മഹാനദി (ജ്വാല ) 1363

അന്ന് തന്നെ സുഹൃത്തുക്കളെ ഒക്കെ വിളിച്ച് നാളത്തെ ബർത്ത്ഡേ പാർട്ടി ഒക്കെ ഒരുക്കി.
രാവിലെ തന്നെ ഷാനും, സാമും വീട്ടിൽ വന്നു. ഷാനിനൊപ്പം റസിയയും ഉണ്ടായിരുന്നു.
പെങ്ങളുടെ പിറന്നാൾ ഗംഭീരമായി ആഘോഷിച്ചു,

എല്ലാം കഴിഞ്ഞ വേളയിൽ ഞാൻ പറഞ്ഞു.
അമ്മേ, അച്‌ഛാ, എന്റെ പ്രീയപ്പെട്ട ചങ്ങാതിമാരെ ഞാൻ ഒരു സന്തോഷ വർത്തമാനം പറയാൻ ആണ് ഇപ്പോൾ വന്നത്

എലാവരും ഞാനും എന്താണ് പറയാൻ ഉള്ളത് എന്ന് അക്ഷമയോടെ നോക്കി,

ഞാൻ ഈ വരുന്ന രണ്ടാം തീയതി സൗദിയിലേക്ക് പോകുകയാണ് ഗൾഫിൽ നല്ലൊരു ജോലി ശരിയായി.

അമ്മയുടെയും, അച്ഛന്റെയും മുഖം പൂത്തിരി കത്തിച്ചത് കാണുന്ന കുട്ടികളുടെ മുഖം പോലെ സന്തോഷം കൊണ്ട് നിറഞ്ഞു. അമ്മ കണ്ണുകൾ തുടച്ചു, എന്റെ കൂട്ടുകാർക്കും സന്തോഷം ആയി,

ഡാ, വാ സാധനം ഉണ്ട്, ഓരോ പെഗ്ഗ് അടിക്കാം ഭക്ഷണത്തിനു മുൻപ് സുഹൃത്തുക്കളുടെ ചെവിയിൽ ഞാൻ പറഞ്ഞു,

ഡാ എനിക്ക് വേണ്ട, ഞാൻ ഇപ്പോൾ കഴിക്കാറില്ല ഷാൻ എന്നോട് പറഞ്ഞു, പിന്നെ റസിയക്കും ഇഷ്ടമല്ല.

സന്ദീ എനിക്കും വേണ്ടടാ സാമാണ്, എന്താടാ രണ്ട് മാസത്തിനിടയ്ക്ക് നിങ്ങൾക്ക് വലിയ മാറ്റങ്ങൾ?
സന്ദീ പഴയത് പോലെ ഞാനും ഇപ്പോൾ കഴിക്കാറില്ല, വൈകിട്ട് റിയയുമായി സംസാരിക്കുമ്പോൾ ഒന്ന് കുഴഞ്ഞാൽ അവൾ പെട്ടന്ന് പിടിക്കും.

ആഹാ…. ബെസ്റ്റ്,
എൻഗേജ്മെന്റ് കഴിഞ്ഞപ്പോൾ ഇങ്ങനെ, കല്യാണം കഴിഞ്ഞാൽ എന്താ അവസ്ഥ…
ശരി എന്നാൽ വരൂ, ഭക്ഷണം കഴിക്കാം, ഞങ്ങൾ എല്ലാവരും ഒന്നിച്ചു ഭക്ഷണം കഴിച്ചു.
അല്ല സന്ദീ നീ എന്റെ കല്യാണത്തിന് വരില്ലേ?
സാമിന്റെ ചോദ്യത്തിന് ഞാൻ ഒന്ന് പുഞ്ചിരിച്ചു.

പിന്നെ പറഞ്ഞു ഒരു വർഷത്തിൽ ആണ് ടിക്കറ്റ് അപ്പോൾ വരാൻ കഴിയില്ല, എന്റെ എല്ലാ ആശംസകളും നിനക്ക് നേരുന്നു,

അവർ പോകാൻ ഇറങ്ങി. ഞാനും അവർക്ക് ഒപ്പം ഗെയ്റ്റ് വരെ കൂടെ പോയി.
എന്തോ സൗഹൃദത്തിന്റെ ഇടയിൽ ഒരു അകൽച്ച പോലെ എനിക്ക് തോന്നി, ഇനി എന്റെ തോന്നൽ ആണോ?
ഞാൻ എന്റെ മുറിയിലേക്ക് നടന്നു.

( തുടരും )