നന്ദന 8 [Rivana] 148

“ എന്നാ ശരി,,, മോളിപ്പോ ക്ലസിലെക്‌ പൊക്കോ,, നമുക്ക് പിന്നേ കാണാം “ ഉപ്പ നിറഞ്ഞ പുഞ്ചിരിയോട് തന്നെ പറഞ്ഞു റയയുടെ ചുണ്ടിലും പുഞ്ചിരി ഉണ്ടായിരുന്നു കൂടാതെ കണ്ണുകളിൽ ചെറിയ തിളക്കവും.

“ എന്നാ ശരി ഉപ്പാ “ ഞാനും ചിരിച്ചു കൊണ്ട് പറഞ്ഞു.

അവർ നേരെ റയയുടെ ക്ലാസിന്റെ അടുത്തേക്കും ഞാൻ എന്റെ ക്ളാസ്സിലേക്കും പോയി.

അന്ന് പിന്നേ ഞാൻ റയയെ കണ്ടില്ല. ആദ്യത്തെ ദിവസം ആയതിനാൽ ക്ലാസ്സ് നേരത്തെ കഴിഞ്ഞ് വിട്ടുകാണും. പിറ്റേന്ന് ഫസ്റ്റ് ഇന്റർവെല്ലിന്റെ സമയത്ത് ഞാൻ ചെയ്ത്‌ തീർക്കാൻ ഉള്ള അസ്സൈന്മെന്റ് വർക് എഴുതി കൊണ്ടിരിക്കുകയായിരുന്നു.

“ നന്ദനാ,,, നന്ദനാ,,, “ ഞാൻ എഴുതി കൊണ്ടിരിക്കുമ്പോളാണ് എന്റെ ക്ലാസ്സിൽ തന്നെ പഠിക്കുന്ന മല്ലിക എന്നെ വിളിക്കുന്നത്.

“ എന്താ മല്ലികേ,,, “ ഞാൻ അവിടെ ഇരുന്ന് കൊണ്ട് തന്നെ വിളി കേട്ടു.

“ ദേ ഇങ്കെ,,, ഫസ്റ്റ് ഇയർലേ ജൂനിയർ പൊണ്ണ് ഉന്നേ കൂപിഡ്രാങ്കെ “

മല്ലിക അങ്ങനെ പറഞ്ഞപ്പോ എനിക് ആദ്യം ആളെ മനസിലായില്ല.

“ ഫസ്റ്റ് ഇയറിലെ ആര് മല്ലിക,, “ ഞാൻ എന്റെ സംശയം ചോദിച്ചു.

“ അവ പേര് റയ്‌ഹാന എന്ന സോൾറിങ്കേ “

മല്ലിക റയ്ഹാന എന്ന പേര് പറഞ്ഞപ്പോഴാണ് റയ ഇവിടെ ഫസ്റ്റ് ഇയറിൽ ഉണ്ടെന്നത് ഓർമ വന്നത്. പെട്ടെന്നു എന്റെ മനസ്സിൽ മറ്റൊരു ചോദ്യം ഉദിച്ചു, റയ എന്തിനാ എന്നെ കാണാൻ വന്നത് എന്ന്.?.

ഞാൻ എഴുതുന്നത് നിർത്തി ഞാൻ അടുത്തേക്ക് ചെന്നു.

റയ ക്ലാസിന് പുറത്തായി വരാന്തയിൽ എന്നേം കാത്ത് നിൽപ്പുണ്ടായിരുന്നു. ഞാൻ അവളുടെ അടുത്തേക്ക് വരുന്നത് കണ്ടതും മുന്നിലുള്ള പാൽപ്പല്ലുകളും കാട്ടി എന്നെ നോക്കി ചിരിച്ചു. ഞാനും ഒന്ന് പുഞ്ചിരിച്ചു.

“ ആ പറയടി റയേ,,,, ന്താ കാര്യം “ ഞാൻ ചിരി വിടാതെ ചോദിച്ചു.

“ അത് ഏച്ചി കോളേജ് വിടുമ്പോ ഹോസ്റ്റലിലേക്ക് പോവരുതെന്ന് പറയാൻ വന്നതാ “