മാഡ് മാഡം 5

Author :vishnu

[ Previous Part ]

1. ഇറങ്ങുമ്പോൾ പതിയെ ഒളികണ്ണിട്ടു അവളുടെ ഭാവം നോക്കി….ഇവന് ഇത് എന്തു തേങ്ങയ ഈ പറഞ്ഞിട്ട് പോയത് എന്ന ഭാവത്തിൽ എന്നെ നോക്കി നിക്കുന്നു…….

ഗൂഗിളിന് പോലും അറിയാത്ത ഈ ഡയലോഗ് ഞാൻ ഇന്നലെ രാത്രിയിൽ കഷ്ടപ്പെട്ട് ഉണ്ടാക്കിയതാ….ഒരു അവസരം കിട്ടിയപ്പോ പറഞ്ഞെന്നെ ഉള്ളൂ…………

പതിയെ ഇറങ്ങി വെളിയിൽ എത്തി…..രാവിലെ ഒന്നും കഴിക്കാതെ നേരത്തെ ഇറങ്ങിയത് കൊണ്ട് നല്ല വിശപ്പ് ഉണ്ടാരുന്നു…..എന്തേലും കഴിക്കാമെന്ന് വിചാരിച്ച് വെളിയിൽ നിക്കുമ്പോൾ സ്കൂട്ടറിൽ ചാരി ഒരു പെണ്ണ് എന്നെ തന്നെ നോക്കി നിൽക്കുന്നു …ഇവളെ ഞാൻ എവിടെയോ…..ശ്വേത…. അന്ന് ശ്രേയയുടെ കൂടെ തീയേറ്ററിൽ കണ്ട പെൺകുട്ടി….

അവള് ഇനി എന്നെ തന്നെ ആണോ നോക്കുന്നത്….അതോ എൻ്റെ പുറകിൽ ആരേലും ഉണ്ടോ….ഞാൻ വെറുതെ ഒന്ന് തിരിഞ്ഞു നോക്കി… ആരും ഇല്ലാല്ലോ….

എൻ്റെ ചെയ്തികൾ കണ്ടു അവള് ചിരിച്ചു കാണിച്ചു…..ഞാനും തിരിച്ചു ചിരിച്ചു……

“വരുൺ എന്നല്ലേ പേര്…ചേച്ചി  പറഞ്ഞിട്ടുണ്ട്…നമ്മൾ അന്ന് കണ്ടാരുന്ന് തീയേറ്ററിൽ……”

ശ്രേയ എന്നെ കുറിച്ച് എന്താണോ ഇവളോട് പറഞ്ഞിരിക്കുന്നത്….

“ആഹ്….ശ്രേയ മാഡത്തിൻ്റെ സിസ്റ്റർ ആണോ..?”

“അതെ… I am ശ്വേത….ഇത് എങ്ങോട്ടാണ് ഓഫീസ് ടൈമിൽ…?

“ഇപ്പൊ ലഞ്ച് ബ്രേക്ക് ആണ്….ഫുഡ് കഴിക്കാൻ പോകുവാരുന്നു…..അല്ല താൻ എന്താ ഇവിടെ നിൽക്കുന്നത്…മാഡം അകത്തുണ്ടല്ലോ….”