നിഴലായ് അരികെ – 19 [ ചെമ്പരത്തി ] 698

ബ്രേക്ക്ഫാസ്റ്റ് എല്ലാം കഴിഞ്ഞ് 10 മണിയോടെ കാർത്തിക എത്തിയപ്പോഴേക്കും ഇരുവരും പോകാൻ റെഡി ആയിരുന്നു….. കാർത്തിക പുറകിലും ആരെയും നന്ദനും മുൻപിലും ആയി യാത്ര തുടങ്ങി…..

ഏകദേശം മുക്കാൽ മണിക്കൂർ ഉള്ള ഓട്ടം, അവർ പലവഴിക്കും നിർത്തി ഒന്നരമണിക്കൂറോളം എടുത്താണ് അങ്ങ് എത്തിയത്

അന്ന് മഴക്ക് കുറെ ശമനം ഉണ്ടായിരുന്നു എങ്കിലും പ്രകൃതി ആകെ മൂടിക്കെട്ടി,ശോക ഭാവത്തിൽ തന്നെയായിരുന്നു  ഉണ്ടായിരുന്നത്…..

തലേ ദിവസം കനത്ത മഴ പെയ്തിരുന്നു എങ്കിലും വെള്ളച്ചാട്ടത്തിലേക്കുള്ള പ്രവേശനം ബ്ലോക്ക് ചെയ്തിട്ടില്ലായിരുന്നു……

വണ്ടി റോഡിന് പുറത്ത് ഒതുക്കിയിട്ട്  ടിക്കറ്റ് എടുത്ത ശേഷം അവർ മൂവരും കൂടി താഴേക്ക് നടന്നു….

വണ്ടിയിൽ നിന്ന് ഇറങ്ങിയപ്പോൾ തന്നെ കേൾക്കാമായിരുന്നു അലറി കരഞ്ഞു  ഒഴുകുന്ന പുഴയുടെ ശബ്ദം….

കാടിന്റെ വന്യതയിൽ സിമന്റ്‌ കട്ടകൾ പാകിയ നടവഴിയിൽ ആര്യയുടെ ഹീലുള്ള ചെരുപ്പിൽ ഉറച്ച പാദങ്ങൾ ഇടയ്ക്കിടയ്ക്ക് ഇടരുന്നുണ്ടായിരുന്നു…….

അപ്പോഴെല്ലാം അവൾ നന്ദന്റെ കയ്യിൽ ഇറുകെ പിടിച്ചു..,

അതിശക്തമായി വെള്ളം മുകളിൽ നിന്നും ചാടി ചിതറിത്തെറിക്കുന്നുണ്ടായിരുന്നു

വെളുത്തനിറത്തിൽ പതഞ്ഞൊഴുകുന്ന വെള്ളം കൂർത്ത പാറക്കെട്ടുകൾക്കിടയിലൂടെ പരിഭവം പറഞ്ഞു ഒഴുകി മറയുന്നുണ്ടായിരുന്നു….

കാഴ്ചക്കാർ ആയി അധികം ആൾക്കാർ ഒന്നുമുണ്ടായിരുന്നില്ല…… മഴക്കാലമായതിനാൽ ആകണം

ഗാർഡുകൾ അവിടവിടെയായി നിൽപ്പുണ്ടായിരുന്നു