നിഴലായ്‌ 5 [Menz] 97

ഗൗരി പൊക്കോളൂ…സഞ്ജയൻ പറഞ്ഞു.

മ്മ്മം  അവൾ ഒന്നു മൂളികൊണ്ട് അകത്തേക്കു വലിഞ്ഞു .

എന്തേ കാശിയുടെ മുഖത്തോരുതെളിച്ചം.

ഉദയം ഇന്നിവിടെ ആയിരുന്നോ….അമ്മാവൻ കളിപറഞ്ഞതുപോലെ  ചിരിച്ചു..

ഹേയ് ….വെപ്രാളപ്പെട്ടു രാവിലെ കുളമാകണ്ട

സമയമാകുമ്പോൾ  എല്ലാം നടക്കും..സഞ്ജയൻ അർത്ഥം വെച്ചു പറഞ്ഞു.

പിന്നെ കാവിലെ പൂജ നാളെ കഴിഞ്ഞു അല്ലെ 

കാര്യങ്ങൾ എല്ലാം നന്നായി നടക്കണം…

അതിനു മുൻപ് കിച്ചുവിനെ വളർത്തിയവർ ഇല്ലേ അവന്റെ  അച്ഛനും അമ്മയും ആയി നിന്നു അവരെ കാണാൻ പറ്റുമെങ്കിൽ അതു ചെയ്യുക ഇല്ലെങ്കിൽ മറ്റെന്തെങ്കിലും മാർഗം വഴി കാര്യങ്ങൾ ധരിപ്പിക്കുക ..അവരെ നമ്മൾ അവഗണികാൻ പാടില്ല  .ഇനി ആരുടെയും കണ്ണുനീരും ശാപവും നമുക്കു വേണ്ട .

അതുപോലെ  ദേവിന്റെ വീട്ടിലും പോണം…മറക്കരുത്…..സഞ്ജയൻ കാശിയോട് പറഞ്ഞു കൊണ്ട്  പൂജ റൂമിലേക് തന്നെ പോയി 

പെട്ടന്ന് തിരിഞ്ഞ് നിന്നു പറഞ്ഞു.

കാശി…അധികം കറക്കം വേണ്ട കാളി മനയിലേക്  അതും രാത്രി..അവന്റെ കണ്ണു എപ്പോഴും കെട്ടാൻ പറ്റില്ല..    സൂക്ഷികണം മോനെ…നമ്മൾ തുടങ്ങിയിട്ടേ ഒള്ളു…കിച്ചു ഇപ്പോഴും ഒന്നും അറിയാതെ ആണ് ഓരോന്നു ചെയുന്നത് അത് അപകടം വരുത്തി വെക്കും. സഞ്ജയൻ കാശിയുടെ തോളിൽ തട്ടിക്കൊണ്ട് പറഞ്ഞു.

അറിഞ്ഞു അല്ലെ..? കാശി കള്ളം കണ്ടുപിടിച്ച കുട്ടിയെ പോലെ നിന്നു ചോദിച്ചു…

ഉവ്വ്… അറിഞ്ഞു… മനക്കലെ പൂജാമുറിയിൽ അങ്ങനെയും കുറെ കാര്യങ്ങൾ ഉണ്ട് കാശികുട്ട…അറിയില്ലേ  കുട്ടിക്ക് ….