നിഴലായ് അരികെ -11 [ചെമ്പരത്തി] 402

 

 

“നന്ദാ നിന്നോടാ പറഞ്ഞത്………. ”

 

അവർ പറഞ്ഞത് അവഗണിച്ചു  നന്ദൻ മുന്നോട്ട് നടന്നു.

 

ആര്യയുടെ വീടിന്റെ ഉള്ളിലേക്ക് കയറുമ്പോൾ തന്നെ നന്ദൻ കണ്ടു സോഫയിൽ ഇരുന്നു സംസാരിച്ചു കൊണ്ടിരിക്കുന്ന ഫിലിപ്പിനെയും എമിലിയെയും…..

 

അവനെ കണ്ടതും അവർ ചാടിയെണീറ്റു…..

 

“എന്താ നന്ദാ……??? ”

 

ഫിലിപ്പ് അവനോട് ചോദിച്ചു….

 

“എനിക്ക് അമ്മൂനെ  കാണണം….. ”

 

“അത് വേണ്ട മോനെ….. നീ ഇപ്പോൾ പോ…. ”

 

“നിങ്ങൾക്കും ഞങ്ങളെ വിശ്വാസമില്ലേ മമ്മി..???ഞങ്ങൾ അങ്ങനെ ചെയ്യും എന്ന് നിങ്ങളും വിശ്വസിച്ചല്ലോ…….എന്റെ അമ്മയെപ്പോലെ തന്നെ അല്ലെങ്കിൽ അതിലധികം ഞാൻ നിങ്ങളെ സ്നേഹിച്ചതല്ലേ…… ആ നിങ്ങൾ കൂടി…….. ”

 

സ്വരം ഇടറിയിട്ട് പറഞ്ഞു വന്നത് പൂർത്തിയാക്കാതെ അവൻ നിർത്തി….

 

അവരുടെ സംസാരം കേട്ട ആര്യ വാതിൽ തുറക്കാൻ നോക്കിയിട്ട് കഴിഞ്ഞില്ല…… അത് പുറമെ നിന്നു ലോക്ക് ചെയ്തിരുന്നു…….

 

“മമ്മി….. വാതിൽ തുറക്ക്….. വാതിൽ തുറക്കാൻ…. ”

 

ഡോറിൽ ഇടിക്കുന്നതു കേട്ടു മുകളിലേക്കു നോക്കിയ നന്ദൻ ഡോർ പൂട്ടിയിരിക്കുന്നതു കണ്ട് അങ്ങോട്ട് നടന്നു…..

 

“നന്ദാ നിന്നോടാ പറഞ്ഞത്….. ”

 

“അല്ല പപ്പാ……. പൂട്ടിയിട്ട് വളർത്താൻ അവളെന്താ വല്ല പട്ടിയോ കോഴിയോ  മറ്റോ ആണോ..??? ”

 

ഒരു പരിഹാസത്തോടെ അവരെ നോക്കി ചോദിച്ചിട്ട് നന്ദൻ സ്റ്റെപ്പിന് നേർക്കു നടന്നു…..

 

“അയ്യോ…. മോനെ ഇതെന്താ…??? ”

 

അവന്റെ കാലിൽ നിന്നു ഒഴുകുന്ന ചോര കണ്ടു എമിലി അവന്റെ കയ്യിൽ പിടിച്ചു….