നിഴലായ് അരികെ -11 [ചെമ്പരത്തി] 402

വീട്ടിലെ സാഹചര്യം സുഖമുള്ളതല്ല,എന്ന് നന്ദനും, ആര്യക്കും പിടികിട്ടി… പക്ഷെ അതിന്റെ കാരണം ഇരുവർക്കും അജ്ഞാതം ആയിരുന്നു….

നന്ദൻ, ആര്യയെ നോക്കി കണ്ണ് കൊണ്ട്, “എന്താണെന്നു ” ചോദിച്ചു….

‘ഞാൻ എങ്ങനെ അറിയാൻ ?? ‘എന്നുള്ള മട്ടിൽ ആര്യ അവനെ നോക്കി ചുണ്ട് പിളർത്തി.

നന്ദൻ പതിയെ സ്റ്റെയറിനടുത്തേക്കു നടന്നു…..

ഇപ്പോൾ മിണ്ടിയാൽ ശരിയാകില്ല എന്ന് തോന്നിയ ആര്യയും പതിയെ നന്ദന്റെ പുറകെ പോകാൻ ആഞ്ഞു….

“രണ്ടുപേരും അവിടൊന്നു നിന്നെ……. ”

ദേഷ്യത്തിൽ ഉള്ള പ്രകാശിന്റെ ശബ്ദം കേട്ട ഒന്ന് ഞെട്ടിയ ഇരുവരും തിരിഞ്ഞു നിന്നു…..

“എന്താ അച്ഛാ….?? “ചോദിച്ചതു ആര്യ ആണ്…

“ഇത്രയും നാൾ ഞങ്ങൾക്ക് ഒരു വിശ്വാസം ഉണ്ടായിരുന്നു, ഞങ്ങളുടെ മക്കൾ ഞങ്ങളോട് ഒന്നും മറച്ചു വെക്കില്ല എന്ന്……. അങ്ങനെ അല്ലെ നിങ്ങളെ ഇതുവരെ ഞങ്ങൾ കൊണ്ട് നടന്നത്…… നിങ്ങളുടെ മനസ്സിൽ എന്തെങ്കിലും ഉണ്ടെങ്കിൽ ഞങ്ങളോട് അല്ലെ ആദ്യം പറയേണ്ടിയിരുന്നത്……. നിങ്ങളുടെ ഒരാഗ്രഹത്തിനെങ്കിലും ഞങ്ങൾ എതിര് നിന്നിട്ടുണ്ടോ??????….. ഇതിപ്പോ കോളേജിലും നാട്ടിലും മൊത്തം പാട്ടായില്ലേ……ആരൊക്കെ എവിടുന്നൊക്കെയാ വിളിക്കുന്നെന്നു അറിയാമോ നിങ്ങൾക്ക്…….മറ്റുള്ളവരുടെ പരിഹാസം ആണ് ഇപ്പോൾ ഫോൺ എടുത്താൽ കേൾക്കുന്നത്…….അവസാനം നാട്ടുകാരെ പേടിച്ചു ഫോൺ ഓഫ്‌ ചെയ്യേണ്ട അവസ്ഥയിൽ എത്തി….. എങ്ങനെ ഞങ്ങളോട് ചെയ്യാൻ, ഞങ്ങൾ എന്ത് തെറ്റാണു നിങ്ങളോട് ചെയ്തത് എന്ന് ഒന്ന് പറയാമോ മക്കൾ…????

“അച്ഛാ……. നിങ്ങൾ എന്തറിഞ്ഞിട്ടാ ഞങ്ങളെ കുറ്റപ്പെടുത്തുന്നെ…… കഴിഞ്ഞ ദിവസം കോളേജിൽ നടന്ന സംഭവങ്ങൾ ചിലർ ഉണ്ടാക്കി എടുത്തതാണ്…… അവർക്കു അതിനുള്ളത് ഞങ്ങൾ കൊടുത്തിട്ടുണ്ട്…… പുറകെ നിയമ നടപടികളും…… അതിന്റ സത്യാവസ്ഥ കോളേജിലെ കുട്ടികളെ വിളിച്ചു കൂട്ടി പ്രിൻസിപ്പാൾ അറിയിച്ചിട്ടുണ്ട്…. അതിൽ കൂടുതൽ എന്ത് ചെയ്യാൻ കഴിയും…. നാട്ടുകാരുടെ വായ മൂടിക്കെട്ടാൻ കഴിയില്ലല്ലോ….. പിന്നെ………. “