പ്രണയിനി 5 [The_Wolverine] 1364

അവന്മാരും കൂടി പറഞ്ഞപ്പോൾ എനിക്ക് എന്തെന്നില്ലാത്ത ഒരു സന്തോഷം തോന്നി.      അതുകൊണ്ട് തന്നെ വേറൊന്നും കേൾക്കാൻ നിൽക്കാതെ അവളെ കാണാനും അവളോട് സംസാരിക്കാനും ഉള്ള ആകാംഷയിൽ ഞാൻ പെട്ടെന്ന് തിരിഞ്ഞ് നോക്കി എങ്കിലും അവളെ കാണാൻ സാധിച്ചില്ല.      ഞാൻ പെട്ടെന്ന് തന്നെ അവൾ പോയ പുറകേ നടന്നു ഓടി എന്ന് പറയുന്നതാവും ശെരി.      പാർക്കിങ് ഏരിയയിൽ ചെന്നപ്പോൾ ഞാൻ കണ്ടത് മധ്യവയസ്കനായ ഒരു ആളോടൊപ്പം അവൾ ബൈക്കിൽ കയറി പോകാൻ ഒരുങ്ങുന്നതാണ്.      അത്യാവശ്യം സ്പീഡിൽ ഓടിയതിനാലും പിന്നെ കോമ്പറ്റീഷൻ കഴിഞ്ഞ് വന്നതിനാലും ഞാൻ നല്ലപോലെ കിതച്ചിരുന്നു.      അവൾ ബൈക്കിൽ കയറി ഇരിക്കുന്നത് ഞാൻ കണ്ടു എങ്കിലും മുന്നോട്ട് പോയി സംസാരിക്കാൻ എനിക്ക് എന്തോ മടി പോലെ തോന്നി.      ഇത്രയും വർഷങ്ങൾ കൂടി ഇന്ന് അവളെ കണ്ടതുകൊണ്ടുള്ള ടെൻഷൻ ഒരു ഭാഗത്ത് കൂടാതെ അവളുടെ കൂടെ ഉള്ളത് ആരാണെന്നും അറിയില്ലല്ലോ.      ഞാൻ അവളെയും നോക്കി നിൽക്കുമ്പോൾ പെട്ടെന്ന് അവൾ എന്നെ തിരിഞ്ഞ് നോക്കി അവളുടെ പാൽ പല്ലുകൾ കാണിച്ച് പുഞ്ചിരിച്ചുകൊണ്ട് പോവാണെന്ന് പറഞ്ഞ് കൈ വീശി കാണിച്ചു.      ഞാൻ ഒന്ന് പുഞ്ചിരിച്ചതേയുള്ളൂ ഇത്രയും നാൾ കൂടിയിട്ട് അവളെ ഒന്ന് കണ്ടിട്ടും ഒന്നും സംസാരിക്കാൻ പറ്റിയില്ലെന്നുള്ള സങ്കടം എന്റെ ഉള്ളിൽ ഉണ്ടായിരുന്നു,      പക്ഷെ അവളുടെ മുഖത്ത് യാതൊരുവിധ ഭാവ വ്യത്യാസവും ഉണ്ടായിരുന്നില്ല,      ഒരു നിരാശ പോലും അവളിൽ ഇല്ല എന്നുള്ളത് എന്നെ അതിശയപ്പെടുത്തി.      അല്ലെങ്കിലും പെൺകുട്ടികളുടെ മനസ്സിൽ എന്താണ് ഉള്ളതെന്ന് ദൈവത്തിനുപോലും കണ്ടുപിടിക്കാൻ കഴിയില്ലല്ലോ…

“A Woman’s Heart Is A Deep Ocean Of Secrets”

“ഒരു സ്ത്രീയുടെ ഹൃദയം എന്നത് വളരെയധികം രഹസ്യങ്ങൾ ഉൾക്കൊള്ളുന്ന ആഴക്കടൽ പോലെ ആണല്ലോ”

അവൾ പോയി മറയുന്നത് വരെ ഞാൻ അവളെ തന്നെ നോക്കി അവിടെ നിന്നു.      പിന്നിൽ നിന്ന് കൂട്ടുകാർ വിളിച്ചപ്പോൾ ആണ് ഞാൻ സ്വബോധത്തിലേക്ക് വന്നത്.      “Champion Trophy”      വാങ്ങിക്കുവാൻ എന്നെ വിളിക്കാൻ വേണ്ടി വന്നതായിരുന്നു അവർ സ്റ്റേജിൽ എന്റെ പേര് വിളിക്കുന്നുണ്ടത്രേ.      ഞാൻ പിന്നെ അവിടെ നിൽക്കാതെ നേരേ സ്റ്റേജിലേക്ക് പോയി കരഘോഷങ്ങൾക്കും ആർപ്പുവിളികൾക്കും മുന്നിൽ നിന്നുകൊണ്ട് ഞാൻ സമ്മാനം ഏറ്റുവാങ്ങി എങ്കിലും ആ സന്തോഷപൂർണമായ നിമിഷം എനിക്ക് അധികം ആസ്വദിക്കുവാൻ സാധിച്ചില്ല മനസ്സിൽ അപ്പോഴും രാജി തന്നെ ആയിരുന്നു,      ഇനി അവളെ കാണാൻ കഴിയുമോ എന്ന ചിന്ത എന്നെ വേട്ടയാടി…      പരിപാടികൾ എല്ലാം കഴിഞ്ഞ ശേഷം അധികം താമസിക്കാതെ തന്നെ ഞാൻ വീട്ടിലേക്ക് പോകാൻ ഇറങ്ങി.      നല്ല ക്ഷീണം ഉണ്ടായിരുന്നു സുൽഫി തന്നെയാണ് അവന്റെ ബൈക്കിൽ എന്നെ വീട്ടിൽ കൊണ്ട് വിട്ടത്.      എന്റെ തറവാട്ടിൽ ആണ് അവൻ കൊണ്ടാക്കിയത് വീട്ടിൽ ചെന്ന് കേറിയപ്പോൾ തന്നെ ഉമ്മറത്ത് അമ്മ ഉണ്ടായിരുന്നു.      ചെന്ന് കയറിയപ്പോൾ തന്നെ അമ്മ വന്ന് എന്നെ കെട്ടിപ്പിടിച്ച് കവിളത്ത് ഒരു ഉമ്മ തന്നു മത്സരത്തിന്റെ വിവരങ്ങൾ ഒക്കെ അവർ ആരെങ്കിലും അമ്മയെ വിളിച്ച് പറഞ്ഞിരിക്കണം.      അകത്ത് കേറി സെറ്റിയിൽ ഇരുന്നപ്പോൾ അമ്മയും എന്റെ അടുത്ത് വന്നിരുന്നു അമ്മയുടെ മടിയിലേക്ക് തലവെച്ച് ഞാൻ കിടന്നപ്പോൾ കൈ വിരൽ വെച്ച് അമ്മ