പിച്ചിച്ചീന്തിയെടുത്ത പ്രണയകഥകൾ(പാർട്ട്‌ 2 )[Vickey wick] 103

ഞാൻ അറിയാതെ ഫോൺ റിസീവറിൽ വെച്ച് പോയി. ഇപ്പൊ അപ്പച്ചൻ എനിക്ക് തരുന്ന ഫ്രീഡം എല്ലാം ഇതാ ഒറ്റ രാത്രി വെളുക്കുമ്പോൾ കുന്നുകേറാൻ പോകുന്നു. ഒരു രസത്തിനു വേണ്ടി ചെയ്തത് ആണേലും നാട്ടുകാരുടെയും വീട്ടുകാരുടെയും മുന്നിൽ നാളെ ഞാൻ ഒരു കുടിയനാകും. അവനു നിൽക്കാതെ ഓടാൻ തോന്നിത് ഭാഗ്യം. അത്കൊണ്ട് അപ്പൻ വന്ന് നോക്കിപ്പോ റൂമിൽ ഉണ്ടായി. എന്നാലും പതുക്കെ എല്ലാം അപ്പൻ അറിയാതെ ഇരിക്കുവോ? അങ്ങനെ ഓരോന്ന് അലോചിച്ചു അന്ന് പിന്നെ ഉറക്കം വന്നില്ല.

പിറ്റേദിവസം രാവിലെ എണീറ്റു കുളിച്ച് പള്ളിയിലൊക്കെ ഒന്ന് പോയി. ഒരുകൂട് മെഴുകുതിരിയൊക്കെ കത്തിച്ചു. സ്കൂളിൽ കാലുവെച്ചപ്പോ മുതൽ നെഞ്ച് പടപടാന്ന് ആയി. ബാക്കി മൂന്ന് എണ്ണവും വന്നു. നായകനെ മാത്രം കണ്ടില്ല. അപ്പൊ വീണ്ടും ടെൻഷൻ ആയി. പ്രയറിന് ഉള്ള ബെൽ അടിച്ചതും അതാ പുറത്തെത്തി നമ്മുടെ നായകൻ. ഒടുവിൽ അജിത ടീച്ചർ ന്റെ ചെറിയ ശകാരം ഒക്കെ കേട്ട് കഴിഞ്ഞ് ആൾ അകതെത്തി. ഷേക്ക്‌ ചോദിച്ചു.

“അളിയാ വീട്ടിൽ എന്തായി? “

“ഒന്നും പറയാതെ ഇരിക്കുന്നതാ ഭേദം. ഇനി വൈകുന്നേരമുള്ള കളിപ്പോലും നടക്കുന്നു തോന്നുന്നില്ല. അപ്പൻ എന്നെ കൊന്നില്ലെന്നേ ഉള്ളു. വേറെ ഒരു കാര്യവും കൂടി പറഞ്ഞു. ഉടനെ തന്നെ പെര വാർക്കാൻ പോവാണത്രെ…”

എല്ലാരും കുറെ നേരത്തേക്ക് ഒന്നും മിണ്ടിയില്ല. ഒടുവിൽ ഇരുട്ട് അതിനു വിരാമമിട്ടു.