ദേവിയുടെ മാത്രം…. [AK] 304

അവനപ്പോഴും ഇത് സ്വപ്നമാണോ യഥാർഥ്യമാണോ എന്ന ബോധം വന്നിരുന്നില്ല… തന്റെ മാറോട് ചേർന്ന് ഇറുകെ പുണർന്നിരിക്കുന്ന പ്രിയതമയെ കണ്ണിമ വെട്ടാതെ നോക്കി നിന്നു….

 

“ന്റെ പെണ്ണ് ന്നോട് സോറി പറയ്യേ… ന്താ ദേവ്യേ…”

 

അവൾക്കത് കേട്ടാൽ മതിയായിരുന്നു.. അത്‌ മാത്രം.. ഒന്ന് കൂടെ ഇറുകെ പുണർന്നിരിക്കുന്ന അവളുടെ നെറ്റിയിൽ അവൻ ചുംബനം ചാർത്തി… ഇരുവരുടെയും കണ്ണുകൾ നിറയുന്നുണ്ടായിരുന്നു…

 

“അതെ..”

 

ആരോ തോണ്ടുന്നത് കണ്ടപ്പോഴായിരുന്നു അവൻ ഞെട്ടിതിരിഞ്ഞത്… ഡയറക്ടർ ആയിരുന്നു അത്‌…

 

“അപ്പൊ തനാണോ ഈ ദേവേട്ടൻ…”

 

അയാളുടെ പല്ലുകടിക്കുന്ന ഒച്ച അവന് കേൾക്കാമായിരുന്നു…

 

“അതെ…”

അവൻ തെളിഞ്ഞ മുഖത്തോടെ പറഞ്ഞു….പക്ഷെ അപ്പോഴും ആ കണ്ണുകൾ തോർന്നിട്ടുണ്ടായിരുന്നില്ല…

 

“സർ… ലാസ്റ്റ് ഷോട്ട് ആണ്… ഇത് കഴിഞ്ഞാൽ ഷൂട്ടിംഗ് കഴിഞ്ഞു… ആദ്യപടം ആണ്. സ്വപ്നമാണ്… ഒന്ന് സഹകരിക്കണം…”

 

താനെന്തു ചെയ്യണമെന്ന ഭാവേന അവൻ നോക്കിയപ്പോൾ നിസ്സഹായനായി നിന്നുകൊണ്ട് അയാൾ തന്റെ മാറിൽ പൂച്ചക്കുട്ടിയെപ്പോലെ അള്ളിപിടിച്ചു ഒതുങ്ങി കണ്ണടച്ച് ഏതോ നിർവൃതിയിലെന്ന പോലെ നിൽക്കുന്ന ദേവിയെ കാണിച്ചു… അവൻ ചുറ്റുംനോക്കിയപ്പോൾ എല്ലാവരും പല രീതിയിൽ കുശുകുശുക്കുന്നുണ്ട്… പാറു നിറഞ്ഞ കണ്ണുകൾ തുടച്ചു മാറ്റുന്നു.. അവൻ പയ്യെ അവളെ വിളിച്ചു…

 

“പെണ്ണെ…”

 

“ഹ്മ്മ്..”

 

“ദേവ്യേ..”

 

“ഹ്മ്മ്..”

 

“മോളെ ഷോട്ട് കംപ്ലീറ്റ് ചെയ്…”

 

“ഹ്മ്മ് ഹ്മ്മ് “