നിഴലായ് അരികെ -11 [ചെമ്പരത്തി] 401

“ആഹ്…….അത് കൊണ്ടല്ല അമ്മൂട്ടിയെ……നിന്റെ കയ്യിലിരുപ്പ് കണ്ടിട്ട് നാട്ടുകാർ പറയുന്നതാ….”

അവൾ, നന്ദൻ പറഞ്ഞത് മൈൻഡ് ആക്കാതെ മുഖം വീർപ്പിച്ചു വണ്ടിക്കരികിലേക്കു നടന്നു….ഇടയ്ക്കു അവൾ നന്ദന്റെ നേരെ തിരിഞ്ഞു കൊഞ്ഞനം കുത്തി കാണിക്കാനും മറന്നില്ല…..

“ഈ പെണ്ണിന്റൊരു കാര്യം…….”എന്ന് ഒരു ചെറു ചിരിയോടെ,പതിയെ പറഞ്ഞു കൊണ്ട് അവൻ അവൾക്കു പിന്നാലെ നടന്നു….

എന്നാൽ തലേ രാത്രിയിൽ പ്രസാദ് പറഞ്ഞ കാര്യം മനസ്സിൽ വന്നതും ആ ചിരി മാഞ്ഞു ക്രോധം നിറഞ്ഞു….

“എന്നെ കൊല്ലല്ലേ സാർ…..ടൂർ പ്രോഗ്രാമിനിടയിൽ എപ്പോഴെങ്കിലും ചാൻസ് ഉണ്ടാക്കി മാഡത്തിനെ അപകടപ്പെടുത്തണം എന്ന് ബോബി സാർ പറഞ്ഞു….കാര്യം നടന്നാൽ എനിക്ക് 3 ലക്ഷം രൂപ തരാം എന്നും പറഞ്ഞു…..പ്രാരാബ്ദം കാരണം ആണ് സാർ ഞാൻ അതേറ്റത്…..ടൂർ ഒന്നും വേണ്ടാ എന്ന് വച്ചിരുന്ന എന്നെ അയാൾ ആണ് പൈസയും തന്നു നിർബന്ധിച്ചു കൂടെ കൂട്ടിയത്….. പക്ഷെ ഞങ്ങൾക്ക് അവിടൊന്നും അങ്ങനെ ഒരു സാഹചര്യം കിട്ടിയില്ല…. മാം എന്തോ മൂഡോഫ് ആയിരുന്നു എല്ലാ ദിവസവും…. എവിടെപ്പോയാലും ഒരിടത്തെവിടെയെങ്കിലും ഇരിക്കുക മാത്രമേ ഉള്ളായിരുന്നു……. പക്ഷെ തിരിച്ചു കോളേജിൽ വന്നിറങ്ങിയിട്ടു വീട്ടിൽ പോകാൻ വേണ്ടി ഞാൻ ഇറങ്ങിയതാണ്…. അപ്പോൾ ആണ് ബോബി എന്നെ വിളിക്കുന്നത്‌……3 ലക്ഷം കിട്ടുമല്ലോ എന്നോർത്താണ് ഞാൻ അങ്ങോട്ട് വന്നത്…..പക്ഷെ ഞാൻ ഫോട്ടോ ഒന്നും എടുത്തിരുന്നില്ല…. അതിനു മുൻപേ മാം ഫോൺ കണ്ട് നിലവിളിച്ചു…

സർ… ദയവായി എന്നോട് ക്ഷമിക്കണം…..പൈസയുടെ കാര്യം കേട്ടപ്പോൾ എന്റെ കണ്ണ് മഞ്ഞളിച്ചു പോയി….. ഇത് കേസ് ആക്കരുത്….”??

************

നന്ദന്റെ വീട്ടിലെത്തിയ അവരെ വരവേറ്റത് ആകെ ശോകമൂകമായ അന്തരീക്ഷം ആയിരുന്നു……. അവരെ കണ്ടതെ വസുന്ധരാമ്മ കണ്ണുതുടച്ചു കൊണ്ട് കിച്ചണിലേക്കു നടന്നു…. നിറഞ്ഞ കണ്ണുകളുമായി എമിലി മുഖം തിരിച്ചു…..

ഫിലിപ് പ്രകാശിന്റെ തോളിൽ അമർത്തിപ്പിടിച്ചു മുഖം കുനിച്ചു സോഫയിൽ ഇരിപ്പുണ്ട്…..

എന്ത് സംഭവിച്ചു എന്നറിയാതെ ഇരുവരും വാതിൽക്കൽ തറഞ്ഞു നിന്നു……