ഭ്രാന്തി

Author :ശ്രുതി പൊന്നൂസ്

എങ്ങും ഇരുട്ട്.ഇരുട്ടിന്റെ ആത്മാവിൽ നിന്നെപ്പോലെ ഒരു അലർച്ച. ഷോക് റൂമിലെ ചുവന്ന വെളിച്ചം അവളുടെ മുഖ കാന്തിയുടെ മാറ്റ് കൂട്ടി. വായിൽ നുരയുമായി അവൾ ജീവനറ്റ ഒരു ശവം പോലെ കട്ടിലിൽ കിടക്കുകയാണ്. ചുറ്റുമുള്ളവർ എന്തൊക്കെയോ പറയുന്നുണ്ട്. പക്ഷെ അവളുടെ ചെവിക്ക് അത് കേൾക്കാനുള്ള ത്രാണി ഇല്ല. എത്ര പരിശ്രമിച്ചിട്ടും അവളുടെ നയനങ്ങളെ ഉണർത്താൻ അവൾക്കായില്ല.ഉണർത്താൻ ശ്രമിക്കുംതോറും ഭാരം കൂടുന്നപോലെ. പരിശ്രമങ്ങളുടെ ഒടുവിൽ അവളുടെ ദൗത്യം വിജയിച്ചു. അവൾ ഉണർന്നു,ചിതലരിച്ച ഓർമ്മകളുമായി ഒരു വട്ടം കൂടി ജീവിക്കാൻ വേണ്ടി. ആരുടെയൊക്കെയോ സഹായത്തോടെ അവൾ അവൾക്കായി അനുവദിക്കപ്പെട്ട കട്ടിലിനരികിൽ എത്തി.ആരെയും നോക്കാതെ ഒന്നും മിണ്ടാതെ അവൾ ഉത്തരത്തിലെ കറങ്ങുന്ന ഫാനിലേക്ക് നേത്രം ഘടിപ്പിച്ചു.ഫാനിന്റെ കറക്കത്തിനോടൊപ്പം കാലവും പുറകോട്ട് കറങ്ങി.കറങ്ങി, കറങ്ങി, കറങ്ങി… ഒരു എട്ട് വയസുകാരി കുട്ടി പാവടക്കാരിയിൽ ചെന്നുനിന്നു. പുഞ്ചിരി നിറഞ്ഞുനിന്ന ആ മുഖത്ത്  ഉമ്മകൾകൊണ്ടു പൊതിയാന് മത്സരികുന്ന  അമ്മയും അച്ഛനും സന്തോഷം അലതല്ലിയ നാളുകൾ. ഒരു കുഞ്ഞനുജൻ വന്നതോടെ അവളിലെ ശ്രദ്ധാകേന്ദ്രം അങ്ങ് മാറി.ഉമ്മകൾ കൊണ്ട് പൊതിയാനോ സമ്മാനങ്ങൾ നൽകാനോ ആരും അവളുടെ അടുത്ത് വന്നില്ല. എന്താണെന്നോ മക്കൾ ഇല്ലാതിരുന്ന ദമ്പതികൾ ധത്തെടുത്തതാണ് അവളെ . സ്വന്തം കുഞ്ഞിനെ ലാളിക്കാനുള്ള തിരക്കിൽ ധത്തുപുത്രിയുടെ സങ്കടം അവർ ഓർത്തില്ല കഷ്ടിച്ചു നീക്കിയ പത്തു വർഷം.കോളേജിൽ എത്തി. എങ്ങും അട്ടഹാസവും തമാശകളും കുഞ്ഞുകുഞ്ഞു പിണക്കങ്ങളും പ്രണയവും തുളുമ്പി നിന്ന കോളേജ് കാലഘട്ടം. ഒറ്റപ്പെടലിന്റെ ആഴക്കടലിൽ താണുപോയ അവളെ പ്രണയം എന്ന ചൂണ്ടയിട്ടു കൊടുത്ത് വരുത്തിയിലാക്കി അവൻ. അവന്റെ കൂടെയുള്ള ഓരോ നിമിഷവും അവളിൽ സന്തോഷം നിറച്ചു. ഇതാണ് ഞാൻ ആഗ്രഹിച്ച നിമിഷം അവളുടെ മനസ് അവളോട് മന്ത്രിച്ചു .നീലമാൻ മിഴി ഉള്ള അവൾ ചെറുപ്പക്കാരുടെ മനസ്സിലെ സ്വപ്നമായിരുന്നു.