നിയോഗം 3 The Fate Of Angels Part IX ( മാലാഖയുടെ കാമുകൻ) 3092

അയാൾ ശ്വാസം വലിക്കാൻ ശ്രമിച്ചു എങ്കിലും നടന്നില്ല.. ശ്വാസകോശം പൊട്ടി വല്ലാത്തൊരു ശബ്ദം അയാളിൽ നിന്നും വന്നിരുന്നു..

മുട്ടുകുത്തി ഇരുന്ന അയാളുടെ തല അവൻ പിടിച്ചു.. അവന്റെ കണ്ണിൽ നോക്കി..

“ഗുഡ്ബൈ…”

അത് പറഞ്ഞ ഉടനെ അവന്റെ മുഷ്ടി അയാളുടെ മുഖം അങ്ങനെ തകർത്തു ഉള്ളിൽ കയറി.. അവൻ കൈ വലിച്ചപ്പോൾ ചോര ചീറ്റിക്കൊണ്ടു അവൻ പുറകിലേക്ക് വീണു..

നെഞ്ചിന് നേരെ ഒരു വാൾ പാഞ്ഞു വരുന്നത് കണ്ടു.. അവൻ വേഗത്തിൽ താഴേക്ക് ഇരുന്നു.. വെട്ടു കൊണ്ടില്ല..

മന്ത്രവാദിനി…

അവൾ അലറിക്കൊണ്ട് വീണ്ടും ആഞ്ഞു വെട്ടി… അവൻ ഒരു വാളെടുത്തു കുറുകെ പിടിച്ചു…

“ആഹ്ഹ്ഹ്……!”

അവന്റെ വേദന നിറഞ്ഞ ശബ്ദം…. ആ വാളിന്റെ ഉള്ളിൽ കൂടെ കടന്ന് അവന്റെ നെഞ്ചിൽ ഒരു മുറിവ് ഉണ്ടാക്കിയിരുന്നു അവളുടെ വാൾ… അതെങ്ങനെ എന്ന് അവനു മനസിലായില്ല..

അവൻ ആ വാൾ എടുത്തു അവളെ ആഞ്ഞു വെട്ടി.. അവൾ അവളുടെ വാൾ കൊണ്ട് അത് തടുത്തു.. പുഞ്ചിരിയോടെ അവൾ അവനെ നോക്കി..

“കൊച്ചു കുട്ടിയാണ് നീ…”

അവൾ അവന്റെ കവിളിൽ തട്ടി..

അവൻ വീണ്ടും വാളെടുത്തു അവളെ കുത്തി.. അവളുടെ ശരീരം കടന്നു വാൾ അകത്തേക്ക് പോയി എങ്കിലും അവൾ ചിരിച്ചുകൊണ്ട് നിന്നു..

അവൻ ആകെ പകച്ചു.. അവൾ കൈ നിവർത്തി ആഞ്ഞൊരു അടി അടിച്ചു..

അവൻ ഇടത്തെ കൈ വച്ച് തടഞ്ഞു എങ്കിലും ആ കൈ കടന്നു വന്ന അടി അവന്റെ മുഖം അടച്ചാണ് കിട്ടിയത്…

ശക്തമായ ആ അടിയിൽ അവൻ വീണുപോയി.. അവൾ വല്ലാത്തൊരു കഴിവ് ഉള്ളവൾ ആണെന്ന് അവൻ മനസിലാക്കി..

“വാട്ട് ദി ഹെൽ ആർ യു ഫക്കിങ് വിച്ച്….”

അവൻ ചാടി എഴുന്നേറ്റ് അവരെ ആക്രമിച്ചു എങ്കിലും ഒന്നും അവരുടെ ദേഹത്ത് കൊണ്ടില്ല.. അവരുടെ ശരീരം ഒരു മായാ പോലെ ആയിരുന്നു… എന്നാൽ അവളുടെ അടി വീണ്ടും അവന് കൊണ്ടു..