ദേവിയുടെ മാത്രം…. [AK] 304

സന്തോഷത്തോടെ അവളെന്നെ നോക്കിപറഞ്ഞപ്പോൾ ആ സന്തോഷം തന്നിൽ വല്ലാത്ത ഒരനുഭൂതി ചേർക്കുന്നുണ്ടായിരുന്നു…

“ഏതാ സിനിമക്കാർ വന്നെന്ന് പറഞ്ഞെ…”

അത്‌ പറഞ്ഞപ്പോൾ ആ മുഖം വാടുന്നത് ശ്രദ്ധിച്ച അവൻ പിന്നിലേക്ക് തിരിഞ്ഞു നോക്കിയപ്പോഴേക്കും തന്നെ ചേർത്തുപിടിച്ചു കൊണ്ട് അവൾ അകത്തേക്ക് കൊണ്ടുപോയി… അവശേഷിച്ച സംശയങ്ങൾ മാറ്റി വെച്ച് അമ്മയെ കെട്ടിപ്പിടിച്ചപ്പോൾ അമ്മയുടെ മുഖത്തെ പരിഭവങ്ങളെല്ലാം അലിഞ്ഞുതീരുന്നത് അനുഭവിച്ചറിയുന്നുണ്ടായിരുന്നു…

“ന്റെ മോൻ “

ആ അമ്മയുടെ കണ്ണീർ ഒരു കാലത്ത് സങ്കടങ്ങളുടെ സ്വത്തായിരുന്നെങ്കിൽ ഇന്ന് സാക്ഷാത്കരിക്കപ്പെട്ട ഒരുപാട് സ്വപ്നങ്ങളുടെ പ്രതീകമാണ്…

അകത്തേക്ക് നടക്കുമ്പോഴും ഇടയ്ക്കിടെ പിന്തിരിഞ്ഞു നോക്കുന്ന അനിയത്തിയെ കാണുമ്പോൾ അവനിലെ സംശയങ്ങൾ അധികരിക്കുന്നുണ്ടായിരുന്നു… ഭക്ഷണശേഷം പിടിച്ചപിടിയാലേ അവളെ കൊണ്ടുപോയി കാര്യം ചോദിച്ചപ്പോൾ അവളുടെ കണ്ണുകളിലെ ഭയവും വെപ്രാളവും തന്റെ സംശയങ്ങളെ ഊട്ടിയുറപ്പിക്കുമ്പോൾ അവൻ അവളോട് ഒന്നേ ചോദിച്ചുള്ളൂ…

“അവളാണോ…”

നിറഞ്ഞ കണ്ണുകളോടെ അവൾ തലയാട്ടുമ്പോൾ ആ കണ്ണുകൾ തന്നോട് സംസാരിക്കുന്നത് അവനറിയുന്നുണ്ടായിരുന്നു……

ജീവിതമിങ്ങനെയൊക്കെയാണ്… ഇനിയൊരിക്കലും കാണാൻ സാധിക്കില്ലെന്ന് കരുതിയവളെ കുറിച്ച് നിരന്തരമായി താൻ അറിഞ്ഞുകൊണ്ടിരിക്കുന്നു… അല്ലെങ്കിലും അവളിന്ന് ഭൂമിയിലെ താരങ്ങളിലൊരാളല്ലേ…ദി മോസ്റ്റ്‌ ടാലെന്റെഡ് ആൻഡ് ദി മോസ്റ്റ്‌ ബ്യൂട്ടിഫുൾ സെലിബ്രിറ്റി…