രണ്ടാം ജന്മം 2 [അജി] 166

“നീ ചുടാവല്ലേ… നീ എന്തെങ്കിലും അവളെ വിളിച്ചോ എനിക്ക് ഒരു കുഴപ്പമില്ല”

അവൻ ഞാൻ ചുടായപ്പോൾ ഒന്ന് അടങ്ങി എന്ന് തോന്നുന്നു. ഇപ്പോൾ അങ്ങനെ വേണ്ടാത്ത ചോദ്യവും സംശയങ്ങളൊന്നും ഇല്ല. എന്നാലും ഞാൻ അധികം സംശയങ്ങൾക്ക് ഇട കൊടുക്കാതെ അവനോട് ഓരോന്ന് മിണ്ടിയും പറഞ്ഞിരുന്നു.

അവനോട് സംസാരിച്ചിരിക്കുമ്പോളായിരുന്നു മുറിയിൽ നിന്ന് കുട്ടിയുടെ കരച്ചിൽ കേട്ടത്. അവിടെ നിന്ന് മാറാനുള്ള അവസരമായി ഞാൻ അതിനെ മാറ്റി. ഞാൻ കൊച്ചിനെ എടുത്ത് കരച്ചിൽ മാറ്റി. അപ്പോഴേക്കും കുട്ടിയുടെ കരച്ചിൽ കേട്ട് അനു അങ്ങോട്ട് വന്നു.

“കിച്ചുവേട്ടാ… പൊന്നുവിനെ താ ഞാൻ എടുക്കാം ”

അവൾ എന്നിൽ നിന്ന് കുട്ടിയെ വാങ്ങാൻ നോക്കി.

“വേണ്ടാ… ഞാൻ പിടിക്കാം നീ അവന് ചായ കൊടുക്കാൻ നോക്ക്…”

ഞാൻ അവളെ പറഞ്ഞു വിട്ടു.

ഞാൻ കുട്ടിയെ എടുത്ത് റൂമിൽ കളിപ്പിച്ചിരുന്നു. അധികം നേരം അവിടെ ഇരുന്നാൽ വേറ വല്ല സംശയങ്ങൾക്ക് സാഹചര്യം വരുത്തേണ്ടാ എന്ന് കരുതി ഞാൻ ഹാളിലേക്ക് കുഞ്ഞിനേയും എടുത്ത് ചെന്നു. അപ്പോൾ അനു അവന് ചായ കൊടുത്ത് സംസാരിക്കുന്നുണ്ടായിരുന്നു. എന്നെ കണ്ടതും അവനിൽ എന്തോ ആവിശ്യസ്വനിയതാ പോലെ.

“എടാ… നീ കുട്ടിയെ എടുക്കാനൊക്കെ തുടങ്ങിയോ…. നീ ശരിക്കും മാറിയോ….?”

അവന്റെ ചോദ്യത്തിൽ നിന്ന് ഞാൻ മുൻപ് കുട്ടിയെ എടുക്കാറില്ല എന്ന് തോന്നുന്നു. അത് ഇവന് അറിയാം എന്ന് തോന്നുന്നു. ഞാൻ അവന് മറുപടിയായി ഒരു ചിരി സമ്മാനിച്ചു.

കുഞ്ഞിനെ ഞാൻ എടുക്കുമ്പോൾ അവളെ മുൻപ് എടുക്കാത്തതിന്റെ ഒരു പ്രശ്നവും തോന്നിയിരുന്നില്ല. അവൾ വളരെ സതോഷത്തിൽ തന്നെയാണ് എന്റെ കൈകളിൽ കിടന്ന് കളിച്ചിരുന്നത്.ഞാൻ അവന് ഒരു ചിരി മറുപടിയിൽ ഒതുക്കി കുഞ്ഞിനേയും പിടിച്ച് അവനരികിൽ പോയി ഇരുന്നു. പലപ്പോഴും പലതിനും ചിരി തന്നെ ആയിരുന്നു എന്റെ മറുപടി. വേറെ ഞാൻ എന്ത് പറയുവാനാ….