നിയോഗം 3 The Fate Of Angels Part IX ( മാലാഖയുടെ കാമുകൻ) 3092

അതോടെ സ്കാർലെറ്റിന്റെ കണ്ണുകൾ മറിഞ്ഞു പോകുന്നതും അവൾ പുറകിലേക്ക് വീഴുന്നതും കണ്ടു റോഷൻ അമ്പരന്നു..

പുറകിൽ ഒരു ചിരി മുഴങ്ങി.. അവൻ തിരിഞ്ഞു നോക്കി.. കിംഗ്..
അയാൾ വേദനയിലും കിടന്നു ചിരിക്കുന്നു.. പടയാളികൾ നിമിഷ നേരം കൊണ്ട് റോഷനെ ചുറ്റി കൂടി..

അവൻ കൈനീട്ടി, ക്രേത്തിന് വേണ്ടി. ഇല്ല.. വരുന്നില്ല…

“വരില്ല.. നി.. നിന്റെ.. ആയുധം.. വരില്ല.. വേറെ ഒരു രത്‌നം ആണ് ഞാൻ.. ഇപ്പോൾ ആക്ടിവെറ്റ് ചെയ്തത്.. ശക്തമായ ഒന്ന്… നീ.. മരിക്കും… കിൽ ഹിം…..”

കിംഗ് നെഞ്ച് പൊത്തിപിടിച്ചു അലറിയപ്പോൾ അയാളുടെ വായിൽ നിന്നും ചോര ചാടി.. ഞെട്ടലോടെയാണ് റോഷൻ അത് കേട്ടത്.. വേറെ ഒരു രത്‌നം?

ഒരു നിമിഷം പകച്ചുപോയ അവൻ ശക്തമായ അടി കിട്ടി തെറിച്ചു ദൂരേക്ക് വീണു.. അലറിക്കൊണ്ട് ഓടി അടുക്കുന്ന റെപ്റ്റില്ല്യൻസ്…

അതിൽ ഒരാൾ വാൾ ഉയർത്തി സ്കാർലെറ്റിനെ ആഞ്ഞു വെട്ടുന്നത് അവൻ കണ്ടു.. അപ്പോഴേക്കും അവനെ എല്ലാവരും പൊതിഞ്ഞിരുന്നു…

സ്കാർലെറ്റ് ആ വെട്ട് അവളുടെ ചിറകുകൾ വച്ച് സ്വയം പൊതിഞ്ഞു പിടിച്ചിരുന്നു.. ചിറകിൽ അടിച്ചു വാൾ പൊട്ടി രണ്ടുഭാഗമായി തെറിച്ചു പോയി..

റോഷൻ തന്റെ നേരെ ചാടിയ ഒരാളുടെ നെഞ്ചിൽ ചവുട്ടി തെറിപ്പിച്ചു.. ഒന്ന് കാലു വീശി വട്ടം കറങ്ങി അവൻ എഴുന്നേറ്റ് നിന്നു..

നെഞ്ചിന് നേരെ വന്ന വാളിൽ നിന്നും ഒഴിഞ്ഞു മാറി അതുവച്ചു വെട്ടിയവനെ നെഞ്ചിൽ ശക്തമായ ഒരു പഞ്ച് കൊടുത്തു.. അവൻ നെഞ്ച് പൊത്തി പിടിച്ചു നിലത്തേക്ക് വീണു..

ചാടി കറങ്ങി കാലു വീശി അടിച്ചതിന്റെ ഒപ്പം അവൻ പഞ്ച് ചെയ്തു ഒരുത്തന്റെ മുഖം തകർത്തു.. ഡയറക്റ്റ് പഞ്ചുകൾ..