പ്രണയിനി 10 [Climax] [The_Wolverine] 1453

“ഓക്കെ… മിസ്റ്റർ ശ്യാം… അശ്വതിക്ക് യാതൊരുവിധ പ്രശ്നവും ഇല്ല… ആരോ ബലമായി അവളെ ഉപദ്രവിക്കാൻ ശ്രമിച്ചിട്ടുണ്ട്… അതാണ് ഡ്രസ്സ്‌ അവിടെയിവിടെയായി കീറിയിട്ടുള്ളത്… പ്രതിരോധിക്കാൻ ശ്രമിക്കുന്നതിനിടെ അവളുടെ കവിളത്ത് ആരോ അടിച്ചിട്ടുണ്ട് അതാണ് ചുണ്ട് പൊട്ടിയതും മുഖത്ത് നീരുവന്നതും… നന്നായി പേടിച്ചതുകൊണ്ടും ടെൻഷനും ഒക്കെ കൂടിയായപ്പോൾ അവൾ കോൺഷ്യസ് ആയിപ്പോയതാണ് അതുകൊണ്ടാണ് മൂക്കിൽ നിന്നും ബ്ലഡ്‌ വന്നതും ബോധം പോയതും… പേടിക്കാൻ ഒന്നുമില്ല ഉണർന്നുകഴിഞ്ഞ് അവൾ ഒന്ന് ഓക്കെ ആയാൽ വീട്ടിലേക്ക് കൊണ്ടുപോകാം… പിന്നെ ഇത് ഒരു റേപ്പ് അറ്റൻഡ് ആയി എനിക്ക് തോന്നുന്നില്ല എന്തോ ഒരു ട്രാപ് പോലെ തോന്നുന്നു… അവളെയോ മറ്റാരെയോ പെടുത്താൻ വേണ്ടി ചെയ്തതുപോലെ…”

…ഡോക്ടർ പറഞ്ഞുനിർത്തി…   ഡോക്ടർ പറഞ്ഞതുകേട്ട് ശ്യാംമും കൂടെയുള്ളവരും ഞെട്ടി…

“എന്താ ഡോക്ടർ അങ്ങനെ തോന്നാൻ…”

…സംശയം മറച്ചുവെക്കാതെ ശ്യാം ഡോക്ടറോട് ചോദിച്ചു…

“സീ മിസ്റ്റർ ശ്യാം… ഒരുപാട് റേപ്പ് കേസുകൾ അറ്റൻഡ് ചെയ്ത ഒരു ഡോക്ടർ എന്ന നിലയിൽ എനിക്ക് മനസ്സിലായ കാര്യമാണ് ഞാൻ ഇപ്പോൾ നിങ്ങളോട് പറഞ്ഞത്… ചിലപ്പോൾ ശെരിയായിരിക്കാം അല്ലെങ്കിൽ മറിച്ചായിരിക്കാം…   അശ്വതിയുടെ ദേഹത്ത് റേപ്പ് നടന്നതിന്റെ ഒരു ലക്ഷണം പോലുമില്ല… ആകെ ഉള്ളത് കവിളിൽ തല്ലിയിട്ടുള്ള പാടുമാത്രം… ഒച്ചവെക്കാതിരിക്കാൻ കൈകൊണ്ട് ആരോ വാപൊത്തിപ്പിടിച്ചിട്ടുണ്ട്…   ശ്വാസംമുട്ടിയതുമൂലവും ആകാം ഒരുപക്ഷെ അവളുടെ മൂക്കിലൂടെ ബ്ലഡ് വന്നത്… പിന്നെ അശ്വതിയുടെ ഡ്രെസ്സിൽ അതായത് ചുരിദാറിന്റെ ഷാളിൽ ക്ലോറോഫോമിന്റെ സ്മെൽ ഉണ്ട്… ഇതൊക്കെയാണ് എനിക്ക് സംശയം തോന്നിയ കാര്യങ്ങൾ… നിങ്ങൾക്ക് ആരെയെങ്കിലും സംശയം ഉണ്ടോ… ഉണ്ടെങ്കിൽ നമുക്ക് ഒരു പോലീസ് കംപ്ലൈന്റ് ചെയ്യാം… എന്തായാലും ആരും ടെൻഷൻ ഒന്നും ആകേണ്ടട്ടോ… ഒന്ന് ഉറങ്ങി എണീറ്റാൽ അശ്വതി ഉഷാറാകും…

…ഡോക്ടർ പറഞ്ഞുനിർത്തി…   എല്ലാവരും ഒരുപോലെ ഞെട്ടി…   രാജിയും അമ്മയും വാപൊത്തി കരഞ്ഞു…   എല്ലാവരുടെയും മനസ്സിൽ ഒരു മുഖം മാത്രം നിസ്സഹനായിനിന്ന പാവം അമലിന്റെ മുഖം…   അഭിയും സുൽഫിയും പരസ്പരം മുഖത്തോടുമുഖം നോക്കിനിന്നു…   അച്ഛൻ വന്ന് അമ്മയെ അശ്വസിപ്പിച്ചു…   എങ്കിലും അശ്വതിക്ക് ഒന്നും സംഭവിച്ചില്ല എന്നോർത്തപ്പോൾ എല്ലാവർക്കും ഒരുപോലെ ആശ്വാസം തോന്നി…

“എനി പ്രോബ്ലം മിസ്റ്റർ ശ്യാം…”

…എല്ലാവരുടെയും മുഖഭാവം കണ്ടപ്പോൾ ഡോക്ടർ ശ്യാമിനോടായി തിരക്കി…