രണ്ടാം ജന്മം 2 [അജി] 166

“അവളെ ഞാൻ കുളിപ്പിച്ച് ഭക്ഷണം കൊടുത്ത് ഉറക്കി കിടത്തി ”

അനു എന്നോടൊപ്പം കടയിൽ സാധനങ്ങൾ കൊടുക്കുവാൻ തുടങ്ങി. ഇന്നലത്തേതിൽ നിന്ന് വ്യത്യസ്തമായി അവളെ ഇന്ന് സന്തോഷവതിയായി കാണപ്പെട്ടു. ചിലപ്പോൾ എന്റെ മാറ്റമായിരിക്കും അതിന് കാരണം.

അവളെ കുറിച്ച് കൂടുതൽ അറിയണം എന്ന് എനിക്കുണ്ട്. അത്‌ എങ്ങനെയാ ചോദിക്കുക എന്ന് എനിക്ക് അറിയില്ല. അവളെ കുറിച്ച് മാത്രമല്ല എന്നെ കുറിച്ചും.ചോദിച്ചാൽ ഞാൻ മറ്റൊരാളാണെന്ന് അവൾക്ക് അറിയാൻ കഴിയും. പകരം ആരോടാ ചോദിക്കുക എന്ന് പോലും അറിയില്ല. എങ്ങനെയെങ്കിലും ആരോടെങ്കിലും ചോദിച്ച് അറിയാം. സമയം ആവുമ്പോൾ അതിനൊരു വഴി തെളിയും. അത് വരെ സംശയത്തിന് ഇട കൊടുക്കാതെ നോക്കിയും കണ്ട് നിൽക്കാം. ഞാൻ അവിടെ പല കണക്ക് കൂട്ടലുകളും നടത്തി അവിടെ ഇരുന്നു.

കടയിൽ അവിടെ ഇരിക്കുമ്പോളായിരുന്നു ഒരാൾ ബൈക്കിൽ അവിടേക്ക് വരുന്നത്. അവൻ ബൈക്ക് നിർത്തി വീട്ടിലേക്ക് കയറി. അനു അവനെ സ്വീകരിച്ച് വീട്ടിലേക്ക് കയറ്റിയിരുത്തി. അവൻ ആരാണെന്ന് എനിക്ക് മനസ്സിലായില്ല. കണ്ടിട്ട് ഏതോ പരിചയക്കാരന്റെ പോലെ. അവന്റെ ഭാവം കണ്ടിട്ട് വേണ്ടപെട്ടാ ആരോ ഒരാൾ ആണെന്ന് തോന്നുന്നു. എനിക്ക് അവൻ ആരെന്ന് അറിയില്ല. എന്താ പറയാ എന്ന് പോലും അറിയാതെ ഞാൻ അവിടെ പരുങ്ങി നിന്നു. അവൻ അത്‌ ശ്രെദ്ധിച്ചു.

“എന്താടാ കിരാ നീ അവിടെ പരുങ്ങി നിൽക്കുന്നത്. വാടാ ഇവിടെ വന്ന് ഇരിക്കെടാ… എന്നോട് എന്താ നിനക്ക് വല്ല പിണക്കവും ഉണ്ടോ…?”

അവൻ എന്നോട് ചോദിച്ചു.

ഇനി അവിടെ നിന്നാൽ പ്രശ്നമാവും എന്ന് എനിക്ക് മനസ്സിലായി. ഞാൻ അവനെ ഒന്ന് ചിരിച്ച് കാണിച്ച് അവന്റെ അടുത്ത് പോയി ഇരുന്നു.

“ഒന്നും തോന്നരുത് കട തുറന്നിട്ട് വരാൻ പറ്റില്ലല്ലോ അതോണ്ടാ ഞാൻ അവിടെ നിന്നത് ”

ഞാൻ ഒരു കള്ളം പറഞ്ഞു.

“ഹേ… ഇത് എന്ത് ലോകത്ഭുതം നീ നന്നായോ… അതോ രാവിലെ തന്നെ ഓരോന്ന് വലിച്ച് റിലേ പോയി ഇരിക്കാണോ….”

“ഹേയ് ഇല്ല. ഞാൻ എല്ലാം നിർത്തി. നന്നാവാൻ തീരുമാനിച്ചു”

“നീ തന്നെയാണോ ഇത് പറയുന്നത്. അനുവേ ഇവൻ നന്നായോ. എല്ലാം നിർത്തിയോ…?”

അവൻ അനുവിനോട് ചോദിച്ചു.