*പ്രണയമഴ…?* 3 398

 

ജോലി കഴിഞ്ഞ് തറവാട് വരെ പോവേണ്ടത് കൊണ്ട് തന്നെ രണ്ടുപേരും കാറിൽ ആണ് ഇന്ന് ഹോസ്പിറ്റലിലേക്ക് ചെന്നത്…

 

 

Yen Enadhu Idhayam Thudikkum Isaiyil

Kavidhai Ondrai Ezhuthinai

Adhai Vizhiyil Korthu Uyirin Ulle

Parvaiyale Solgirai

 

Unnodu Nanum Vazha Unnodu Nanum Saga

Un Madi Sayava Un Madi Sayava…??

 

കാറിൽ നിന്നും ഒഴുകി ഇറങ്ങുന്ന മനോഹര ഗാനത്തിൽ ലയിച്ചിരിക്കുകയാണ് അശ്വിൻ… മാനസി പുറത്തേക്ക് നോക്കി ഇരിക്കുകയാണ്… അവന്റെ ഉള്ളം വല്ലാതെ സന്തോഷിക്കുകയായിരുന്നു… ഇനി എന്നെ ഒന്ന് പ്രേമിച്ചിരുന്നെങ്കിൽ…?? കാറ്റിൽ കുറുമ്പ് കാട്ടുന്ന കുറുനരികളെ മാടി ഒതുക്കുന്ന മാനസിയെ നോക്കി അവന്റെ ഹൃദയം അലമുറയിട്ടു…

 

 

_____________________________?

 

 

വൈകുന്നേരം തന്നെയും കാത്ത് എൻട്രൻസിൽ നിൽക്കുന്ന മാനസിയുടെ അടുത്തേക്ക് അവൻ ചെന്നു…

 

 

“വാ പോവാം… ഇന്ന് ഒരു ചേച്ചിയും കുഞ്ഞും ഡിസ്ചാർജ് ആവുക ആയിരുന്നു അതുകൊണ്ട് കുറച്ച് വർക്ക്‌ ഉണ്ടായിരുന്നു… അതാ ലേറ്റ് ആയെ… കുഴപ്പം ഒന്നും ഇല്ല ഇവിടുന്ന് കുറച്ചൊള്ളു… തറവാട്ടിൽന്ന് വീട്ടിലേക്കും വല്യ ദൂരം ഒന്നും ഇല്ല… വേഗം തിരിക്കാം…” അവളൊന്നും ചോദിക്കാതെ തന്നെ അവൻ എല്ലാം പറഞ്ഞു…

 

 

തലയാട്ടി കൊണ്ട് അവന് പിറകെ അവൾ ചെന്നു… വണ്ടി സ്റ്റാർട്ട് ചെയ്ത് മുന്നോട്ട് കുതിച്ചു… ഒരു പത്ത് മിനിറ്റിന് ശേഷം മെയിൻ റോഡിൽ നിന്നും ഒരു ഊടുവഴിയിലേക്ക് കാർ തിരിഞ്ഞു… കുറച്ച് ചെന്നതും കാർ ബ്രേക്ക്‌ ഇട്ട് അശ്വിൻ പുറത്തേക്ക് ഇറങ്ങി അവളെ ഒന്ന് നോക്കി… സ്ഥലം എത്തി എന്ന് മനസ്സിലായതും മാനസിയും ഇറങ്ങി…