“സാർ…”

ഒരു സംശയത്തോടെ രംഗമ്മ അയാളെ നോക്കിക്കൊണ്ട് നിൽക്കുന്നത് ശ്രദ്ധിച്ചുകൊണ്ടയാൾ തുടർന്നു…

“പുതിയ ഒരു കണ്ടെയ്നർ ഇന്ന് അതിർത്തി കടന്നെത്തും…അടുത്ത ആഴ്ച നഗരത്തിലെ നമ്മുടെ തന്നെ ഹോട്ടലിൽ വെച്ചാണ് ബിസിനസ്‌ ഡീൽ … സോ…”

രംഗമ്മ ചെറിയൊരു ചിരിയോട് കൂടി പറഞ്ഞു…

“അവളുമാരെ അധികം വില കിട്ടുന്ന ഉരുപ്പടികളാക്കി രംഗമ്മ ഏൽപ്പിക്കും സർ.. സാറ് ധൈര്യമായിട്ട് അവളുമാരെ ഏൽപ്പിച്ചാൽ മതി…”

അവളുടെ ശബ്ദം കേൾക്കുന്നുണ്ടെങ്കിലും അപ്പോഴും മറ്റുചില കണക്കുകൂട്ടലിലായിരുന്നു അവൻ…സ്വല്പനേരത്തെ ചിന്തയ്ക്കയവു വരുത്തിയതിനു ശേഷം അവൻ പതിയെ എഴുന്നേറ്റു..

“കാറിനുള്ളിൽ ഒരുത്തിയുണ്ട്… ബോധമില്ല… നിന്റെ കൂട്ടാളികളോട് എടുത്തകത്തിടാൻ പറ “

അവന്റെ ശബ്ദം കാതിൽ പതിഞ്ഞതും രംഗമ്മയുടെ ചുണ്ടുകളിൽ ചിരി വിടർന്നു…

അൽപനേരം കഴിഞ്ഞു തന്റെ കൂട്ടാളികൾ എടുത്തുകൊണ്ടു വരുന്ന പെൺകുട്ടിയെ കണ്ട് അവരുടെ കണ്ണുകൾ വിടർന്നു…

“ഇത്ര സുന്ദരിയോ സാർ…”

അത്ഭുതത്തോടെ അവളുടെ കണ്ണുകൾ വിടരുന്നതോടൊപ്പം തന്റെ കുടിലത മുഖത്ത് പ്രതിഫലിച്ചത് തടഞ്ഞുനിർത്താൻ അവൾക്കായില്ല… അത്‌ കണ്ടെന്നപോലെ തന്നെ അവൻ പറഞ്ഞു..

“നിന്റെ ചിന്ത എങ്ങോട്ടാണ് പോകുന്നതെന്ന് എനിക്ക് മനസ്സിലാകും രംഗമ്മ.. അവളെ വെച്ച് പണം വാരാമെന്ന തോന്നലുണ്ടെങ്കിൽ ഇപ്പോഴത് വേണ്ട… ഞാൻ പറയുന്നവർക്ക് മാത്രമുള്ളവളാണ് അവൾ… ഇന്ന് രാത്രി മുതൽ അവളുടെ വേദനകൾ തുടങ്ങും..”

അവന്റെ വാക്കുകളിൽ നിന്നുള്ള നിരാശ കൈവിടാതെ തന്നെ രംഗമ്മ പറഞ്ഞു…

“സാറിന് ഇവളെ എവിടന്നു കിട്ടി…”