പ്രണയിനി 10 [Climax] [The_Wolverine] 1451

  പിടിവലിയിൽ അവളുടെ വസ്ത്രത്തിന്റെ അവിടെയിവിടെയായി കീറിയിരുന്നു…   പെട്ടെന്ന് അവൾ ഒച്ചവെക്കാൻ തുടങ്ങിയപ്പോൾ അവൻ അവളുടെ കവിളിൽ ശക്തിയിൽ അടിച്ചു…   അടിയുടെ ശക്തിയിൽ വേച്ചുപോയ അവൾ കട്ടിലിൽ വീണു…   പെട്ടെന്ന് അവൻ അവളുടെ ഷാൾ വലിച്ചെടുത്തിട്ട് അതിൽ ക്ലോറോഫോം സ്പ്രേയ് ചെയ്തു ശേഷം അവൾക്കുനേരെ നടന്നു…   അവന്റെ ലക്ഷ്യം മനസ്സിലായ അശ്വതി ഒച്ചവെച്ച് കരയാൻ തുടങ്ങി…   അപ്പോഴാണ് ഡോർ ചവിട്ടി തുറന്ന് അമൽ വരുന്നതും മുഖം മൂടി വന്നവനെ നെഞ്ചിൽ ചവിട്ടി തെറിപ്പിച്ചതും…   പെട്ടെന്ന് അശ്വതിയെയും വിളിച്ചുകൊണ്ട് പുറത്തേക്കിറങ്ങാൻ നോക്കിയ അമലിനെ പുറകിൽ നിന്ന് ഒരാൾ ഇരുമ്പുവടികൊണ്ട് തലയ്ക്കടിച്ചു…   അടികൊണ്ട അമൽ ബോധംമറഞ്ഞുവീണപ്പോൾ അശ്വതി നിലവിളിച്ചുകൊണ്ട് അമലിനടുത്തേക്ക് ഓടി…   അമലിന്റെ അടുത്ത് ചെന്നിരുന്നുകൊണ്ട് അവൾ അവനെ കുലുക്കിവിളിക്കാൻ തുടങ്ങി…   ആ സമയത്താണ് അമലിന്റെ ചവിട്ടുകൊണ്ട് വീണുകിടന്നവൻ പിന്നിൽനിന്ന് അശ്വതിയെ ബലമായി പിടിച്ചുനിർത്തി ക്ലോറോഫോം സ്പ്രേയ് ചെയ്ത ഷാൾ അവളെ മണപ്പിച്ചത്…   ബോധം മറയുന്നതിനുമുമ്പ് അവൾ കണ്ടിരുന്നു മുഖം മൂടി മാറിക്കിടന്ന അഖിലിന്റെ മുഖം…

…അശ്വതി പറഞ്ഞുനിർത്തി…

“അവൻ ആ അഖിൽ ആണ് എന്നെ ഉപദ്രവിക്കാൻ ശ്രമിച്ചത്…   എന്റെ അമലൂട്ടൻ വന്നില്ലായിരുന്നെങ്കിൽ… എനിക്ക് കാണണം… എനിക്ക് ഇപ്പൊത്തന്നെ കാണണം എന്റെ അമലൂട്ടനെ…”

