നിഴലായ് അരികെ -11 [ചെമ്പരത്തി] 402

 

“ഇനി ഇതിന്റെ പേരിൽ അവളെ ആരെങ്കിലും വേദനിപ്പിച്ചു എന്ന് ഞാൻ അറിഞ്ഞാൽ…………………. ”

 

റൂമിൽ കയറി ഡോർ വലിച്ചടച്ച അവൻ കയ്യിൽ കിട്ടിയ കസേര ഡ്രസിങ് ടേബിളിന്റെ നേർക്കു വലിച്ചെറിഞ്ഞു…… ഡ്രസിങ് ടേബിളിന്റെ കണ്ണാടി പൊട്ടിച്ചിതറിയ ശബ്ദം വീടെങ്ങും മുഴങ്ങി……

 

 

 

*****************

 

 

 

 

“ക്ലാസ്സ്‌ എല്ലാം കഴിഞ്ഞതല്ലേ……. ഇനി കുറച്ചു നാൾ ഇവിടിരി…….മക്കൾക്ക് സ്വാതന്ത്ര്യം കുറച്ചധികം തന്നു ഞങ്ങൾ……. അപ്പോൾ അനുഭവിക്കാതെ വഴി ഇല്ലല്ലോ…… കോളേജിൽ വിളിച്ചു ലീവ് പറഞ്ഞിട്ട് നിന്റെ ഫോൺ ഇങ്ങു തന്നേരെ…… ഇനി കുറെ നാളത്തേക്ക് ഫോൺ വേണ്ട….. ”

 

ആര്യയെ വലിച്ചു റൂമിൽ കയറ്റിയിട്ടു എമിലി അവളോട് പറഞ്ഞു….

 

“മമ്മി…… ഒന്ന് പറയുന്നത് കേൾ……….”

 

“നിന്നോടല്ലേടീ ഒന്നും മിണ്ടണ്ടാ എന്ന് പറഞ്ഞത്…… ”

പുറകെ കയറി വന്ന ഫിലിപ്പിന്റെ അലർച്ച കേട്ടു അവൾ നിശബ്ദയായി……

ആദ്യമായി ആണ് പപ്പാ തന്നോട് ദേഷ്യപ്പെടുന്നത് എന്നോർത്തപ്പോൾ സങ്കടം അടക്കാൻ കഴിയാതെ അവൾ പൊട്ടിക്കരഞ്ഞു…..

 

 

“വിളിച്ചു ലീവ് പറയെടീ… ”

 

എമിലിയുടെ ഒച്ച ഉയർന്നത് കേട്ട് അവൾ വേഗം കോളേജിൽ വിളിച്ചു ലീവ് പറഞ്ഞു….കാൾ കട്ട് ചെയ്തു കയ്യിൽ പിടിച്ച ഫോൺ  എമിലി പിടിച്ചു മേടിച്ചു…..

 

“ഈ സാധനം ഇല്ലാതെ ജീവിക്കാൻ പറ്റുമോ എന്ന് ഞങ്ങൾ ഒന്ന് നോക്കട്ടെ….. ”

 

എന്തോ പറയാൻ ആഞ്ഞ അവൾ നിരാശയോടെ തല കുനിച്ചു ബെഡിലേക്കു ഇരുന്നു…..

 

“പിന്നെ ഒരു കാര്യം കൂടി……”

പുറത്തേക്കു നടക്കാൻ തുനിഞ്ഞ എമിലി തിരിഞ്ഞു നിന്നു……

 

“ഇനി ആ വിൻഡോ തുറക്കണ്ട……. മനസിലായില്ലേ……???? ”

 

നന്ദന്റെ റൂമിനു നേർക്ക് തുറക്കാൻ പറ്റുന്ന വിൻഡോ ചൂണ്ടി എമിലി കർക്കശമായി പറഞ്ഞു…..

ആര്യ തല കുനിച്ചു ഇരുന്നതല്ലാതെ ഒന്നും മിണ്ടിയില്ല….