നിഴലായ്‌ 5 [Menz] 97

 എന്ന വാ പോകാം ഇവിടെ  ഉള്ളതെല്ലാം  ആ  ഗൗളിടെ കയ്യിൽ കാണും …ഞാൻ പോയി ചോദിക്കട്ടെ.      കിച്ചു.   കാശിക്കു മുൻപിൽ  കേറി നടന്നു…

 

കിച്ചു  അടുക്കളയിലേക്കും  കാശി  പൂജാമുറിയിലേക്കും  കയറി….

 

എന്തേ എന്തേലും കിട്ടിയോ..? അല്ലിയുടെ മുറിയിൽ നിന്നും..സഞ്ജയൻ ചോദിച്ചു…

 

ഉവ്വ് നമ്മൾ ഇത്ര നാളും നോക്കിയിട്ടും കാണാത്ത ഒന്നു…കാശി ആ ബോക്സ്  സഞ്ചയന്റെ മുന്നിൽ വെച്ചു…..

 

മ്മ്മം…ഞാൻ പറഞ്ഞില്ലേ അല്ലി അവളും   അച്ഛനിൽ നിന്നു പല വിദ്യയും  പഠിച്ചതാണ്….

അവൾ അത് മറച്ചു വെച്ചിട്ടാണ് പടി ഇറങ്ങിയത്…..ഒരു പക്ഷെ അവൾക് അറിയാം ആയിരിക്കും  ഒരു നാൾ അവളുടെ മകൻ ഇവിടെ വരും എന്ന്….. സഞ്ജയൻ പറഞ്ഞു.

 

അതേയ് കിച്ചു വിന്റെ സാന്നിധ്യത്തിൽ മാത്രമാണ് ഇവിടെ പലതും നടക്കുന്നത് അമ്മാവാ….നല്ലത് പലതും.   

 

അങ്ങനെ വരൂ. കാരണം അവനിൽ കുടികൊള്ളുന്നത് സക്ഷാൽ അനന്തൻ  ആണ്… നിനക്ക് അവൻ എന്നും  തുണ ആയിരിക്കും…അതാണ് അവന്റെ ജന്മലക്ഷ്യം തന്നെ. .    മരിച്ച ആ കുട്ടി ഇല്ലേ..(.ദേവ്?)  അവന്റെ മരണം പോലും എഴുത്പ്പെട്ടിരുന്നു  അതും ഒരു നിയോഗമാണ് കിരൺ അവന്റെ  അമ്മ വിട്ടിലേക് എത്തിച്ചേരാൻ…..

 

ദേവിനെ ഓർത്തു ഒരു നിമിഷം കാശിയുടെ കണ്ണുകൾ നിറഞ്ഞു…..,

 അപ്പൊ അമ്മാവാ  കിച്ചു വിനു ഇപ്പോഴും ഒന്നും അറിയില്ല എന്താണ് സംഭവിച്ചത് എന്നോ സംഭവിക്കുന്നത് എന്നോ അത് ഗുണത്തെക്കാൾ ഏറെ ദോഷം ചെയ്യും അവനു….എനിക്കും അറിയണം കുറെ കാര്യങ്ങൾ……അല്ലിചെറിയമ്മയുടെ  കാര്യം വരെ എനിക് അറിയൂ….പിന്നെ ഒരു പെണ്ണ് ഇവിടേക്കു വരാൻ ഉണ്ടെന്നും…..കാശി മടിച്ചു മടിച്ച് പറഞ്ഞു…….

 

മോനെ  എല്ലാം നിങ്ങൾ അറിയണം അതിനു കാലമായി…. കാവിലെ വിളക്കിനു നാള് കുറിച്ചോളൂ…… അന്ന് നിങ്ങളെ എല്ലാം അറിയിക്കാം   

പിന്നെ നീ  പറഞ്ഞത് പോലെ  ഏതെങ്കിലും ഒരു  പെണ്കുട്ടി അല്ല വരേണ്ടത്    മനയ്ക്കൽ മനയിലെ  ദേവി രൂപം ഉള്ളവൾ….  അവൾ ആണ്  ആദി യും  അവസാനവും….

 

കുറെ നാൾ ആയി കേട്ടു കൊണ്ടിരിക്കുന്ന കാര്യ മാണെങ്കിലും കാശിയുടെ ഉള്ളം അവളെ ഒന്നു കാണാൻ തുടിച്ചു….

 

ഈ പെട്ടി അത് കാവിലെ പൂജക് തുറക്കാം അതുവരെ ക്ഷമ ഉണ്ടാവില്ലേ  കാശിനാഥന്…?സഞ്ജയന്റെ  ഗാംഭീര്യം നിറഞ്ഞ ശബ്‌ദം അവനെ ചില ഓർമ്മകളിൽ നിന്നും ഉണർത്തി…

 

ഉവ്വ്  …അമ്മാവാ….പറഞ്ഞു കൊണ്ട് കാശി  എഴുന്നേറ്റു…..

പുറത്തേക് ഇറങ്ങി.    കിച്ചുവിന്റെ ശബ്‌ദം കേൾക്കാം അകതളത്തിൽ നിന്നും  വേറെ ഒന്നും അല്ല  ഗൗരി യുമായി.    ജിമിക്കി കമലിന് അടിവെക്കുവാ….പൊട്ടൻ….