…അവൾ അതും പറഞ്ഞ് മുഖംപൊത്തി കരയാൻ തുടങ്ങി…   ശ്യാം അവളെ ആശ്വസിപ്പിച്ചുകൊണ്ടിരുന്നു…   ആർക്കും ഒന്നും പറയാൻ ഉണ്ടായിരുന്നില്ല…   രാജി ബോധംമറിഞ്ഞു നിലത്തുവീണു…   അച്ഛൻ നെഞ്ചിൽ കൈവെച്ച് നിലത്ത് ഇരുന്നുപോയി അമ്മ വാവിട്ട് കരയുകയാണ്…   അശ്വതിയുടെ അച്ഛന്റെയും അമ്മയുടെയും അവസ്ഥയും മറിച്ചല്ല…   അഭിയും സുൽഫിയും ശെരിക്കും തകർന്നുപോയി…   അപ്പോഴേക്കും എല്ലാവരും കാര്യങ്ങൾ അറിഞ്ഞിരുന്നു…   അമലിനെ ഓർത്ത് എല്ലാവരും കരഞ്ഞു…   അവന്റെ കളങ്കമില്ലാത്ത സ്നേഹം ഓർത്തപ്പോൾ ഓരോരുത്തരുടെയും നെഞ്ചിൽ ചോരപൊടിഞ്ഞു…   എല്ലാവരും പലയിടത്തും അവനെ തിരഞ്ഞുവെങ്കിലും ആർക്കും അവനെ കണ്ടെത്താനായില്ല…   ആരോടും തന്നെക്കുറിച്ച് ഒന്നും പറയരുത് എന്ന് അമൽ പറഞ്ഞിരുന്നതുകൊണ്ട് ശ്യാം മനഃപൂർവം എല്ലാവരോടും എല്ലാം മറച്ചുവെച്ചു…   ഒരു കുറ്റവും ചെയ്യാത്ത ആ പാവത്തിനെ ശിക്ഷിച്ചതിനുള്ള ഒരു മറുശിക്ഷ ആവട്ടെ ഇത് എന്ന് ശ്യാം മനസ്സിൽ കുറിച്ചു…   അശ്വതിയെ ഹോസ്പിറ്റലിൽ നിന്ന് ഡിസ്ചാർജ് ചെയ്തതിന്റെ അടുത്ത ദിവസം തന്നെ ശ്യാംമും അഭിയും സുൽഫിയും ചേർന്ന് അഖിലിനെയും അവനെ സഹായിച്ച കൂട്ടുകാരനെയും പഞ്ഞിക്കിടുകയും പോലീസിൽ ഏൽപ്പിക്കുകയും ചെയ്തു…   അശ്വതിയെ റേപ്പ് ചെയ്ത് അമലിന്റെ തലയിൽ കെട്ടിവെക്കുകയായിരുന്നു അഖിലിന്റെ ഉദ്ദേശം…   പക്ഷെ പെട്ടന്ന് അമൽ ആ റൂമിലേക്ക് കടന്നുവന്നപ്പോൾ അവരുടെ പദ്ധതി പാളി…   പിന്നീട് അവർ അമലിനെയും അശ്വതിയെയും ബോധം കെടുത്തി ബെഡ്ഡിൽ കിടത്തിയിയിട്ട് അവിടംവിട്ടു…   അമലിനെ അന്വേഷിച്ചുവന്ന അമലിന്റെ അച്ഛൻ റൂമിൽ നിന്ന് അവന്റെ ഫോൺ റിങ് ചെയ്യുന്നത് കേട്ടപ്പോഴാണ് ഡോർ തുറന്നുനോക്കിയത്…   അപ്പോൾ കണ്ടത് അവശനിലയിൽ ബെഡ്ഡിൽ കിടക്കുന്ന അശ്വതിയെയും അവളുടെ തൊട്ടടുത്തുതന്നെ കിടക്കുന്ന അമലിനെയും ആണ്…   പിന്നീടാണ് കാര്യങ്ങൾ എല്ലാം സംഭവിച്ചത്…   എന്തായാലും അഖിലിന്റെ ലക്ഷ്യം നടന്നു അമലിന്റെയും രാജിയുടെയും കല്യാണം മുടങ്ങി…   രാജിയെ സ്വന്തമാക്കാം എന്ന് അവൻ കണക്കുകൂട്ടി…   പക്ഷെ ബോധം മറയുന്നതിനുമുമ്പ് അശ്വതി അഖിലിനെ കണ്ടിരുന്നു എന്ന് അവൻ അറിഞ്ഞിരുന്നില്ല…

…എല്ലാം അറിഞ്ഞുകഴിഞ്ഞപ്പോൾ രാജിയുടെ മാനസികനില തെറ്റി…   അവൾ ആരോടും ഒന്നും സംസാരിക്കാതെയായി…   അവളുടെ മുറിയിൽ എപ്പോഴും അടച്ചുപൂട്ടി ഒറ്റയ്ക്ക് ഇരിക്കുന്നത് പതിവായി…   അമലിനെ ഓർത്ത്