നിഴലായ് അരികെ -11 [ചെമ്പരത്തി] 402

ഏറ്റവും പുറകിൽ നിന്നും ഒരു കോറസ് ഉയർന്നു…

“മക്കളെ നിങ്ങളുടെ സ്ഥിരം പരിപാടികൾ ഒന്നും വേണ്ടാ…… ഒരു സീരിയസ് വിഷയം  അറിയിക്കാൻ ആണ് നിങ്ങളെ ഇവിടെ വിളിച്ചു കൂട്ടിയത്……മിണ്ടാതിരുന്നാൽ പറയാം…  ”

അതോടെ ഏറെക്കുറെ എല്ലാവരും നിശബ്ദരായി…

“കഴിഞ്ഞ കുറച്ചു… ദിവസം ആയി ഇവിടെ,  അധ്യാപകർ തമ്മിൽ  ഉണ്ടായ അനാരോഗ്യകരം ആയ കുറച്ചു പ്രശ്നങ്ങൾ നിങ്ങളിൽ കുറെപ്പേരൊക്കെ അറിഞ്ഞിരിക്കുമല്ലോ…..അതിന്റെ തുടർച്ചയായി രണ്ടു പേരെ സസ്‌പെൻഡ് ചെയ്യേണ്ടി വന്നു….. ഇപ്പോൾ അത് മറ്റു രണ്ടുപേരുടെ  ഡിസ്മിസ്സലിലേക്കു വഴി തുറന്നിരിക്കുക ആണ്… അതോടൊപ്പം തന്നെ ചില നിയമനടപടികളിലേക്കും…..  പിന്നെ നന്ദൻ സാറിന്റെയും ആര്യ മിസ്സിന്റെയും  നിരപരാധിത്വം നിങ്ങളെ  ബോധ്യപ്പെടുത്തുന്നതിനു കൂടി ആണ് നിങ്ങളെ ഇവിടെ വിളിച്ചു കൂട്ടിയത്…

കഴിഞ്ഞ ദിവസം ഉണ്ടായ തെറ്റിദ്ധാരണാ ജനകം ആയ ഫോട്ടോസ് എടുത്തതും നോട്ടീസ് ബോർഡിൽ ഒട്ടിച്ചതും…ആര്യ മിസ്സിന്റെ ഫോട്ടോ എടുത്ത് ബ്ലാക്‌മെയ്ൽ ചെയ്യാൻ വേണ്ടി  മറ്റൊരാളെ ഏർപ്പാടാക്കിയതും നിർഭാഗ്യവശാൽ,  ഈ കോളേജിലെ തന്നെ അധ്യാപകൻ ആയ ഒരാൾ ആണ് അതിനെല്ലാം കൂടെ നിന്നതും കളമൊരുക്കിയതും  ഇവിടുത്തെ മറ്റൊരു സ്റ്റാഫ്‌ ആണ്….. ഇരുവരെയും  ഇന്നലെ രാത്രിയിൽ തന്നെ ടീച്ചറുടെ പരാതിയിൽ പോലീസ്അറസ്റ്റ് ചെയ്തു…. അതോടൊപ്പം തന്നെ മറ്റു ചില പരാതികളും ആ അധ്യാപകനെതിരെ ഉയർന്നു വന്നിട്ടുണ്ട്…..

ഇരുവരും മുൻവൈരാഗ്യത്തിന്റെ പേരിൽ ആണ് കുറ്റം ചെയ്തതെന്ന്   സമ്മതിച്ചു….   കുറ്റം സമ്മതിച്ചതിനാൽ അവരെ സെർവീസിൽ  നിന്നും പുറത്താക്കാൻ ഉള്ള നടപടികളിലേക്ക് നീങ്ങിക്കൊണ്ടിരിക്കുക ആണ്…. അതോടൊപ്പം തന്നെ അടുത്ത ദിവസം മുതൽ ആര്യ മിസ്സും നന്ദൻ സാറും തിരികെ  ജോലിയിൽ പ്രവേശിക്കുന്നതും ആയിരിക്കും….

ഒരു കാര്യം നിങ്ങൾ എപ്പോഴും ഓർക്കുക……