പ്രണയിനി 10 [Climax] [The_Wolverine] 1452

…പ്ലസ് വൺ ഉം പ്ലസ് ടു ഉം കഴിഞ്ഞ് അഭിയും സുൽഫിയും എഞ്ചിനീയറിംഗ് കോഴ്സിനും ശ്രീലക്ഷ്മിയും അഞ്ജുവും നേഴ്സിംഗ് കോഴ്സിനും പോയി…   ഞാനും രാജിയും ശ്യാംമും അശ്വതിയും മാത്രം Graduation (B.Com) ഉം ശേഷം Post Graduation (MBA) ഉം ഒന്നിച്ചായിരുന്നു അതോടെ ഞങ്ങളുടെ ടീം സെപ്പറേറ്റ് ആയി ഞങ്ങൾ നാലുപേരും മാത്രം Set ആയി…

…ഈ അഞ്ചു വർഷത്തിനിടയിൽ ശ്യാംമും ആശ്വതിയും തമ്മിൽ ഇഷ്ടത്തിൽ ആയി…   അവരുടെ കല്യാണവും ഇരുവീട്ടിലും ഉറപ്പിച്ചിരുന്നു…   എന്റെയും രാജിയുടെയും കാര്യം എന്റെ വീട്ടിൽ അച്ഛനോടും അമ്മയോടും ഞാൻ പറഞ്ഞിട്ടുണ്ട് അവർക്ക് സമ്മതമാണ് അമ്മാവന്മാരും അമ്മായിമാരും ഒക്കെ നല്ല സപ്പോർട്ട് ആണ്…   കോളേജിൽ ആയപ്പോഴേക്കും അച്ഛൻ എനിക്ക് ഒരു ബൈക്ക് (Honda CBR 250) വാങ്ങി തന്നിരുന്നു,   ശ്യാമിന് അവന്റെ അച്ഛൻ ഒരു ബുള്ളറ്റും (Desert Storm 500) വാങ്ങിക്കൊടുത്തു…   പിന്നീടുള്ള ദിവസങ്ങളിലെല്ലാം ഞങ്ങൾ നാലുപേരും പാർക്കും, ബീച്ചും, തീയറ്ററും, കോളേജും ഒക്കെയായി പാറിപ്പറന്നുനടന്നു കോളേജ് ലൈഫൊക്കെ ഞങ്ങൾ നന്നായി ആസ്വദിച്ചു…   രാജിയെ ഞാൻ ഇടയ്ക്കൊക്കെ എന്റെ വീട്ടിലും കൊണ്ടുപോകാറുണ്ടായിരുന്നു അതുകൊണ്ടുതന്നെ എന്റെ അച്ഛനെയും അമ്മയെയും ഒക്കെ അവൾക്ക് നല്ല പരിചയം ആണ് അവർക്ക് അവളെ ഒത്തിരി ഇഷ്ടവുമാണ്…

…MBA കഴിഞ്ഞപ്പോൾത്തന്നെ രാജിക്കും അശ്വതിക്കും അടുത്തുതന്നെയുള്ള ഒരു Finance Company യിൽ Accounts Section ൽ ജോലി കിട്ടി ശ്യാം ഒരു Home Appliances Brand ന്റെ Team Leader ആയിട്ട് കേറി…   എനിക്ക് തല്ക്കാലം ജോലി ഒന്നും ആകാത്തതുകൊണ്ട് കിക്ബോക്സിങ് സെന്ററിലും ജിമ്മിലും ഒക്കെ അല്ലറചില്ലറ ട്രെയിനിംഗും പരിപാടികളുമൊക്കെയായിട്ട് മുമ്പോട്ടുപോയി മാസാവസാനം 10,000/- കിട്ടും…   അങ്ങനെയിരിക്കെയാണ് ഇടിത്തീപോലെ ആ വാർത്താ എന്റെ ചെവിയിൽ എത്തുന്നത്…

…രാജിയുടെ കല്യാണം ഉറപ്പിച്ചു…

…അശ്വതിയാണ് ഈ വിവരം എന്നെ വിളിച്ചുപറഞ്ഞത്…   രാജിയുടെ അച്ഛന്റെ ഫ്രണ്ടിന്റെ മകനുമായി അതായത് അഖിലും ആയാണ് കല്യാണം ഉറപ്പിച്ചിരിക്കുന്നുന്നതെന്ന്…   അത് കേട്ടപ്പോൾത്തന്നെ എന്റെ തയ്ക്കകത്ത് ഒരു മരവിപ്പ് പോലെ ആയിരുന്നു…   എല്ലാം കൈവിട്ടുപോയപോലെതോന്നി…   ഞാൻ ആകെ തകർന്നുപോയി…