നിഴലായ് അരികെ -11 [ചെമ്പരത്തി] 402

 

“അയ്യോ നന്ദേട്ടാ ചോര…… എന്താ പറ്റിയെ എവിടാ മുറിഞ്ഞേ……????? ”

 

വെപ്രാളത്തിൽ ചോദിച്ചു കൊണ്ട് അവൾ നന്ദന്റെ കാൽ പാദം പിടിച്ചുയർത്തി…..

 

“പേടിക്കാനില്ല അമ്മൂ….. ഗ്ലാസിൽ തട്ടിയതാ ചെറിയൊരു മുറിവേ ഉള്ളൂ…… അതിപ്പോ ചോര നിന്നോളും…..”

 

“മിണ്ടരുത് നീ…… ഇതാണോ ചെറിയ മുറിവ്..????

 

വാ ഹോസ്പിറ്റലിൽ പോകണം…. ”

 

“നീ ഒന്ന് പോയെ അമ്മൂ അതിനുള്ളതൊന്നും ഇല്ല…. ”

 

“നന്ദാ…. നിന്നോടാ വരാൻ പറഞ്ഞത്… ”

 

ആര്യയ്ക്ക് ദേഷ്യം വരാൻ തുടങ്ങി എന്ന് മനസിലാക്കിയ നന്ദൻ വേഗം എണീറ്റു പുറത്തേക്കു നടന്നു…. അവൾ വേഗം മുഖം കഴുകി മുടിയും ഒന്ന് ഒതുക്കി പുറത്തേക്കു നടന്നു….

 

“ഈശ്വരാ…. ഇതാണോ ചെറിയ മുറിവാണെന്നു നീ പറഞ്ഞത് നന്ദാ…. ”

സ്റ്റെപ്പിലേയും ഫ്ലോറിലെയും ചോരപ്പാടുകൾ കണ്ട് അവൾ നന്ദനോട് ചോദിച്ചു…..

 

അവൾ വേഗം കാറിന്റെ കീയും എടുത്ത് അവന്റെ പുറകെ ഓടിഎത്തി..

 

 

 

ഹോസ്പിറ്റലിൽ പോയിട്ട് മൂന്നു മൂന്നര മണിക്കൂർ കഴിഞ്ഞപ്പോഴേക്കും ഇരുവരും തിരിച്ചെത്തി…

 

നന്ദന്റെ കാലിലെ മുറിവിൽ നാല് സ്റ്റിച് ഇടേണ്ടി വന്നു….

 

തിരിചെത്തി നന്ദന്റെ വീട്ടിൽ കയറിയപ്പോൾ  നാല് പേരും സോഫയിൽ ഇരിപ്പുണ്ടായിരുന്നു….

 

അവർ അകത്തേക്ക് വരുന്നത് കണ്ട പ്രകാശ് പറഞ്ഞു…..

 

“രണ്ടു പേരും ഇരിക്ക്… കുറച്ചു കാര്യങ്ങൾ സംസാരിക്കാൻ ഉണ്ട്……”

 

നന്ദനും ആര്യയും എല്ലാവരെയും ഒന്ന് നോക്കിയിട്ട് അവിടെ ഇരുന്നു… എല്ലാവരുടെയും മുഖത്തു ഗൗരവം ആയിരുന്നു…..