നിഴലായ് അരികെ 11

Author : ചെമ്പരത്തി

[ Previous Part ]

 

 

ഡിസ്‌പ്ലേയിൽ തെളിഞ്ഞുവന്ന ‘ priya’s father ‘

എന്ന പേര് കണ്ട നന്ദന്റെ കൈ ഒന്ന് വിറച്ചു…….

 

ഒന്നാലോചിച്ചതിന് ശേഷം നന്ദൻ ഫോൺ അറ്റൻഡ് ചെയ്തു കാതോട് ചേർത്തു….

 

” ഹലോ…… ”

 

“മ്മ്മ്… മിസ്റ്റർ നന്ദൻ….. ഞാൻ  പ്രിയയുടെ അച്ഛൻ ആണ്….. ”

 

“മനസിലായി അച്ഛാ….. പറഞ്ഞോളൂ….. ”

 

“നന്ദൻ… നിങ്ങൾ എന്നെ അച്ഛാ എന്ന് വിളിച്ചത്, എന്റെ മകളുടെ അധ്യാപകൻ എന്ന നിലയിൽ ആണെങ്കിൽ ഓക്കേ….. അതല്ല, എന്റെ മകളെ വിവാഹം കഴിക്കാൻ പോകുന്നവൻ എന്ന അർത്ഥത്തിൽ ആണെങ്കിൽ അത് വേണ്ട……. ”

 

“സോറി…… എനിക്ക് മനസിലായില്ല…… ”

 

“മനസിലാക്കാൻ പ്രത്യേകിച്ച് ഒന്നുമില്ല…… ?? നിങ്ങളുമായി ഉള്ള വിവാഹത്തിന് ഞങ്ങൾക്ക് താല്പര്യം ഇല്ല…… അത്രതന്നെ….. ”

 

“അതിന്റ കാരണം പറയൂ…. പിന്നെ താല്പര്യം ഇല്ല എന്ന്  നിങ്ങൾ അല്ലല്ലോ പറയേണ്ടത്……..പ്രിയ അല്ലെ….. ”

 

“അവളുടെ അച്ഛൻ ആയ ഞാൻ അല്ലാതെ പിന്നെ ആരാണ് പറയേണ്ടത്….?????എന്റെ മോൾക്ക്‌ നിങ്ങളെ വിവാഹം കഴിക്കാൻ താല്പര്യം ഇല്ല …… ”

 

“അച്ഛാ… ഇങ്ങ് തരൂ ഞാൻ സംസാരിക്കാം…… ”

പ്രിയയുടെ ശബ്ദം നന്ദൻ കേട്ടു…..

 

“ഹലോ സർ…… പ്രിയ ആണ്….. ”

 

ആ  വാക്കുകളിൽ  നിന്ന് തന്നെ അവരുടെ ഇടയിൽ വന്ന അകലം നന്ദന് മനസ്സിലായിരുന്നു……..

 

“എന്ത് പറ്റി പ്രിയാ????.. അച്ഛൻ എന്താ ഇങ്ങനൊക്കെ പറയുന്നേ??… നിങ്ങൾ എവിടാണ്…? “നന്ദന്റെ സ്വരം സൗമ്യമായിരുന്നു…..

 

“അച്ഛനെ ഞാൻ വിളിച്ചു വരുത്തിയതാണ്…..എന്നെ കൂട്ടിക്കൊണ്ട് പോകാൻ ……… കല്ല്യാണം ഉറപ്പിച്ചയാളുടെ ലീലാ വിലാസങ്ങൾ കാരണം കോളേജിൽ തലയുയർത്താൻ പറ്റാതായി…..ഇപ്പൊ സസ്പെന്ഷനും കിട്ടിയല്ലോ വൈകാതെ രണ്ടുപേരെയും പുറത്താക്കുകയും ചെയ്യും…..ഞാൻ വീട്ടിലേക്കു പോകുവാ…….