പ്രണയിനി 10 [Climax] [The_Wolverine] 1451

കരയാത്ത ദിവസങ്ങൾ അവളുടെ ജീവിതത്തിൽ ഇല്ലാതെയായി…   ഒരു ദിവസം അവൾ കൈഞരമ്പുകൾ മുറിച്ച് ആത്മഹത്യക്ക് ശ്രമിച്ചു…   അവളുടെ അമ്മ കണ്ടതുകൊണ്ടുമാത്രമാണ് അന്ന് അവൾ രക്ഷപെട്ടത്…   ഹോസ്പിറ്റലിൽ നിന്നും അവളെ അവളുടെ അച്ഛനും അമ്മയും പാലക്കാട്ടേക്കാണ് കൊണ്ടുപോയത്…   പക്ഷെ അവിടെയും വിധി അവളെ ചതിച്ചു…   പാലക്കാടുവെച്ചുണ്ടായ ഒരു ബൈക്ക് ആക്സിഡന്റിൽ അവൾക്ക് അവളുടെ അച്ഛനെയും അമ്മയെയും നഷ്ടമായി…   ആ ഇടയ്ക്കാണ് ഞാനും അശ്വതിയും തമ്മിലുള്ള കല്യാണം നടക്കുന്നത്…   എനിക്ക് ജോലി എറണാകുളത്ത് ആയതുകൊണ്ട് കമ്പനി വക ഫ്ലാറ്റ് ഇവിടെ എടുത്തുതന്നു…   കല്യാണശേഷം ഞാനും അശ്വതിയും ഇങ്ങോട്ടേക്ക് താമസം മാറി…   ആ ഇടയ്ക്കാണ് രാജിയുടെ അച്ഛനും അമ്മയും മരിച്ച കാര്യങ്ങൾ ഞങ്ങൾ അറിയുന്നത്…   രാജിയെ ഇങ്ങോട്ടേക്ക് കൂട്ടിക്കൊണ്ടുവരാൻ ഞാനും അശ്വതിയും തീരുമാനിച്ചു…   ശേഷം പാലക്കാട്ടേക്കുപോയി അവളുടെ ബന്ധുക്കളോടുപറഞ്ഞിട്ട് അവളെ ഞങ്ങൾ ഫ്ലാറ്റിലേക്ക് കൂട്ടിക്കൊണ്ടുവന്നു…   അവിടെ ഒറ്റപ്പെട്ട് ജീവിച്ചിരുന്ന അവളും ആ മാറ്റം ആഗ്രഹിച്ചിരുന്നു…   പതിയെ പതിയെ ഞങ്ങൾ അവളെ ആ പഴയ രാജിയിലേക്ക് മടക്കിക്കൊണ്ടുവന്നു…   അവളുടെ നിർബന്ധപ്രകാരം അവൾക്ക് ഞാൻ ഇവിടെ ഒരു ചെറിയ ഒരു ജോലി ശെരിയാക്കിക്കൊടുത്തിരുന്നു…   ഇതിനിടയിൽ നിന്റെ കാര്യങ്ങൾ ഒക്കെ അവളോടും അശ്വതിയോടും മാത്രം ഞാൻ പറഞ്ഞിരുന്നു…   നീ എന്നെ വിളിക്കുമ്പോൾ ഒക്കെ സ്പീക്കർ ഫോണിലൂടെ നിന്റെ ശബ്ദം അവൾ കേട്ടിരുന്നു…   അവൾ ഇവിടെയുള്ള കാര്യം നിന്നോട് ഒരിക്കലും പറയരുതെന്ന് അവൾ എന്നോട് പറഞ്ഞിരുന്നു…   എന്തെന്നാൽ അവൾ ഇവിടെ ഉണ്ടെന്നറിഞ്ഞാൽ പിന്നെ നീ എന്നെ വിളിച്ചില്ലെങ്കിലോ എന്ന് അവൾ ചിന്തിച്ചു…   ഒരിക്കലും നിന്നെ കാണാൻ പറ്റില്ലെങ്കിലും നിന്റെ ശബ്ദം മാത്രം കേട്ടാൽ മതിയായിരുന്നു അവൾക്ക്…   അന്നും ഇന്നും എന്നും അവളുടെ മനസ്സിൽ നീ മാത്രമേയുള്ളൂ…   പക്ഷെ ഇപ്പോൾ നിന്റെ മനസ്സിൽ ആഷികയാണല്ലോ…

…ശ്യാം പറഞ്ഞുനിർത്തി…   എന്റെ കണ്ണുകൾ നിറഞ്ഞിരുന്നു അവന്റെയും…

“എനിക്ക് രാജിയെ കാണണം…”

…കുറച്ചുനേരം മൗനമായി ഇരുന്നതിനുശേഷം ഞാൻ ശ്യാമിനോട് പറഞ്ഞു…

“മ്മ്… പൂവാം…”

…ശ്യാം പറഞ്ഞു…   എന്നിട്ട് ചെയറിൽ നിന്ന് എണീറ്റ് ബൈക്കിനടുത്തേക്ക് നടന്നു…   പുറകെ ഞാനും…

…അവന്റെ പിന്നിലിരുന്ന് ഫ്ലാറ്റിലേക്ക് പോകുമ്പോഴും ഞാൻ എന്റെ മനസ്സിൽ ഒരു തീരുമാനം എടുത്തിരുന്നു…   ഫ്ലാറ്റിന്റെ പാർക്കിംഗിൽ വണ്ടിനിർത്തിയിട്ട് ഞങ്ങൾ ഇറങ്ങി ലിഫ്റ്റിനടുത്തേക്ക് നടന്നു…   ലിഫ്റ്റ് കയറി 7th Floor ൽ ഇറങ്ങി 7B യിലേക്ക് നടന്നു…   ശ്യാം ബെല്ലടിച്ചപ്പോൾ അശ്വതി വന്ന് ഡോർ തുറന്നു…

“നീ എങ്ങോട്ടുപോയതാടാ പ്രാന്താ…”

…എന്നെക്കണ്ടപാടെ എന്റെ കുത്തിനുപിടിച്ചുകൊണ്ട് അശ്വതി ചോദിച്ചു…