പെയ്തൊഴിയാതെ ഭാഗം-2 (മാലാഖയുടെ കാമുകൻ ) 1470

View post on imgur.com

ഹേയ് ഓൾ.. വളരെ ചെറിയ ഒരു പാർട്ട് ആണ് ഇത്.. ഇന്ന് അൽപ സമയം കിട്ടിയപ്പോൾ എഴുതിയതാണ്.. അടുത്ത ഭാഗം ഇതിന്റെ അവസാനം ആയിരിക്കും..
പണ്ട് വായിച്ചു മറന്ന കഥയിലെ ഒരു ഭാഗം എന്ന് മനപ്പൂർവം വെച്ചതാണ്.. ആരൊക്കെ മനസിലാക്കും എന്ന് നോക്കാലോ എന്ന് കരുതി..
സന്തോഷിപ്പിച്ചുകൊണ്ട് ചിലർ ആ കഥയെ ഓർമിച്ചു.. ഒരു കൊച്ചു ഭാഗം മാത്രം ഉൾപെടുത്തിയപ്പോൾ ആ കഥാകാരനെ ഓർക്കണമെങ്കിൽ ആളുടെ പേര് എംടി എന്ന് തന്നെ ആയിരിക്കുമല്ലോ! ലെജൻഡ് ❤️❤️

വേഗം തന്നെ അടുത്ത ഭാഗം തരാൻ ശ്രമിക്കാം.. സ്നേഹത്തോടെ..

***

പേടിയോടേ ഞാൻ തിരിഞ്ഞു കുളപ്പടവ് കയറാൻ തുടങ്ങി… പരിഭ്രമം… ഞാൻ അവളെ കൊന്നു എന്നെനിക്ക് തോന്നി.. അവൾ മരിച്ചാൽ… അല്ല.. അവളെ കൊല്ലണം എന്ന് ചിന്തിച്ചത് ഞാൻ അല്ലെ?

ഇല്ല.. പാടില്ല… അങ്ങനെ ഒന്നും പാടില്ല..

അത് ചിന്തിച്ചു തീർന്നതും ഞാൻ ഓടിച്ചെന്നു പടവിൽ കാലുകൾ കുത്തി ഉയരത്തിൽ ചാടി വെള്ളത്തിലേക്ക് ഊളിയിട്ടു..

സെക്കൻഡിൽ ഒരു മാത്രയിലാണ് ഞാൻ അടിയിൽ എത്തിയത്.. വേഗം കൈകൾ വീശി നോക്കി.. കണ്ടു.. അടിയിൽ വെളുത്ത ഫ്രോക്…

കൈ ഇട്ടു അടിക്കാൻ ശ്രമിക്കുന്ന പെണ്ണ്.. വാ തുറന്നു വെള്ളം കുടിക്കുന്നുണ്ട് അവൾ..

ഞാൻ അവളുടെ മുൻപിൽ എത്തിയതും അവളെന്നെ പിടിച്ചു താഴ്ത്താൻ നോക്കി.. നിന്നുകൊടുക്കാൻ പാടില്ല..
ഞാൻ അവളുടെ കയ്യിൽ പിടിച്ചു.. അവളെ തിരിച്ചശേഷം അവളുടെ മുടിക്കെട്ടിൽ പിടുത്തമിട്ടു… തിക്കുള്ള മുടിയാണ്…

വേഗം വലിച്ചു മുകളിലേക്ക് കാലുകൾ കൊണ്ട് ആഞ്ഞു തുഴഞ്ഞു… എന്തോ ഭാഗ്യത്തിന് അവളുടെ കാലുകളിൽ ആമ്പൽ കുടുങ്ങിയില്ല..

ശ്രമപെട്ട്‌ ഞാൻ അവളെ വലിച്ചു വശത്തേക്ക് തള്ളി കയറ്റി.. ഏറ്റവും താഴത്തെ പടവിൽ കിടത്തി.. അവളുടെ വയർ നന്നായി വീർത്തിരിക്കുന്നു.. വെള്ളം കുടിച്ചിട്ടുണ്ട്.. ഇവൾ മരിച്ചോ? ഞാൻ അവളുടെ ഡ്രസ്സ് പിടിച്ചു നേരെ ഇട്ടു… അവളുടെ മുഖത്തേക്ക് നോക്കി..

എന്റെ സംശയത്തിന്റെ മറുപടി ആയിട്ടാകാം.. അവൾ എടുത്തടിച്ചതുപോലെ വെള്ളം ശർദ്ധിച്ചു… ഞാൻ അവളുടെ തല ചെരിച്ചുവച്ചു വയറ്റിൽ മെല്ലെ അമർത്തി.. അതോടെ കൂടുതൽ വെള്ളം പുറത്തേക്ക് വന്നു… അല്പസമയം കൊണ്ട് അവൾ കുടിച്ച വെള്ളം ഒക്കെ ഛർദിച്ചു..

അവൾ മെല്ലെ കണ്ണുതുറന്നു എന്നെയൊന്ന് നോക്കി… ശ്വാസം ആഞ്ഞു വലിച്ചുകൊണ്ടു അവൾ അവിടെ കിടന്നു.. ഞാൻ മെല്ലെ അവളുടെ മുടി ഒതുക്കിവച്ചു..

ഇതൊക്കെ അവൾ അച്ഛനോട് പറയുകയും ഇന്ന് അച്ഛൻ എന്നെ തല്ലിക്കൊല്ലും എന്ന് എനിക്ക് ഉറപ്പാണ്.. ഞാൻ മെല്ലെ ഒരു പടവിൽ ഇരുന്നു.. എനിക്ക് പേടി തോന്നി…