നിയോഗം Climax (മാലാഖയുടെ കാമുകൻ) 1356

നിയോഗം ക്ലൈമാക്‌സ്

View post on imgur.com

ആ വെളുത്ത കൈകളും, കറുത്ത മുടിയും ഒക്കെ കണ്ടപ്പോൾ മീനുവിനെ ആണ് എനിക്ക് ഓർമ വന്നത്…

അവളുടെ കരച്ചിൽ എന്റെ ചെവിയിൽ മുഴങ്ങി..

ഞാൻ അലറി കരഞ്ഞു കൊണ്ട് അവളുടെ കൈ വിടുവിച്ചു ആ മൃതദേഹത്തിലെ കറുത്ത തുണി വലിച്ചു മാറ്റി..

മീനുവിനെ പ്രതീക്ഷിച്ച ഞാൻ ഞെട്ടി. മീനു അല്ലായിരുന്നു.. വിഡിയോയിൽ കണ്ട പെൺകുട്ടി..

അവളുടെ കണ്ണിൽ നിന്നും ഒഴുകിയ കണ്ണുനീർ അവളുടെ കവിളിൽ ഉണങ്ങി പിടിച്ചിരുന്നു..

ഒരു നിമിഷം മീനു അല്ല എന്ന് കണ്ടപ്പോൾ സന്തോഷം തോന്നി എങ്കിലും
എന്റെ കണ്ണുകൾ നിറഞ്ഞു ഒഴുകി.. പാവം.. അവൾക്കും ഉണ്ടായിരുന്നിരിക്കില്ലേ സ്വപ്‌നങ്ങൾ?

അതിനെ കൊന്നു ഇവർ.. അതും അതിക്രൂരം ആയി…

എന്റെ കൈ ഒരു നിമിഷം അവളുടെ മുഖത്തു തഴുകി… നിന്നെ കൊന്നവരെ വെറുതെ വിടില്ല മോളെ… എന്ന് എന്റെ മനസ് പറഞ്ഞു.

“വേഗം വാ.. ഷി ഈസ് ഡെഡ്. “

അതും പറഞ്ഞു അവൾ എന്നെ പിടിച്ചു വലിച്ചു.. എന്റെ മനസ്സിൽ പക കത്തി എരിഞ്ഞു..

അവൾ എന്നെ കൈപിടിച്ച് വലിച്ചു കയറ്റിയത് ഒരു വലിയ റൂമിലേക്ക് ആണ്..

ഒരു വശത്തു രണ്ടു ഗ്ലാസ് ചേമ്പർ. രണ്ടു ബഡ്ഡുകൾ കുറെ ഉപകരണങ്ങൾ. ഞാൻ വിഡിയോയിൽ കണ്ട സ്ഥലം ഇവിടെ വച്ചാണ് ആ പെൺകുട്ടിയെ ഇവർ…

അവിടെ പുറം തിരിഞ്ഞു നിന്ന പെണ്ണ് എനിക്ക് നേരെ തിരിഞ്ഞു..

മാസ്കിന്റെ ഉള്ളിൽ കത്തുന്ന ചുവന്ന കണ്ണുകൾ. നീല അരപ്പട്ട.. അവൾ ആണ് ഇവയുടെ ലീഡർ.

വാതിൽ തുറന്നു പുറകിൽ നിന്നും മൂന്ന് പേര് വന്നു.

ചേംബറിന്റെ പുറകിൽ നിന്നും ഒരാൾ കൂടി കറുത്ത ഗൗൺ അണിഞ്ഞു വന്നു.

ഏല്ലവർക്കും പൂച്ചയുടെ മാസ്ക് ഉണ്ട്.. ഞാൻ എണ്ണി നോക്കി.. എന്നെ കൊണ്ടുവന്നവൾ, പുറത്തു നിന്നും വന്നവർ മൂന്ന്. റൂമിൽ രണ്ടുപേർ. മൊത്തം ആറ്.. കണക്ക് ശരിയാണ്..

എന്നാൽ നീല കണ്ണുകൾ ഉള്ളവൾ അതിൽ ഇല്ല..

“റോഷൻ…”

എല്ലാവരും എന്നെ നോക്കി നിൽക്കുകയാണ്.. എന്റെ കണ്ണുകൾ റൂമിന്റെ ഇപ്പുറ വശത്തേക്ക് ചെന്നു.

അവിടെ ഒരു ലിവിങ് റൂം സെറ്റപ്പ്. ഫ്രിഡ്ജ്, ഒരു റാക്കിൽ കുറെ ഷൂസ്, കുറച്ചു വാളുകൾ, അതിന്റെ അപ്പുറം ഒരു നല്ല സോഫ..

ആ സോഫയിൽ മീനു കിടന്നിരുന്നു.. എന്റെ ഹൃദയം സന്തോഷം കൊണ്ട് നിറഞ്ഞു. അവൾ ജീവനോടെ ഉണ്ടല്ലോ

“മീനു??”

ഞാൻ അവളെ വിളിച്ചു കൊണ്ട് ഓടിച്ചെന്നു… അവൾ ഉറക്കത്തിൽ ആണെന്ന് തോന്നി..

വയറിൽ നിന്നും സാരി മാറി കിടന്നതുകൊണ്ടു വയർ മെല്ലെ പൊങ്ങുന്നതും താഴുന്നതും അറിയാം.. കൊന്നിട്ടില്ല..

“മീനു..മോളെ?”

ഞാൻ അവളുടെ മുഖത്തു തട്ടി.. അവളെ ജീവനോടെ കണ്ടപ്പോൾ എനിക്ക് വല്ലാതെ സമാധാനം തോന്നി.. പേടിയും..

“അവൾ എണീക്കാൻ സമയം ആയിട്ടില്ല.. പക്ഷെ ഉണർത്താൻ പോവുകയാണ്…

പുറകിൽ നിന്നും ശബ്ദം.. ഞാൻ തല ചെരിച്ചു നോക്കി.. ആറെണ്ണവും പുറകിൽ വന്നു നിൽക്കുന്നു.. ആറു ജീവികളുടെ കൂട്ടത്തിൽ ഞാനും നിസ്സഹായ ആയ ഒരു പെൺകുട്ടിയും..

ഒരാൾ എന്നെ പിടിച്ചു വലിച്ചു എണീപ്പിച്ചു മാറ്റി നിർത്തി..

“അവളെ വെറുതെ വിട്ടൂടെ? എന്നെ എടുത്തോ.. പ്ലീസ്‌?”

ഞാൻ അവളോട് ചോദിച്ചു..

ഉത്തരം ഇല്ല..

“റോഷൻ.. നിനക്ക് എന്തെങ്കിലും ആഗ്രഹം ഉണ്ടോ?”

“ഉണ്ട്.. എന്നെയും അവളെയും വെറുതെ വിടണം…!”

അവൾ ഒന്നും മിണ്ടിയില്ല…

“അവളുടെ തുണി മാറ്റ്‌…”