നിർഭയം 3 [AK] 360

“മ്മ് “… അതിനയാൾ ഒന്ന് അമർത്തിമൂളി…

“ന്താ നിന്റെ പേര്..”

“അഹമ്മദ് എന്നാണ്…”

“അഹമ്മദ്… കൊള്ളാം… ഹഹ… അപ്പൊ തുടങ്ങിക്കോ.. അകത്തുള്ള ആ ശവം അപ്പുറത്തേക്ക് എത്തിച്ചേക്ക്.. അതാണ് മറവു ചെയ്യാറുള്ള സ്ഥലം..”

സൈഡിലായി ഒരു ഇരുമ്പ് ഡോർ ചൂണ്ടികാണിച്ചു കൊണ്ട് അയാൾ പറഞ്ഞു…

ഒരു ചിരിയോട് കൂടി തന്നെ അഹമ്മദ് മുറിക്കകത്തേക്ക് കയറി…കൂടെ രണ്ടു പേർ കൂടി വന്നു.. അകത്തു നഗ്നയായി ശരീരം മുഴുവൻ മുറിവിന്റെയും സിഗരറ്റിന്റെയും പാടുകളായി ഒരു യുവതിയുടെ മൃതദേഹം… ചുണ്ടുകളിൽ ക്രൂരതയുടെ പാടുകൾ അവശേഷിച്ചിട്ടുണ്ട്… അപ്പോഴായിരുന്നു അവൻ മറ്റു രണ്ടുപേരുടെയും സംസാരം കേട്ടത്..

“വല്ല കാര്യവുമുണ്ടോ ഈ പെണ്ണിന്… അനിയത്തീനെ പൊക്കാനാ ആശാൻ നോക്കിയേ… അവളെ ഫുൾ ടൈം കൂടെ കൂട്ടാൻ… കിളുന്തല്ലേ.. നല്ല മുതൽക്കൂട്ടാവുമായിരുന്നു…”

“അതിനെടേല് വലിഞ്ഞു കേറി സകലതും കാണിച്ചിട്ട്…അവസാനം പപ്പും പൂടേം ഇല്ലാതെ ഇങ്ങനെ കെടക്കണ കണ്ടോ…”

പെട്ടെന്ന് തന്നെ അവർ ആ ശരീരം എടുത്തു കഴിഞ്ഞിരുന്നു…അവനും അതിൽ പങ്കു ചേർന്നു.. ഗോഡൗണിനു ഒരു വശം കുറച്ചു മാറിയായി ഹൈവേ ആയിരുന്നെങ്കിൽ തൊട്ടടുത്തുതന്നെ മറു വശത്തായി ശ്മശാനമായിരുന്നു… കൂടുതലും അടുത്ത് തന്നെ കുഴിച്ചിട്ടതാണെന്ന് കണ്ടാൽ തന്നെ മനസ്സിലാവും… കുറച്ചു ദൂരെയായി ഒരു മതിലും..