നിർമ്മാല്യം – 5 (അപ്പൂസ്) 2274

അങ്ങനെ കിടന്നുകൊണ്ടവളുടെ ചുണ്ടുകൾ എന്റെ ചുണ്ടിലേക്ക് വീണ്ടും അടുത്തു…

അല്പം ബലമായി തന്നെ അവളുടെ ചുണ്ടുകൾ ഏതാനും നിമിഷങ്ങളിലേക്ക് എന്റെ ചുണ്ടുകൾ വിഴുങ്ങി…. അവളെ എതിർക്കാൻ മറന്നു ഞാനും ഏതാനും നിമിഷങ്ങൾ കിടന്നു….

എന്നോടുള്ള ഏട്ടന്റെ വാക്കുകൾ എല്ലാം മനസിലേക്ക് വന്നു…. അവരെ ചതിക്കാൻ മനസ്സ് അനുവദിക്കാത്ത പോലെ…. ഏറെ വേദനയോടെയെങ്കിലും ഞാനവളുടെ മുഖം പിടിച്ചു മാറ്റി….

“സോറിഡാ…..”

ഞാനവളെ തടഞ്ഞെന്ന് തോന്നി അവൾ ബെഡിൽ നിന്ന് എണീക്കാൻ ശ്രമിച്ചു…. പക്ഷെ ഞാനവളെ പിടിച്ചു എന്റെ കൈ വിരിച്ചു അതിനുള്ളിൽ കിടത്തി എന്നോട് ചേർത്തു പിടിച്ചു…

കുറെയേറെ നേരം ഞങ്ങളെങ്ങനെ നിശബ്ദരായി കിടന്നു…

“അന്ന് നീ അഞ്ജന്യോട് ഇഷ്ടാന്നു പർഞ്ഞില്ലേ അന്നേ മുതലൊരു വേദന്യാർന്നുടാ ഉള്ളില്… അതങ്ങനെ വളർന്നു… നമ്മടെ എക്സാം കഴ്ഞ് കൊറച്ചൂസം കാണാണ്ടിര്നില്ല്യേ… അന്നൊക്കെ നിന്നെ കുറിച്ച്ചെന്യാ ഞാനോർത്തോണ്ടിര്ന്നേ…”

അവളൊന്നു നിറുത്തി എന്റെ നെഞ്ചോട് അല്പം കൂടി പറ്റി ചേർന്നു കിടന്നു….

“അന്ന് ബർത്ത്ഡേക്ക് നീ പോയ്‌പ്പോ ആലോയ്ച്ച് വട്ട് പിടിക്കണ പോലാര്ന്നു… ആ നിമിഷങ്ങളീ എന്ക്ക് ഒറപ്പായി… നിന്നോട് എനിക്ക് വേറെന്തൊ ഇഷ്ടാന്നു…”

അവളൊന്നു നിറുത്തിയാ ശേഷം തലയുയർത്തി എന്റെ മുഖത്തേക്ക് നോക്കിയവൾ പറഞ്ഞു….

“സംടൈമ്സ്….. സംടൈംസ്… ഐയാം ലവിങ് യു….”

ഒരിക്കൽ ഞാനേറെ കേൾക്കാൻ ആഗ്രഹിച്ച വാക്കുകൾ…. നെഞ്ചിലൊരു കുളിർകാറ്റ് പോലെ… അറിയാതെ എന്റെ കൈകൾ അവളെ ചുറ്റി അവളുടെ പുറത്തു കൂടെയും തലമുടികളിലും തഴുകി….

ഇനിയും ഒളിക്കാനാവില്ല എന്നുറച്ചുകൊണ്ട് അവളോട് തിരിച്ചും പറയാൻ വാ തുറന്നതും അവള് വീണ്ടും സംസാരിച്ചു തുടങ്ങി…

“പക്ഷെ ഞാമ്പറ്യാമ്പോവാ അവ്നോട്‌ നീ പർഞ്ഞത് പോലെ യെസ്ന്നു…. അതവനെ ഇഷ്ടായോണ്ടല്ല…. നിന്നേം നിൻ്റെ ഇഷ്ടോം… അത്പോലെ അച്ഛൻ… അമ്മ…. ഏട്ടൻ… എല്ലാര്ക്കും നിന്നേം ഒത്തിരി ഇഷ്ടാ…. വിശ്വാസാ… അത് കാത്ത് സൂക്ഷിക്കണങ്ങെ നിന്നെ പഴേ പോലെ റിഷ്യായി കണ്ടേ പറ്റൂ… അതോണ്ടാ… അയ്ന് ഇത്തിരി നാള്ക്ക് എങ്കിലും അവൻ വേണം….”

അവളത് പറഞ്ഞു പൂർത്തിയാക്കും മുൻപേ ആ കണ്ണുകൾ നിറഞ്ഞൊഴുകി എന്റെ ഷർട്ടിനെ നനക്കാൻ തുടങ്ങി….

പറയാൻ വന്നതെല്ലാം മറന്നു ഞാനവളെ പുറത്തുകൂടെ തഴുകി ആശ്വസിപ്പിച്ചു….

“ഇന്നോരൂസം പോണ വരെ ഞാങ്കെടന്നോട്രാ നിൻ്റെ ചൂട് പറ്റി???”