മൂന്നാം 👹 തീയാട്ട് [Sajith] 1423

 

വെള്ളപ്പൊറത്ത് അവന്റെ ചെന്നൈ അവിഹിതങ്ങളും ഗേൾ ഫ്രൺസിന്റെ കണക്കും അങ്ങനെ ഒരു വിധപ്പെട്ട രഹസ്യങ്ങളൊക്കെ പൊറത്ത് വന്നു. അനന്ദു അവനേകൊണ്ട് കൂടുതൽ സത്യങ്ങൾ പറയിപ്പിക്കുന്ന തിരക്കിലായിരുന്നു ആദിലിന് ഹറാമാണെന്ന് പറഞ്ഞ് കള്ള് കുടിച്ചില്ല അതിന്റെ ക്ഷീണം കൂടി കപ്പയോടും ബീഫിനോടും തീർത്തു. ഇറങ്ങാൻ നേരം ആദിത്യൻ ശിവൻകുട്ടിയേട്ടനെ കെട്ടിപിടിച്ച് ഒരു ഉമ്മയും കൊടുത്തു. പുള്ളിടെ വീട്ടിലെ വിശേഷങ്ങൾ ഒക്കെ ചോദിക്കാൻ തൊടങ്ങിയപ്പഴേക്കും കണ്ണൻ എടക്ക് കയറി അവനെ തൂക്കി വണ്ടിൽ കയറ്റി. പൈസയും കാര്യങ്ങളും സന്ദീപ് സെറ്റിൽ ചെയ്തു അവനാണ് കൂട്ടത്തിലെ കണക്കപ്പിള്ള. അവടെന്ന് ശിവൻകുട്ടിയേട്ടനോടും സഹായിയോടും യാത്ര പറഞ്ഞ് ഇറങ്ങുമ്പൊ സമയം ആറ് മണിയായിരുന്നു. അവിടെ ഒരു ട്രക്കിംങ് സ്പോട്ടുണ്ട് കുറച്ച് ഓഫ് റോഡ്. അവിടെ കണ്ട കവലയിൽ വണ്ടി വച്ച് എല്ലാവരും നടന്ന് കയറി. ചെറുതായി തണുപ്പടിച്ച് തുടങ്ങി പുല്ലുകൾ വകഞ്ഞുമാറ്റി ചെല്ലുമ്പോൾ മേഘങ്ങളാൽ മൂടപ്പെട്ട മലകൾ കാണാം. അവിടെ കണ്ട ഒരു പാറയുടെ മുകളിൽ സച്ചിൻ കയറി സ്ഥാനമുറപ്പിച്ചു. കുടിച്ച കള്ളിന്റെ ഉന്മാദലോകത്തേക്ക് സച്ചിൻ എടുത്തെറിയപ്പെട്ടു. അനന്തതയുടെ അജ്ഞാത നീലിമയിൽ ഒഴുകി വരുന്നൊരപ്സരസായി വീണ്ടും ആ മൂക്കുത്തിയിട്ട സുന്ദരി അവൻ്റെ മുന്നിൽ വന്നു. 

 

“”ടാ ആദിയേ…””,

 

അടിച്ച് കോൺതെറ്റിയ കോലത്തിൽ പച്ചപുല്ല് നിറഞ്ഞ കുന്നിന്റെ മുകളിൽ ആദിത്യൻ മലർന്നു കിടന്നു ചിരിക്കുന്നു. സച്ചിൻ്റെ വിളിക്ക് എത്തിപ്പെടാൻ പറ്റാത്ത ദൂരത്താണ് അവനിപ്പൊ. ആദിയുടെ അടുത്ത് നിന്ന് മറുപടി ഇല്ലാത്തത് കൊണ്ട് സച്ചിൻ കണ്ണനെ വിളിച്ച് നോക്കി, ഭാഗ്യം അവന് വെളിവുണ്ട്. 

 

“”എന്താടാ…?””,

 

“”എടാ നിനക്കും ആദിക്കും അയാളെ എങ്ങനെ പരിചയം…?””,

 

“”എയാളെ..? “”,

 

“”എടാ ആ ഷാപ്പ് നടത്ത്ണില്ലേ ശിവൻകുട്ടിയേട്ടൻ പുള്ളിയെ…””,

 

“”ഓ അതോ, അയാള് സുഭദ്രോമ്മേടെ അകന്ന ഒരു ബന്ധുവാ…””,””ഫാമിലീ ഫംങ്ഷൻസിനൊക്കെ നിറസാനിധ്യമാണ് പുള്ളി…””,

 

“”സുഭദ്രാമ്മാന്ന് പറയുമ്പൊ നീ പറയലുള്ള നിന്റെ മുത്തശ്ശിയല്ലേ…””,

 

“”മ്മം…””, 

 

“”ഇനി കെളവൻ കൊണ്ടോയി നിൻ്റെ മുത്തശ്ശിയോട് എന്തേലും പറഞ്ഞ് കൊടുക്കോ…””,

 

“”എനിക്കും ആ പേടി ഇണ്ടായിരുന്നു അയിന് ഒരു അഞ്ഞുറ് വേറേ ഞാൻ മടക്കി കൊടുത്തിട്ട്ണ്ട്…””,

 

“”ഓ ഇന്ന് മൊത്തം ചെലവാണ്ല്ലേ…””,

 

“”ചെലവൊക്കെയാണ് പക്ഷെ ഒരു മൂന്ന് വർഷം കഴിഞ്ഞ ഈ വൈബ് നമ്മക്ക് കിട്ടോ.””,

 

അനന്ദു ആഹ് പറഞ്ഞത് ആദിത്യന് പറ്റീല മാലുംപുറത്ത് ചെക്കൻ ചാടി എണീറ്റു.

 

“”അതെന്താ പറ്റാത്തെ നീയെന്നാ നാട്വിടാൻ പോവാണോ അതോ ചാവാൻ പോവാണോ…””,””ഒരുത്തനും എങ്ങോട്ടും പോവൂലാ ലൈഫ്ഫ്ലോംങ് ഇങ്ങനെ ഇതേ വൈബിൽ പോണം…””,