രണ്ടാം ജന്മം 2 [അജി] 166

“ഉമ്മ്… ഇന്നലെ തൊട്ട് കുറച്ച് മാറ്റങ്ങളൊക്കെ വന്നിട്ടുണ്ട്. ഇത് എന്നും കണ്ടാൽ മതി… ”

 

അവസാനത്തെ വാക്ക് അവൾ ഒന്ന് അമർത്തി എന്നെ നോക്കി കൊണ്ടാണ് പറഞ്ഞത്.

 

“എനിക്ക് തോന്നുന്നത് ഇവന്റെ അഭിനയം ആണോ എന്നാണ്. എന്തെങ്കിലും കാര്യം നടക്കാൻ വേണ്ടിയുള്ളതായിരിക്കും എന്നാണ്. പണ്ടേ ഇവൻ കോളേജിൽ പഠിക്കുന്ന കാലത്തെ ആൾക്കാരെ വിഢികളാക്കാൻ മിടുക്കൻ ആണലോ…?അങ്ങനെ അല്ലേ ഞാനും നിയുമെല്ലാം ചതിക്കപ്പെട്ടത് ”

 

അവനോട് എന്ത് മറുപടി പറയണം എന്ന് എനിക്ക് അറിയില്ല. എന്തോ കോളിച്ചുള്ള വർത്തമാനമായിരുന്നു അവന്റേത്.

 

“അനു നീ സംസാരിച്ച് നിൽക്കാതെ കുടിക്കാൻ ചായ വെച്ചേ….”

ഞാൻ വിഷയം മാറ്റാനായി പറഞ്ഞു.

 

“അല്ല.. അല്ല…. നീ എന്താ ഇപ്പോ ഇവളെ വിളിച്ചേ അനുവെന്നോ….!നീ ഇങ്ങനെ ഒന്നും അല്ലാലോ ഇവളെ വിളിച്ചിരുന്നത് ഇപ്പോൾ എന്താ ഇങ്ങനെ ഒരു വിളി….”

 

ഇവന് എന്നെ കുറിച്ച് സംശയങ്ങൾ തോന്നി തുടങ്ങി.ഇനി ഇവൻ ഇവിടെ നിന്നാൽ കൂടുതൽ സംശയങ്ങൾ വരാൻ സാധ്യതയുണ്ട്. എത്രെയും വേഗം ഇവനെ പറഞ്ഞു വിടുന്നതാണ് നല്ലത്. അനുവിന്റെ മുഖത്തും എന്തോ സംശയങ്ങൾ ഉള്ളത് പോലെ എനിക്ക് തോന്നി.

 

“നീ ഇവിടെ ഞങ്ങളെയും നോക്കി ഇരിക്കുകയാണോ… പോയി ചായ വെക്ക്….”

ഞാൻ രംഗം മാറ്റാനായി പറഞ്ഞു.

 

“ഹയ്യോ… ഞാൻ അത്‌ മറന്നു. ഞാൻ വേഗം ചായ ഇട്ടിട്ട് വരാമേ…”

അനു അതും പറഞ്ഞ് അടുക്കളയിലേക്ക് പോയി.

 

എന്നാലും ഇവൻ ആരായിരിക്കും. ഇവൻ കാരണം ഞാൻ പ്രശ്നത്തിൽ ആവുമെന്നാ തോന്നുന്നേ…

 

“എടാ… നീ ഇത് പറ നീ എന്തിനാ ഇപ്പോൾ അവളെ അനുവെന്ന് വിളിക്കുന്നേ….”

 

ഇവൻ ഇത് വരെ ഇത് വിട്ടിലെ. ഞാൻ അവൻ അത്‌ വിട്ടു എന്നാ കരുതിയേത്.ഇവൻ പ്രശ്നമാവും എന്നാ തോന്നുന്നത്.

 

“നിനക്ക് എന്താ അവൾ എന്റെ ഭാര്യ അല്ലേ അവളെ ഞാൻ എനിക്ക് ഇഷ്ടമുള്ളത് വിളിക്കും”

ഞാൻ അവനോട് ചൂടായി.