നന്ദന 8 [Rivana] 148

“ ഹലോ മോളേ “

“ മാമ,,, “

“ പറ മോളെ,, എന്തേ ഈ നേരത്ത് വിളിച്ചേ “ മാമ എന്നോട് ആകാംക്ഷയോടെയാണ് ചോദിച്ചത്.

ഞാൻ റയയെം ഉപ്പയെം കണ്ടതും അവർ എന്നോട് വരാൻ പറഞ്ഞതുമെല്ലാം മാമയോട് പറഞ്ഞു.

“ മോളേ ഇങ് താ ഞാനവനോട് സംസാരിക്കാം “ ഉപ്പ എന്റെ കയ്യിൽ നിന്നും ഫോൺ വാങ്ങി മാമയോട്  സംസാരിച്ചു.

അവർ തമ്മിൽ എന്തൊക്കെയോ സംസാരിച്ചു കഴിഞ്ഞു ഉപ്പ എനിക് തന്നെ ഫോൺ തിരിച്ചു തന്നു.

“ മോളേ നന്ദേ.. “ ഞാൻ ഫോൺ ചെവിയിൽ വച്ചതും മാമയെന്നെ വിളിച്ചു.

“ മോളാവരുടെ കൂടെ പൊയ്കോട്ടെ,, അവൻ എന്നോട് എല്ലാം പറഞ്ഞു,, പേടിക്കാനൊന്നൂല്യ ഞാനേ മോളുടെ ഹോസ്റ്റലിലെ വാർഡനെ വിളിച്ചു കാര്യങ്ങൾ എല്ലാം പറഞ്ഞോളാം മോൾ ടെന്ഷനടിക്കണ്ട എപ്പോയും ഹാപ്പിയായിട്ടിരിക്കണം,,, ആ പിന്നെ ക്ലാസ് ലീവ് കിട്ടുമ്പോ ഇങ്ങോട്ട് വരാൻ മറക്കരുത് ട്ടോ ഇവിടെ മാമനും അമ്മായിയും ഒക്കെ മോളെ കാത്തിരിക്കും കേട്ടോ “

“ ആ മാമ ഞാൻ ഒഴിവ് ഉണ്ടാവുമ്പോ വരണ്ട്,, ഞാൻ നിങ്ങടെ അടുത്തേക്ക് വരാതിരിക്കോ “

“ അത് കേട്ടാ മതി എനിക്, എന്നാ മോൾ ഫോൺ വച്ചോ ഞാൻ വാർഡനെ വിളിക്കട്ടെ. മോൾക് ഞാൻ രാത്രീല് അടികണ്ട്, ശെരി യന്നാൽ “

“ എന്നാ ശെരി മാമ “ അങ്ങനെ സംസാരം ഒക്കെ കഴിഞ്ഞു ഫോൺ വച്ചു.

പിന്നേ അധികം അവിടെ നിൽക്കാതെ ഞങ്ങൾ നേരെ കോളേജിന് അടുത്തുള്ള വുമെൺസ് ഹോസ്റ്റലിലേക് ചെന്നു. ഞാനും ഉപ്പയും റയയും കൂടെ നേരെ വാർഡന്റെ റൂമിലേക്ക് കയറി.

ഉപ്പ വാർഡനോട് കാര്യങ്ങൾ എല്ലാം പറഞ്ഞു ബോധ്യപ്പെടുത്തി എന്നെ ഇവിടുന്ന് കൂട്ടി കൊണ്ട് പോവാണെന്ന് പറഞ്ഞു ഒപ്പം മാമയും വിളിച്ചു കാര്യങ്ങൾ പറഞ്ഞു. വാർഡൻ അതിന് സമ്മതിക്കുകയും ചെയ്തു. അവർക്ക്‌ പ്രശ്നം ഒന്നുമില്ലെന്ന് പറഞ്ഞപ്പോൾ ഞാനും റയയും കൂടെ എന്റെ സാധനങ്ങൾ ഒക്കെ എടുക്കുന്നതിന് വേണ്ടി റൂമിലേക്ക് വന്നു. എന്റെ സാധനങ്ങൾ എല്ലാം ബാഗുകളിലാക്കി റൂമിൽ നിന്നും ഇറങ്ങി വാർഡന്റെ റൂമിന്റെ അവിടേക്ക് ചെന്നു.

ഉപ്പയും വാർഡനും പുറത്ത് നിന്ന് സംസാരിക്കുന്നുണ്ടായിരുന്നു. ഞങ്ങളെ കണ്ടതും വാർഡനോട് യാത്രയും പറഞ്ഞു അവിടെന്ന് ഇറങ്ങി നേരെ കാറിന് അടുത്തേക്ക് വന്നു. എന്റെ സാധനങ്ങൾ എല്ലാം കാറിന്റെ ഡിക്കിയിലേക് വച്ചു ഞാൻ ബാക്ക് സീറ്റിലേക് കയറി.