പിച്ചിച്ചീന്തിയെടുത്ത പ്രണയകഥകൾ (പാർട്ട്‌ 1) [Vickey wick] 80

ഡോൺ പറഞ്ഞു തുടങ്ങി.

“മ്മ്…”

വിഷ്ണു ഒരുനിമിഷം തന്റെ പ്രശ്നം പോലും മറന്നു കഥകേൾക്കാൻ റെഡി ആയി.

“മ്മ്… പോരട്ടെ.”

“അന്ന് പ്ലസ് ടു എക്സാം ഒക്കെ കഴിഞ്ഞു ഉള്ള നീണ്ട അവധിക്കാലം. കോളേജിലേക്ക് ഉള്ള അല്ലോട്മെന്റ് ഒക്കെ വന്ന് അഡ്മിഷൻ ഒക്കെ ഓക്കേ ആയി. അതോടെ നമ്മൾ ഒഫീഷ്യൽ ആയി കോളേജ് ചേട്ടന്മാർ ആയല്ലോ. പ്ലസ് ടു ന്റെ ചൂടും ചൂരും മാറിട്ട് ഇല്ലെന്നു ഓർക്കണം. എന്നാലും ചേട്ടന്മാർ ആയെന്നാണ് ഭാവം.

അങ്ങനെ ഇരിക്കുന്ന സമയത്താണ് ഒരു പിടയും രണ്ടു പൂവനും അരങ്ങേറുന്നത്. നജീം നോട്ടമിട്ടുവെച്ചേക്കുന്ന ഹന്ന നൂർജഹാന്റെ പിന്നാലെ അതാ ഷാഹിദും സംഘവും കറങ്ങുന്നു. നജീമിന് ഇത്‌ സഹിക്കാവുന്നതിലും അപ്പുറമായിരുന്നു. അവനു തേടിവരാൻ ഞാനേ ഉണ്ടായിരുന്നുള്ളു.

അല്ലെങ്കിലും അങ്ങനാണല്ലോ. എന്റെ അപ്പോഴത്തെ സമയവും കറക്റ്റ് ആരുന്ന കൊണ്ട് ആ ദുരന്തം എന്നെ തന്നെ തേടിവന്നു. കട്ട കലിപ്പൊക്കെ ഇട്ട് അവൻ അലറി.

“അളിയാ ഇന്ന് അവന്റെ കൈയും കാലും പെടലിയും ഒടിക്കണം.”