പ്രണയ കടൽ

Author : വിച്ചൂസ്

 
ഒരുപാട് നാളിനു ശേഷം ഇന്ന് അവളുടെ ഒരു ഫോൺ കാൾ വന്നു ഒന്ന് കാണണമെന്നു… കാണാമെന്നു ഞാൻ സമ്മതിച്ചു ഒന്നുമില്ലേലും കുറെ നാൾ ഞാൻ സ്നേഹിച്ചത് അല്ലേ…

നിങ്ങൾ ഇപ്പോൾ ആലോചിക്കുന്നത് എന്താന്നു എനിക്ക് അറിയാം… അതെ എന്നെക്കാൾ നല്ല ഒരുത്തനെ കിട്ടിയപ്പോൾ അവള് നൈസ് ആയിട്ട് തേച്ചു ഒട്ടിച്ചു… കുറേനാൾ അതിന്റെ ഒരു സങ്കടം ഉണ്ടായിരുന്നു പിന്നെ ആലോചിച്ചപ്പോൾ അവളുടെ ഭാഗത്തു ശെരി ഉണ്ടന്ന് തോന്നി…

ഇവിടെ നമ്മടെ നാട്ടിൽ ചെറിയ ഒരു ഷോപ്പ് നടത്തി ജീവിച്ചു പോകുന്ന എന്നെക്കാളും അങ്ങ് ദുഫായിൽ അറബിയുടെ ഇടം കൈ ആയ അവൻ തന്നെയാ നല്ലത്..

അതുപോട്ടെ ബാക്ക് ടു ദി പ്രെസെന്റ്…. അങ്ങനെ ഞങ്ങൾ അവസാനം കണ്ട ബീച്ചിൽ വച്ചു വീണ്ടു കണ്ടു…. കുറെ നാളുകൾക്കു ശേഷം അവളെ കണ്ടത് കൊണ്ട് തോന്നിയതാണോന്നു അറിയില്ല…

അവള് കോലം കേട്ടിരുന്നു കണ്ണിലെ തിളക്കം നഷ്ടപ്പെട്ടു… ഒരു മങ്ങിയ ചിരി ഉണ്ട് മുഖത്തു ….ഞങ്ങൾ ഒരുമിച്ച് ഇരുന്നു… നീണ്ട ഒരു മൗനത്തിനു ശേഷം അവള് തുടങ്ങി…

“എത്തിയിട്ട് കുറെ നേരം ആയോ “??

“ഇല്ല… നിനക്ക് സുഖം ആണോ..”??

“മം എന്നോട് ദേഷ്യം ഉണ്ടോ…?? ഉണ്ടന്നു എനിക്ക് അറിയാം അതുകൊണ്ട് അല്ലേ… എനിക്ക് ഇഷ്ടം അല്ലെന്നു അറിഞ്ഞിട്ടും ഈ താടി വളർത്തുന്നത്..”

“അങ്ങനെ ഒന്നുമില്ല… വളർത്താൻ തോന്നി… ലൈഫ് എങ്ങനെ പോകുന്നു..??”

” ഏട്ടനോട് ഞാൻ ചെയ്തത് തെറ്റ് ആയിരുന്നു കല്യാണം കഴിഞ്ഞപ്പോൾ ആണ് എനിക്ക് അത് മനസിലായത്…. അയാൾ എന്നെ ചതിച്ചു… ദുബായിലെ ജോലി ഒകെ പോയി… ഇവിടെ നാട്ടിൽ ഉണ്ട് എന്നും കൂടിയും ബഹളവും… സഹിക്കാവുന്നതിനു അപ്പുറം ആയി ജീവിതം ”

“സാരമില്ല അതാണ് ജീവിതം ആഗ്രഹിക്കുന്നത് ചിലപ്പോൾ നടന്നില്ലന്നും വരും ”

“ഏട്ടന് എന്നോട് ഇപ്പോഴും സ്നേഹം ഉണ്ടോ.. ഉണ്ടേൽ എന്നെ രക്ഷിക്കാവോ… എവിടെ വേണോ വരാം ഞാൻ…ചോദിക്കാൻ പാടില്ലെന്ന് അറിയാം എങ്കിലും ”

ഞാൻ മറുപടി ഒന്നും പറഞ്ഞില്ല അപ്പോഴേക്കും ഞങ്ങൾക്ക് ഇടയിലേക്ക്…”ഐസ്ക്രീം ” എന്നും പറഞ്ഞു ഒരാൾ കടന്നു വന്നു… എന്നെ നോക്കി പുഞ്ചിരിച്ചു….ഞങ്ങൾക്ക് അത് തന്നിട്ട് അയാൾ കുറച്ചു മുന്നോട്ടു പോയി…

“ആരാ അത്..??”

“ദുബൈകാരന്റെ പത്രസ്‌ കണ്ടു എന്റെ ചങ്കിൽ ഒരു കത്തി കുത്തി ഇറക്കി… നീ അങ്ങ് പോയി… തകർന്നു പോയ എന്നെ തിരിച്ചു കൊണ്ടുവന്നത് അവളാണ്.. നീ ചോദിച്ചില്ലേ ഈ താടി എന്തിനാ ഇങ്ങനെ വളർത്തുന്നതെന്നു…. ഇതും അവൾക്കു വേണ്ടിയാ….അവൾക്കു എന്റെ താടി ഇഷ്ടമാ…”