചവുട്ടി വീഴ്ത്തിയിരുന്നു..