മീനാക്ഷി കല്യാണം 2 [നരഭോജി] 468

ഇതേ സമയം നാട്ടിൽ …..

ദിവസോം രാത്രി പതിവുള്ള ഫുട്ബാൾ കളിയും കഴിഞ്ഞു അമ്പലക്കുളത്തിൽ ഒരു കുളിയും പാസ് ആക്കി അജുവും, ജോണും ചുമ്മാ വെടിയും പറഞ്ഞു ആൽത്തറയിൽ കിടപ്പായിരുന്നു , മുകളിൽ ചുവന്നു കിടന്നിരുന്ന ആകാശവും , കൂടണയാൻ തിരക്ക് കൂട്ടുന്ന പക്ഷികളെയും നോക്കി അജു സ്ഥിരം ഫിലോസഫി എടുത്ത് പുറത്തിട്ടു .

:എടാ ജോണെ , ലോകത്തു എവിടെ കിട്ടുട ഇത്ര സുഖം , നമ്മടെ നാടും , ഈ വയലും , ആൽത്തറയും , പുലർകാലെ ഉള്ള കോടമഞ്ഞും, സന്ധ്യക്ക് ഉള്ള ഈ ചെറുകാറ്റും, ലോകത്തു  എവിട പോയാലും ഇത്ര നല്ല സ്ഥലം വേറെ ഇണ്ടാവില്ല .  സന്ധ്യക് രണ്ടെണ്ണം വിട്ട് ഈ കാറ്റും കൊണ്ട് ഇരിക്കാൻ പുണ്യം ചെയണം പുണ്യം. എന്നെ കൊന്നാലും ഞാൻ ഇവിടം വിട്ട് പോവില്ല.

: വല്ല ജോലി കിട്ടിയ ഞാൻ പോവും നായെ, ഗൾഫിലേക്കോ, കാനഡയിലേക്കോ, ഏതെങ്കിലും നരകത്തിലേക്ക്,  ഇവിടെ ഇങ്ങനെ മാനത്തും നോക്കി നാടക്കാംന്ന് തന്ന്യാ ഉള്ളോ . കൊല്ലങ്ങൾ ആയിട്ട് നമ്മൾക്കൊക്കെ വല്ല മാറ്റം ഉണ്ടോ, ഉണ്ടങ്ങി പറ.

: ഏതെങ്കിലും നരകത്തി പോയ മതിയെങ്കി, എന്റെ ഓഫീസിലേക്ക് പോരെ, അവിടെ ചെകുത്താനും ഉണ്ട്, എന്റെ ബോസ്. ആ മാങ്ങാണ്ടിമോറൻ.(അജു ചിരിച്ചു)

നീ പൊറത്തു പണിക്ക് പോണെങ്കി പൊക്കോ നായെ, വെറുതെ എന്നെ വഴി തെറ്റിക്കാൻ നോക്കരുത്, ഒരുപാട് … ഒരുപാട് .. സങ്കടം ഇണ്ടാകണ കാര്യങ്ങളാ ഇവനെ നീ ഇപ്പോ പറഞ്ഞത് . നമ്മടെ നാട്, ഈ കാറ്റ്, വൈകീട്ട് രണ്ടു പെഗ് .

: അതിനു നീ എന്നാണ് രണ്ടു പെഗിൽ നിർത്തിയിട്ടുള്ളെ.

: ചങ്കി കൊള്ളണ, വർത്താനം ആണ് ചങ്കെ നീ ഇപ്പോ പറഞ്ഞത് , അതിന്റെ വിഷമത്തിൽ നമുക്കിന്നു രണ്ടെണ്ണം അടിക്കാം വാ …

: നല്ല ഐഡിയ, അങ്ങനെ വല്ല ഉപകരം ഉള്ള കാര്യങ്ങള് പറ നീ, തേഞ്ഞ ഫിലോസഫി അടിക്കാണ്ട്.

അവർ എണീറ്റപ്പോ, അകലെ നിന്ന് ശരത് നടന്നു വരുന്നുണ്ട് ,

അജു: ആ ഒരു നാറി കൂടി വരണുണ്ട്, രണ്ടു ബീർ കൂടി എടുക്കാം.

ജോൺ: അതിനു അവൻ എന്നാണ് ഒരു ബിയർ ഫുൾ കുടിച്ചിട്ടുള്ളെ, ബിയർനെ അപമാനിക്കാൻ ആയിട്ട് പിറന്ന നായ.

അജു: അവനല്ല, അവസാനം നമ്മുക്ക് തന്നെ കുടിക്കാൻ ആണ്.( അജു ചിരി തുടങ്ങി )

അപ്പോഴേക്കും ശരത് അടുത്തെത്തി

ശരത് : പോടാ ചതിയന്മാരെ, ഇന്ന് രണ്ടു ബിയറും ഞാൻ തന്നെ കുടിച്ചു വറ്റിക്കും. നീ ഒക്കെ ചാർ ഒഴിച്ച് നക്കിയ മതി.

ജോൺ : ഈ പന്നിക്ക്, പാമ്പിന്റെ ചെവിയണല്ലാ (ജോൺ അത്ഭുതത്തോടെ പറഞ്ഞു)

അജു: എന്തെ നായെ വൈകിയേ , എത്ര നേരായി ഞങ്ങൾ ഇവിടെ ഇരിക്കണത് ( അജു ദേഷ്യപെട്ട് )

ശരത് : വരണ വഴിക്ക്, ആ സതീശനും , രമേശും , രാഘവേട്ടനും ഒക്കെ കൂടി കൊറേ സമയം വെറുതെ കളഞ്ഞു. പെണ്ണ് ഓടിപോയ പൊക്കോട്ടെന്നു വച്ചൂടെ. ഇത് സൈബർസെല്ലിൽ ഒക്കെ പോയി സ്ഥലം കണ്ടു പിടിച്ചു വച്ചിരിക്കാണ് പൊട്ടന്മാര്.

അജു : മീനാക്ഷിടെ കാര്യം അല്ലെ നീ പറയണത് .

ശരത് :  ആന്നെ , അവള് ചെന്നൈയിൽ ഉണ്ടെന്നു ,കാമുകന്റെ ഒപ്പം , അവളുടെ അമ്മ ഒക്കെ കരഞ്ഞു നശിപ്പിക്കണിണ്ടു അവടെ . പിന്നേം ആരൊക്കെയോ ഉണ്ട്, പിന്നെ നമ്മടെ അഭീനെ കണ്ടു അവിടെ. അവര് അങ്ങോട്ട് പോവാൻ ഉള്ള പൊറപ്പാടാ  . ഞാൻ ഒരു റോളാ വെച്ച് കിടക്കട്ടെ.

ജോൺ : നീ എന്ത് റോളാ വച്ചതു , വല്ല തേഞ്ഞറോൾ ആവും എന്നാലും പറ .