രണ്ടാം ജന്മം 2 [അജി] 166

“ഞാ… ഞാൻ…. നിഖിലിനെ കാണാൻ വന്നതാ….”

 

എങ്ങനെയോ ഞാൻ പറഞ്ഞു. അച്ഛൻ ഞങ്ങളെ ഒന്ന് നോക്കി.

 

“നിഖിലിനെ എങ്ങനെ നിങ്ങൾക്ക് അറിയാം…”

 

“അവൻ എന്റെ കൂട്ടുകാരനാ… ഇത് എന്റെ ഭാര്യയും മോളുമാണ്. ഇവിടെ വരെ വന്നപ്പോൾ അവനെ കാണാൻ തോന്നി. ഒന്ന് വിളിക്കോ അവനെ….”

 

ഞാൻ പറയുന്നത്‌ കേട്ട് അച്ഛനൊന്ന് ഞെട്ടി എന്ന് തോന്നുന്നു. അത്‌ എന്തിനാവോ? ചിലപ്പോൾ തോന്നിയതാവും.

 

“വായോ… നമ്മുക്ക് അകത്തിരുന്ന് സംസാരിക്കാം…”

 

അച്ഛൻ ഞങ്ങളെ വീട്ടിലേക്ക് ക്ഷണിച്ചു. ഞാൻ വീട്ടിലേക്ക് കയറി.അനു പൊന്നുവിനെയും പിടിച്ച് എന്റെ പിന്നാലെ വീട്ടിലേക്ക് കയറി.

 

“ഇരിക്ക്… രണ്ടാളും ”

 

അച്ഛൻ ഞങ്ങളെ അകത്തെ കസേരയിൽ ഇരുത്തി. ഞാൻ അവിടം മുഴുവൻ നോക്കി. തിരിച്ച് വീട്ടിലെത്തിയ സുഖം എനിക്ക് അനുഭവപ്പെട്ടു. കുറച്ച് ദിവസം കൊണ്ട് അവിടം മാറി പോയ പോലെ. ഞാൻ അകത്തേക്ക് നോക്കിയപ്പോൾ അമ്മയും അനിയനും അവിടേക്ക് വരുന്നു. ആരുടേയും മുഖത്ത് സന്തോഷമൊന്നും ഇല്ല. എന്തോ ഭയങ്കര സങ്കടമുള്ളത് പോലെ. ഒരുത്തരം വിഷാദ ഭാവം എല്ലാവരില്ലും.

 

“മോൻ അപ്പോൾ ഒന്നും അറിഞ്ഞിട്ടിലല്ലേ….”

 

 

എന്ത് അറിഞ്ഞിട്ടില്ല എന്നാണാവോ അച്ഛൻ ചോദിച്ചത്. എനിക്ക് ഒന്നും മനസ്സിലായില്ല.

 

“എന്ത് അറിഞ്ഞിട്ടില്ലാന്ന്…”

 

“രണ്ട് ദിവസം മുൻപ് നിഖിൽ മരിച്ചു….”