“ഡിയർ പാസഞ്ചേഴ്സ്, ഇൻ നേക്സ്റ്റ് ടെൻ മിനുട്ട്സ്, വി ആർ ഗോയിങ് ടു ലാൻഡ് ഇൻ കൊച്ചിൻ ഇന്റർനാഷണൽ എയർപോർട്ട്‌…. പ്ലീസ് ഫാസ്റ്റൻ യുവർ സീറ്റ് ബെൽറ്റ്…”

ഫ്‌ളൈറ്റ് ലാൻഡ് ചെയ്യാറായി എന്ന അനൗൺസ്‌മെന്റ് വന്നപ്പോൾ എന്റെ സംസാരം മുറിഞ്ഞു… പൂർത്തിയായില്ലല്ലോ എന്ന നിരാശയോടെ കീർത്തിയേച്ചി എന്നെ നോക്കി ചോദിച്ചു..

“പിന്നെ എന്തായിടാ??? വേം അതൂടി പറയ് ഫ്‌ളൈറ്റ് ലാൻഡ് ചെയ്യുമുമ്പ്….. തമ്പുരാൻ എന്നൊരു ആള് കല്യാണം കഴിച്ചൂന്ന് അല്ലേ നീ പറഞ്ഞെ?? പിന്നെ ആരാ സഞ്ജയ്‌??”

♥️♥️♥️♥️♥️♥️

നിർമ്മാല്യം
ക്‌ളൈമാക്‌സ്

Nirmmalyam climax| Author : Pravasi

Previous Part

♥️♥️♥️♥️♥️♥️

“കീർത്തിയേച്ചീ ഞാൻ പറഞ്ഞല്ലോ സഞ്ജയ് എന്ന് പറഞ്ഞത് അവളുടെ റിലേറ്റിവ് തന്നെ ആയിരുന്നു….”

കൂടുതൽ പറയും മുമ്പ് ഫ്‌ളൈറ്റ് ലാൻഡ് ചെയ്യാൻ താഴ്ന്നു… അതോടെ മാളുപേടിച്ചു കരയാൻ തുടങ്ങി…

“വേണ്ടെടാ… ബാക്കി എല്ലാം ഫോൺ ചെയ്തു പറഞ്ഞു തന്നാ മതി ഒഴിവ് പോലെ തിരക്ക് കൂട്ടി ആ മൂഡ് കളയണ്ട…”

അല്പം കഴിഞ്ഞു ഫ്‌ളൈറ്റ് ലാൻഡ് ചെയ്തു….. ഫാമിലി ആയത്കൊണ്ട് കീർത്തിയേച്ചി ആദ്യമേ പുറത്തിറങ്ങി….

ക്ലിയറൻസ് കഴിഞ്ഞു പുറത്ത് ഇറങ്ങുമ്പോൾ പക്ഷെ കീർത്തിയേച്ചി കാത്ത് നിൽപ്പുണ്ട്… എന്നെ കണ്ടതും ഒരു ചെറിയ ബോക്സ് നേരെ നീട്ടി…

“ഒരു കൊച്ച് ഗിഫ്റ്റ് എന്റെ വക….”

“അയ്യേ… എനിക്കൊന്നും വേണ്ട…”

“ഉവ്വടാ പൊട്ടാ.. ആരാ പറഞ്ഞെ ഇത് നിനക്കാ എന്ന്??? ഇത് റിതൂവിന് ആണ്… എനിക്കുറപ്പുണ്ട് നിന്നെസ്വന്തമാക്കാൻ കാത്തിരിക്കുന്നുണ്ടാവും അവൾ… അങ്ങനെ നിങ്ങൾ ഒന്നാവുമ്പോൾ എന്റെ സമ്മാനം ആവട്ടെ ആദ്യത്തേത്…”

ബലമായി അതെന്റെ കയ്യിൽ പിടിപ്പിച്ച ശേഷം ഞങ്ങളൊരുമിച്ച് ലഗേജ് കളക്ട് ചെയ്യാൻ പോയി…

ഡോമസ്റ്റിക്ക് പാസഞ്ചേഴ്സ്സ് നോടുള്ള അവഗണന വ്യക്തമായി മനസിലാവും ഒറ്റ ബാഗ് പോലും എത്തിയിട്ടില്ല…

“അത് വരുമ്പോൾ വരട്ടെ നീ പറയ് സഞ്ജയ്‌ ആയിട്ട് എന്തുണ്ടായി എന്ന്….”

“അത്.. ഇപ്പോൾ വേണാ???”

“പറ്റാവുന്നിടത്തോളം പറയെടാ.”

“മ്മ്…”

ഞാൻ പറഞ്ഞു തുടങ്ങി…

♥️♥️♥️♥️♥️