മെർവിൻ 3 (Dead, but lives in another body) [Vickey wick] 100

അവൻ ആ കുഴിയിൽ ഇടാൻ വെച്ചിരിക്കുന്ന ശവപ്പെട്ടിയിലേക്ക് പതിയെ വലിഞ്ഞു എത്തി നോക്കി. മരവിച്ചു പോയി. അതിൽ കിടന്നത് അവന്റെ തന്നെ ശരീരം ആയിരുന്നു. ഞെട്ടി കണ്ണ് തുറന്നു. ഭാവിയിലെ സ്വന്തം മരണം കണ്മുന്നിൽ കണ്ട ഞെട്ടൽ അവനെ വല്ലാതെ തളർത്തി. അതിനേക്കാൾ അവൻ ആകുലപ്പെട്ടത് മറ്റൊരു കാര്യം ഓർത്തായിരുന്നു. 16 വയസ്സ്. അവനു 16 വയസുവരെയെ ആയുസ്സുള്ളൂ.

അതോടെ അവൻ ആരും അന്നേവരെ പരീക്ഷിച്ചിട് ഇല്ലാത്ത ഒരു കടുത്ത പ്രേയോഗം ആരംഭിക്കുവാൻ തീരുമാനിച്ചു. അവൻ തന്റെ ആത്മാവ് ഒരു കുട്ടിയുടെ ശരീരത്തിൽ പ്രവേശിക്കത്തക്ക വിധം മന്ത്രവാദം നടത്തുവാൻ ആരംഭിച്ചു. മന്ത്രവാദത്തിനു മുൻപ് ആ മന്ത്രങ്ങൾ എഴുതിയ ഗ്രന്ഥം തയ്യാറാക്കേണ്ടത് ഉണ്ട്. ഗ്രന്ഥത്തിൽ ഇപ്രകാരം ചെയ്യുവാനുള്ള മന്ത്രങ്ങളും അവയെ ചെറുക്കുവാനോ ശക്തിഇല്ലാതാക്കുവാനോ വേണ്ട മറു മന്ത്രങ്ങളും എഴുതേണ്ടത് ഉണ്ട്.

അതിനാൽ രണ്ടു ഭാഗങ്ങളായാണ് പുസ്തകം തയ്യാറാക്കുക. തുടക്കത്തിലെ ഒരു വലിയ ഭാഗം മന്ത്രങ്ങളും ബാക്കി ഉള്ള പകുതിയോളം ഭാഗം മറുമന്ത്രങ്ങളും.

പുസ്തകമെഴുത്തു പൂർത്തിയാക്കി. മന്ത്രവിധികൾ അവനു 16 വയസു ആകുന്നതിനു തൊട്ട് മുൻപുള്ള രാത്രിയിൽ വരെ നീണ്ടു. ഒടുവിൽ നേരം പുലർന്നപ്പോൾ അവൻ മരിച്ചു. മിക്ക ഗ്രാമവാസികളും കാണുവാനെത്തി. പുറമെ ദുഖഭാവം ആയിരുന്നു എങ്കിലും പലരും ഉള്ളിൽ സന്തോഷിച്ചു. മരിച്ചു എന്ന് ഉറപ്പാക്കാൻ വന്നവർ ആയിരുന്നു പലരും.

അന്ന് രാത്രി അവന്റെ സഹായി അവനു ഒരു കുഴി വെട്ടി. ശ്മശാനത്തിൽ കറുത്തകരുവാളിച്ച ഒരു മരത്തിന്റെ കടക്കൽ ആയായിരുന്നു കുഴി. തലഭാഗം മരത്തിനു നേരെ വരത്തക്ക വിധം അവനെ അടക്കം ചെയ്തു. ഇതിനുശേഷം ദിവസവും ആ സഹായി അവന്റെ കല്ലറക്ക് അരുകിൽ ഇരുന്നു സ്വയം സംസാരിക്കുമായിരുന്നു.

ഒരിക്കൽ ഒരു വഴിപോക്കൻ ഇതുകേൾക്കുവാൻ ഇടയായി. അപ്പോഴാണ് മനസിലായത് അയാൾ സ്വയം സംസാരിക്കുകയല്ല. ആ കുട്ടിയോട് എന്ന പോലെ ആണുനയാളുടെ സംസാരം. ഇത് ചെറിയ ചർച്ചയായി. ഒരു വിഭാഗം അയാളുടെ മാനസിക നില തെറ്റി എന്ന് പറഞ്ഞപ്പോൾ മറ്റൊരു വിഭാഗം പറഞ്ഞു ഇതിൽ മറ്റെന്തോ രഹസ്യം ഉണ്ടെന്നു. അങ്ങനെ അയാൾ ക്രൂരമായി ചോദ്യം ചെയ്യപ്പെട്ടു. അപ്പോഴാണ് ഈ കഥയെല്ലാം എല്ലാവരും അറിയുന്നത്.