പിച്ചിച്ചീന്തിയെടുത്ത പ്രണയകഥകൾ(പാർട്ട്‌ 2 )[Vickey wick] 103

റിനു ഡെസ്കിൽ കമന്നു കിടന്നു കരയുന്നു. റോഷ്‌നയും, മഞ്ജുവും, വൈഷ്ണയും അവളെ സമാധാനിപ്പിക്കാൻ ശ്രമിക്കുന്നു. സംഗതി ഒരല്പം കൈവിട്ട് പോയിന്നു ഉറപ്പായി. പാമ്പനും ഇരുട്ടും എല്ലാം തമ്മിൽ തമ്മിൽ നോക്കുന്നു. മഞ്ജു അവർ പരുങ്ങുന്നത് ശ്രദ്ധിച്ചു. മുൻപേ തന്നെ അവർക്കു ഞങ്ങളെ സംശയമുണ്ടായിരുന്നു. അവർക്കു അറിയാം വേറെ ആരും ഇത്‌ ചെയ്യണ്ട കാര്യമില്ല. റോഷ്‌നയും തുറിച്ചു നോക്കുന്നുണ്ടായിരുന്നു. ഞങ്ങളെ കണ്ടപ്പോഴേ അവർക്കു ഉറപ്പായി ഞങ്ങൾ ആണ് ചെയ്തത് എന്ന്. ഒരു രണ്ടു മിനിറ്റ് കഴിഞ്ഞതും സാബു സാർ വന്നു.

“റിനുവിനെ പ്രിൻസിപ്പൽ വിളിക്കുന്നുണ്ട്. ഒന്നങ്ങോട്ട് ചെല്ല്.”

ഞങ്ങൾ വീണ്ടും സമ്മർദത്തിലായി. അവൾ ഉറപ്പായിയും ഞങ്ങളുടെ എല്ലാം പേരുപറയും.

“അളിയാ, പണിപാളി. നമ്മടെ പേരെ അവള് പറയൂ, ഒറപ്പാ. പെട്ടു. നമ്മൾ എല്ലാം പെട്ടു.”

ഇരുട്ടിനു നിപ്പോറക്കുന്നില്ല.

“ഒന്ന് മിണ്ടാതിരിക്കെടാ. ചെയ്യുമ്പോ അറിയില്ലാരുന്നോ ഇങ്ങനൊക്കെ വരുന്ന്?”

പാമ്പന് കലി വന്നു.

“ഇല്ലെടാ, ഞാൻ ആ വാശിക്കിടയിൽ ഇതൊന്നും ഓർത്തില്ല. അവന്റെ കുഞ്ഞമ്മേടെ പോസ്റ്റർ ഒട്ടീര്. “