പെൺപട [Enemy Hunter] 1809

“പിന്നെ “

“പെൺമലയെ പറ്റിയാണ്….പിന്നെ എല്ലാ വർഷവും ഇന്നേ ദിവസം ഗ്രാമത്തിൽ സംഭവിക്കുന്ന ആ പ്രതിഭാസത്തെ കുറിച്ചും “

വിരിഞ്ഞുനിന്ന ഇരുട്ടിലും ഗംഗാറാമിന്റെ മുഖത്ത് തെളിഞ്ഞ ഭയത്തെ അലക്സ്‌ ഗ്രസിച്ചു.

“അത്…. അപകടമാണ് സാബ്”

“എന്തുകൊണ്ട്”

“അതിന് പിന്നിൽ ഒരുപാട്‌ പഴയങ്കഥകളുണ്ട്”

“അത് കേൾക്കാനാണ് ഞാൻ വന്നത്.”

“അതൊന്നും ആരോടും പറയരുതെന്ന് വിലക്കുണ്ട്. മുതിർന്നവർ സമ്മതിക്കില്ല “

തനിക്ക് മുംബൈയിൽ ഒരു ജോലി ശരിയായിട്ടും പോവാൻ കഴിഞ്ഞില്ല അല്ലേ. എന്തേ പണമായിരുന്നോ പ്രശ്നം“

“ചെറുപ്പക്കാർക്കൊക്കെ ഇവിടെ നിന്ന് രക്ഷപ്പെടണം എന്നുണ്ട് സാബ്.ഈ വിശ്വാസങ്ങളും ആചാരങ്ങളും മടുത്തു.എന്റെ കാര്യം തന്നെ കണ്ടില്ലേ.ഗ്രാമമതിന് അനുവദിക്കുന്നില്ല.ഒളിച്ചോടാമെന്നുവെച്ചാൽ പണം ആരുതരാനാണ്”പറഞ്ഞു തീർന്നതും അലക്സ്‌ ബാഗിൽ നിന്ന് പുറത്തേക്ക് വെച്ച നോട്ടുകെട്ടിൽ അയാളുടെ കണ്ണുകൾ പതിഞ്ഞു.

“ഗ്രാമത്തിലെത്തുന്നതിന് മുൻപേ എന്നിക്കറിയേണ്ടത് പറഞ്ഞാൽ.ഇത് നിന്റേതാണ്”

ആ വാഗ്ദാനം അയാൾക്ക് നിരസിക്കാവുന്നതിലും അപ്പുറമായിരുന്നു.

“സാബ് മറ്റാരും ഇതറിയരുത് “

“അതെന്റെ ഉറപ്പ്”