മെർവിൻ 3 (Dead, but lives in another body) [Vickey wick] 100

അതിലെ രഹസ്യങ്ങൾ അവനെ കൊതിവലിച്ചു കൊണ്ടിരുന്നു. ലവീനിയ ഒരു അനാഥയായിയുന്നു. അവൾ ചെറുപ്പകാലത്ത് പട്ടണത്തിൽ ആണ് ജീവിച്ചത്. ഡയറി വായിക്കെ അവനു തോന്നി, ലവീനിയ ഒരു അനാഥയാണെങ്കിൽ താനുമായി അവൾക്ക് എന്താണ് ബന്ധം?

ഇതറിയാനുള്ള ആകാംഷയിൽ അവൻ ഒരു മന്ത്രവാദം ആരംഭിച്ചു. അവന്റെ ഭൂതകാലത്തിലേക്കു പോകുവാനുള്ള മന്ത്രം. ഭൂതകാലത്തിലേക്കും ഭാവിയിലേക്കും ശരീരത്തിന് പോകാനാവില്ല  ആത്മാവിനെ അതിനു അനുവാദം ഉള്ളു. അവൻ ധ്യാനത്തിൽ ഇരുന്നു. അവന്റെ ദൃഷ്ടി പതിയെ ചന്ദ്രനിലേക്ക് ഉയർന്നു. അവന്റെ ആത്മാവ് ചന്ദ്രന്റെ ഒപ്പം ആയി നിന്നു. ഇപ്പോൾ അവനു താഴെ ഭൂമി മുഴുവൻ കാണാം.

അടുത്ത നിമിഷം അവന്റെ കാഴ്ച താഴേക്കു കുതിച്ചു.ധ്യാനാവസ്ഥയിൽ ആയിരുന്ന അവൻ ഒന്ന് ഞെട്ടി. വീണ്ടും ശാന്തമായി തുടർന്നു. ഇപ്പോഴവൻ പിറന്നു വീണ കുട്ടിയാണ്. നോക്കാൻ വഴിയില്ലാത്തത് കൊണ്ടോ മറ്റെന്തോ കാരണം കൊണ്ടോ അവന്റെ അമ്മ അവനെ ഒരു ധാനികന്റെ കാറിൽ കിടത്തിയിട്ട് പോകുന്നു.

അയാൾ തിരിച്ചു എത്തി. കുട്ടിയെ കണ്ടു അമ്പരന്ന് ചുറ്റും നോക്കി. എന്നാൽ ആരെയും കണ്ടില്ല. കാർ പതിയെ കുട്ടിയുമായി മുന്നോട്ട് നീങ്ങി. ആൾ ഒഴിഞ്ഞ ഒരിടത് എത്തിയപ്പോൾ അയാൾ കുട്ടിയെ എടുത്ത് വഴിയരുകിൽ കിടത്തിയിട്ട് കാർ ഓടിച്ചു പോയി. അതുവഴി വന്ന ഒരു ഭ്രാന്തി ആ കുഞ്ഞിനെ എടുത്തു. എന്തോ കാരണം കൊണ്ട് അവർ അതിനെ ഉപദ്രവിച്ചില്ല. കുറെ കാലം അവർ അവനെ വളർത്തി. എന്നാൽ അവനു ഒരു 6 വയസോളം ആയപ്പോൾ മുതൽ ഭ്രാന്തിക്കു പഴയ സ്നേഹം ഒന്നും ഇല്ലാതെ ആയി.

ഒരു കാര്യയും ഇല്ലാതെ പോലും തല്ലും. ഉപദ്രവം സഹിക്കവയ്യാതെ ആയപ്പോൾ അവൻ ആ ഭ്രാന്തികാണാതെ ഓടിപ്പോയി. എങ്ങോട്ടെന്നില്ലാതെ അലഞ്ഞു നടന്നു. ഒടുവിൽ ഭക്ഷണവും, വസ്ത്രവും, സ്നേഹവും നിഷേധിക്കപ്പെട്ട് ഒരു ഇടനാഴിയിൽ തളർന്നു കിടന്ന അവനെ ലവീനിയക്ക് കിട്ടി. അവർ പട്ടണം ഉപേക്ഷിച്ചു ഈ ഗ്രാമത്തിൽ എത്തി.