നിർഭയം 4 [AK] 331

രാത്രി കിടന്നപ്പോഴും എനിക്ക് ഉറങ്ങാൻ സാധിക്കുന്നുണ്ടായിരുന്നില്ല… എന്തൊക്കെയോ ഒരു അസ്വസ്ഥത ബാധിക്കുന്നത് പോലെ… കുറെ നേരം തിരിഞ്ഞും മറിഞ്ഞും കിടന്നു… എന്നാൽ പെട്ടെന്നായിരുന്നു നോട്ടിഫിക്കേഷൻ ലൈറ്റ് തെളിഞ്ഞു കാണുന്ന മൊബൈൽ ഫോൺ ശ്രദ്ധയിൽ പെടുന്നത്…. ഓ ഫോൺ സൈലന്റ് ആയിരുന്നല്ലോ…

പെട്ടെന്ന് തന്നെ ഞാൻ കട്ടിലിൽ നിന്നും എണീറ്റു മേശക്കരികിലേക്ക് നടന്നു… കുറെ മിസ്സ്ഡ് കാൾസ് കാണുന്നുണ്ട്…

ആ… ദാണ്ടേ കിടക്കുന്നു…എവിടെയാണെന്ന് ചിന്തിച്ചേ ള്ളൂ… വന്നിട്ടുണ്ട്… മൊബൈൽ കമ്പനി വിളിച്ചിട്ടുണ്ട്… മുടങ്ങാതെ ദിവസവും രണ്ടു വട്ടം വിളിക്കാറുണ്ട്… ഇന്നെന്താ വിളിക്കാത്തെ ന്ന് കരുതിയതാ… സൈലന്റ് ആയിരുന്നല്ലോ…

പെട്ടെന്നാണ് unknown നമ്പറിൽ നിന്നുമുള്ള ഒരു മെസ്സേജ് ശ്രദ്ധയിൽ പെട്ടത്… ഒരു സംശയത്തോട് കൂടിയായിരുന്നു അത്‌ തുറന്നു നോക്കിയത്..

“Old Godown,.. Airport road…I’am in trouble..”
-ikka

പിന്നീട് രണ്ടാമതൊന്നും ആലോചിക്കേണ്ടി വന്നില്ല… കാരണം അത്‌ അയച്ചത് ഇക്കയായിരുന്നു… കേരള പോലീസ് ഇന്നേ വരെ കണ്ടതിൽ വെച്ച ഒരൊന്നൊന്നര പുലിക്കുട്ടി… അഭിമാനമായിരുന്നു ജുനൈദിക്ക…. സ്വന്തം സീനിയർ ആണെന്ന് മറ്റുള്ളവർക്ക് മുന്നിൽ തുറന്ന് പറയാൻ… പക്ഷെ… ഇക്കാക്കെന്തു പറ്റി എന്നത് എന്നെ അസ്വസ്ഥമാക്കികൊണ്ടിരുന്നു… അത്ര അത്യാവശ്യമല്ലാതെ ഇക്ക ഈ മെസ്സേജ് അയക്കില്ലെന്നത് എന്നിലെ ഭീതി കൂട്ടികൊണ്ടിരുന്നു.. ഒരു മണിക്കൂർ ആയിരിക്കുന്നു മെസ്സേജ് അയച്ചുകഴിഞ്ഞിട്ട്.. .. വേഗം തന്നെ ബൈക്ക് എടുത്ത് നന്ദന്റെ വീട്ടിലേക്ക് വിട്ടു…

നീട്ടി ഹോണടിക്കുമ്പോൾ അവന്റെ വീട്ടുകാർ മുഴുവൻ ഉണരുമെന്നൊന്നും ചിന്തിക്കാനായിരുന്നില്ല… ഇക്കക്കെന്തോ അപകടം പറ്റിയെന്ന് മനസ്സുപറഞ്ഞു കൊണ്ടിരുന്നു…