രണ്ടാം ജന്മം 2 [അജി] 166

“കിരാ… ഡാ… പൊന്നുവിന്റെ ശരിക്കുമുള്ള പേരെന്താ….? അത്‌ ഓർമ്മയിൽ നിൽക്കുന്നില്ല പൊന്നു എന്ന് മാത്രേ നിൽക്കുന്നുള്ളു ”

പെട്ടു. ഇവളുടെ പേരെന്താ എന്ന് എനിക്ക് അറിയില്ല. ഇനി ഇവനോട് എന്ത് പേര് പറയാനാ. പറഞ്ഞത് തെറ്റിയാൽ തീർന്നു.മിന്നാരം സിനിമയിൽ കുഞ്ഞിന്റെ പേര് മല എന്ന് പറഞ്ഞ പോലെയാവും.

“പേര് ഓർമ്മ ഇല്ലെങ്കിൽ അത്‌ പ്രശ്നമൊന്നും അല്ല നീ പൊന്നു എന്ന് തന്നെ വിളിച്ചോ…”

ഞാൻ എങ്ങനെയൊക്കെയോ പിടിച്ച് നിൽക്കാൻ നോക്കി.

“എന്നാലും നീ പറ പൊന്നുവിന്റെ യഥാർത്ഥ പേര്….”

ഇവൻ വിടാനുള്ള ഉദ്ദേശം ഇല്ലെന്ന് തോന്നുന്നു.ഞാൻ അവിടെ ഇരുന്ന് ചിരിക്കാൻ തുടങ്ങി.

“അനുവേ നീ കൊച്ചിന്റെ പേര് പറഞ്ഞു കൊടുത്തേ ഇവന്…”

ഞാൻ അനുവിനെ കൊണ്ട് പറയിപ്പിക്കാനായി നോക്കി.

“അനു നീ പറയേണ്ടാ ഇവൻ പറയട്ടെ. ഇവൻ കൊച്ചിന്റെ തന്താ അല്ലേ പറ…. ”

തെണ്ടി. ഇവൻ എന്നെ കൊലക്ക് കൊടുത്തേ അടങ്ങു എന്ന് തോന്നുന്നു. ഞാൻ അനുവിനെ നോക്കിയപ്പോൾ അവൾ എന്നെ സൂക്ഷ്‌മമായി നോക്കുന്നുണ്ടായിരുന്നു. അവൾക്ക് എന്തോ സംശയം ഉള്ളത് പോലെ. എനിക്ക് ഇവിടെ ഇങ്ങനെ ഇരിക്കുന്നത് പന്തിയല്ല എന്ന് മനസ്സിലായി. ഇനിയും എന്തെങ്കിലും പറഞ്ഞില്ലെങ്കിൽ ഞാൻ ശരിക്കും പെടും.

“നിനക്ക് എന്താണ് ഞാൻ എന്റെ മോളെ പലതും വിളിക്കും. നീ ഇവിടെ വന്ന കാര്യം കഴിഞ്ഞെങ്കിൽ ചായ കുടിച്ച് ഇറങ്ങി പോവാൻ നോക്ക്…”

“നീ ദേക്ഷ്യപ്പെടുകയൊന്നും വേണ്ടാ. കൊച്ചിന്റെ പേര് അറിയില്ലെങ്കിൽ അത് പറയാൻ നോക്ക്…”