ഈ ഭാഗം കുറച്ചു വൈകി പോയി എന്നറിയാം, വേറെ ഒന്നും കൊണ്ടല്ല എന്റെ ഫോൺ കംപ്ലൈന്റ് ആയിരുന്നു പിന്നെ എനിക് ലാപ്പിൽ എഴുതി ശീലം ഇല്ല കൂടാതെ കണ്ണിന് ചെറിയ പ്രോബ്ലം ഉണ്ടായിരുന്നു അത് കൊണ്ടാണ് എഴുതാൻ പറ്റാഞ്ഞത്. ഇനി ഉള്ളത് നേരത്തെ എത്തിക്കാൻ ശ്രമിക്കാം.

നന്ദന8 | nanthana part 8 |~

Author : Rivana | previous part – നന്ദന 7[ Rivana ]

ഒരു മാറ്റങ്ങളും ഇല്ലാതെ മുന്നോട്ട് പോയി കൊണ്ടിരുന്ന എന്റെ ജീവിതം മാറി മറിയുന്നത് ഞാൻ സെക്കന്റ് ഇയർ ആയപ്പോഴാണ്. അതും കൃത്യമായി പറഞ്ഞാൽ ഫസ്റ്റ് ഇയർ സ്റ്റുടെന്റ്സിന് ക്ലാസ് തുടങ്ങുന്ന ദിവസം.

അന്ന് ഞാൻ കോളേജിലെക്ക് വന്നു വരാന്തയിലൂടെ ഞാൻ എന്റെ ക്ലാസ്സ് റൂമിലേക്ക് നടക്കുകയായിരുന്നു.

അപ്പോഴാണ് എന്റെ എതിരെ ആയി വരുന്നയാളുടെ മുഖത്തേക്ക് എന്റെ കണ്ണ് പോയത്.

ഒരു മദ്യവയസ്കനും ഒരു പെൺകുട്ടിയുമാണ് എനിക് നേരെ വന്നുകൊണ്ടിരിക്കുന്നത്, പക്ഷെ അവർ രണ്ടു പേരെയും എനിക് കണ്ടു നല്ല പരിജയം ഉള്ളത് പോലെ തോന്നി. ഞാൻ ഓർമയിൽ ആ മുഖങ്ങൾ ചികഞ്ഞു നോക്കി പെട്ടെന്ന് തന്നെ ആ മധ്യവയസ്കനെ എനിക് പിടി കിട്ടി. പക്ഷെ കൂടെ ഉള്ള പെൺകുട്ടിയെ വ്യക്തമായി മനസിലായില്ല.

അവർ എന്റെ അടുത്ത് എത്താറായതും ഞാൻ നടത്തം പതിയെ ആക്കി അവരെ തന്നെ നോക്കി കൊണ്ട് നിന്നു. എന്റെ നോട്ടം കണ്ടു അവരും എന്നെ വീക്ഷിക്കുന്നുണ്ട്.

അവർ തൊട്ടരികിൽ എത്തിയതും ഞാൻ ഒരു പുഞ്ചിരി നൽകി.

“ ഉപ്പാ,,,, നിങ്ങക്ക് എന്നെ മനസിലായോ “ ഞാൻ അവരിൽ നിന്നും നോട്ടം മാറ്റാതെ തന്നെ ചോദിച്ചു.

“ നന്ദേച്ചി,,,, “ കൂടെ ഉണ്ടായിരുന്ന ആ പെൺകുട്ടി ചെറിയ ആശ്ചര്യത്തോടെ എന്നെ വിളിച്ചു.

“ റയാ,,,, മോളേ നീ ആയിരുന്നോ ഇത്.ആളാകെ മാറിയല്ലോ, നിന്നെ ആദ്യം കണ്ടപ്പോ മനസിലായില്ല “ നിറഞ്ഞ പുഞ്ചിരിയോടെയും ആശ്ചര്യത്തോടെയും ഞാൻ പറഞ്ഞു.

“ പക്ഷെ ഉപ്പാനെ കണ്ടപ്പോയെ എനിക് മനസിലായി, ആൾക് ഇപ്പോഴും ഒരു മാറ്റവും ഇല്ല “

“ നീയും ആകെ മാറിയല്ലോ മോളേ,,,, എനിക്കും അങ്ങോട്ട് നിന്നേ മനസിലായില്ല,,,, മുഖഛായ ഒക്കെ മാറി കുറച്ച് വലിപ്പവും വെച്ചു “

ഉപ്പ അങ്ങനെ പറഞ്ഞത് കേട്ട് ഞാൻ എന്നെ തന്നെ കഴുത്തിന് അടിയിലേക് വീക്ഷിച്ചു.

“ എന്നിട്ട് എന്തൊക്കെയുണ്ട് മോളെ വിശേഷങ്ങൾ,,,,, സുഖല്ലേ “